බ්‍රිගේඩියර් ප්‍රියංක ප‍්‍රනාන්දු ලංකාවට එවුවේ ඩයස්පෝරාවේ වුවමනාවට…

February 22, 2018 at 4:40 pm | lanka C news
බ්‍රිගේඩියර් ප්‍රියංක ප‍්‍රනාන්දු ලංකාවට එවුවේ ඩයස්පෝරාවේ වුවමනාවට…

පළාත් පාලන මැතිවරණයේ දී එකිනෙකාට චෝදනා කරමින් මැතිවරණයෙන් පසු තනි ආණ්ඩු හදන බවට වහසි බස් දෙඩූ එක්සත් ජාතික පක්ෂය සහ ශ්‍රී ලංකා නිදහස් පක්ෂය ඒ ‘අපි තරහයි’ නාටකය නිමවා අද සිට ‘අඹ යාළුවෝ’ නාටකය රඟ දැක්වීම අරඹා ඇතැයි ජානිපෙ ප්‍රචාරක ලේකම්, හිටපු පාර්ලිමේන්තු මන්ත්‍රී මොහොමඞ් මුසම්මිල් මහතා පෙන්වා දෙයි.

අද (22) ජාතික නිදහස් පෙරමුණේ පිටකෝට්ටේ පිහිටි ප්‍රධාන කාර්යාලයේ දී පැවැති මාධ්‍ය හමුවක දී ඒ මහතා මෙසේ පෙන්වා දුන්නේය.

එහිදී වැඩිදුරටත් අදහස් දැක්වූ මොහොමඞ් මුසම්මිල් මහතා මෙසේ ද සඳහන් කළේය.

“පසුගිය පළාත් පාලන මැතිවරණයේ දී ජනාධිපති මෛත්‍රීපාල සිරිසේන මැතිතුමා ප්‍රමුඛ ශ්‍රී ලංකා නිදහස් පක්ෂය වගේම අගමැති රනිල් වික්‍රමසිංහ මැතිතුමා ප්‍රමුඛ එක්සත් ජාතික පක්ෂය ජනතාව ඉදිරියේ හොඳ රඟපෑමක් කළා. එජනිස තනි ආණ්ඩු, එජාප තනි ආණ්ඩුවක් හදන බව පැවසුවා. එජාප ආණ්ඩුව පසුගිය වසර තුන තුළ රටේ ආර්ථිකය කාබාසිනියා කළ බවත් පළාත් පාලන ඡන්දයෙන් අනතුරුව රටේ ආර්ථිකය තමාගේ අතට ගන්නා බවත් ජනාධිපතිවරයා දිගින් දිගටම කීවා. නමුත් ඊයේ (21) අපි පාර්ලිමේන්තුවේ දී දුටුවා ‘එජාප – ශ්‍රී ලනිප ජාතික ආණ්ඩුව ඉදිරියට ගෙන යාමට අපි සූදානම්’ කියලා එජාපය වෙනුවෙන් එහි නායක රනිල් වික්‍රමසිංහ අගමැතිවරයාත් ශ්‍රී ලනිපය වෙනුවෙන් එක්සත් ජනතා නිදහස් සන්ධානයේ මහලේකම් මහින්ද අමරවීර ඇමතිවරයාත් කියපු අපූරුව.

‘ජනමතයට පිටුපාලා අලියාගේ වලිගයේ එල්ලුණා’

ජනාධිපති මෛත්‍රීපාල සිරිසේන මහතාගේ මූලිකත්වයෙන් පළාත් පාලන මැතිවරණයට ඉදිරිපත් වුණු ‘බුලත් කොළයට’ සහ ‘අතට’ ලැබුණු සෑම ඡන්දයක්ම එජාප විරෝධී ඡන්දයක්. අද ඒ 13%කට මදක් වැඩි ඡන්ද ප්‍රතිශතය, ජනමතයට පිටුපාලා අලියාගේ වලිගයේ එල්ලලා තියෙනවා. මේ හවුල් ආණ්ඩුව ඇතුළට ගිහිල්ලා ‘ඇමති කටු’ සූප්පු කරන්න සැබෑ ශ්‍රී ලංකා නිදහස් පක්ෂයේ මන්ත්‍රීවරුන්ට පුළුවන් ද? විශාල මුදලකට විකුණුනු, ඉදිරි මහමැතිවරණයේ දී කිසිසේත්ම ජයගත නොහැකි අන්දමට ජනතාවගෙන් ප්‍රතික්ෂේප වුණු, ඒ වගේම 2020 දී දේශපාලනයෙන් විශ්‍රාම ගැනීමට බලා සිටින අයට පමණයි, එවැනි තීරණයක් ගත හැක්කේ. තවත් කිහිප දෙනකු ඉන්න පුළුවන් මේ හවුල් ආණ්ඩුවට සහාය දීලා 2020 දී එජාපය සමග ඡන්දය ඉල්ලන්න බලා ගෙන ඉන්න. කෙසේ වෙතත්, මේ ශ්‍රී ලනිප මන්ත්‍රීවරුන් පිරිස ජනමතයට පිටුපාලා හවුල් ආණ්ඩුවේ වාඩි වීමෙන් රටටත්, ජාතියටත්, බරපතළ අපරාධයක් සිදු කරනවා.

මේ හවුල් ආණ්ඩුව ඉදිරියට ගෙන යන ගමන් දැන් කැබිනට් සංශෝධනයක් ගෙන එනවාලු. ඒකෙන් රටට සිදුවන සෙත කුමක් ද? ඒක හරියට ‘මහළු ගණිකාවක් මේකප් දාලා කන්‍යාවියක් බවට පත්කිරීමට’ උත්සාහ කිරීමකට සමානයි.

මේ හවුල් ආණ්ඩුව තවදුරටත් තබා ගැනීමෙන් රටටත්, ජනතාවටත් ලැබෙන්නේ කුමක්ද? උතුරට ෆෙඩරල් ක්‍රමයටත් එහා ගිය ස්වයංපාලනයක් ලැබෙන ආණ්ඩුක්‍රම ව්‍යවස්ථා සංශෝධනයක් වගේම රටේ ජාතික සම්පත්, ඉඩම් කුණු කොල්ලයට නොරටුන්ට විකුණා දැමිම, එට්කා ගිවිසුම ගහලා මේ රට ඉන්දියාවේ කොලනියක් බවට පත් කිරීම, රණවිරුවන් යුද අපරාධ දංගෙඩියට දැක්වීම, සමලිංගික විවාහ, කාන්තාවන්ට මත්පැන් අලෙවියට, පානයට අසීමිත නිදහසක් ආදිය ලැබේවි.

‘සංහිඳියාවේ’ නාමයෙන් චෛත්‍ය ඩෝසර් කරාවි. ඒ සෑම දෙයක්ම ලැබේවි. මේ සියලු අපරාධවලට විරුද්ධව තමයි, පොහොට්ටුවට වගේම අතට, බුලත් කොළයට මේ රටේ ජනතාව ඡන්දය දුන්නේ. ඒ ජනමතයට පිටුපාලා මේ විදිහට ඉදිරියට ගියොත් ලැබෙන ප්‍රතිඵලය අපි අමුතුවෙන් කිවයුතු නැහැ.

‘යළි බෝම්බ පිපිරෙන යුගයක්’

ඊයේ (21) දියතලාවේ දී බස් රථයක් තුළ බෝම්බයක් පුපුරා ගියා. ත්‍රස්තවාදය මුලිනුපුටා දැම්මා කියා මේ රටේ ජනතාව, ප්‍රභාකරන්ගේ මරණයෙන් පස්සේ සැනසුම් සුසුම් හෙළුවා. ඒත් ප්‍රභාකරන්ගේ මරණයෙන් අවුරුදු 9කට පස්සේ යළිත් රට තුළ බෝම්බ පුපුරන්න පටන් අරන් තිබෙනවා. හමුදා මාධ්‍ය ප්‍රකාශක කියනවා, ‘ජනතාව කලබල වෙන නිසා මේක ත්‍රස්තවාදී ක්‍රියාවක් කියා පවසන්න බැහැ’ කියලා. ඇත්ත හංගන්න එපා! මේවා බුද්ධි අංශ අඩපණ කිරීමේ ප්‍රතිඵල. ‘ඇත්ත ඇති සැටියෙන් කියන්න. මේ රටේ ජාතික ආරක්ෂාව තහවුරු කරන්න’ කියා අපි ආරක්ෂක බලධාරීන් ගෙන් ඉල්ලා සිටිනවා.

‘බ්‍රිගේඩියර් ප්‍රියංක ලංකාවට එවීමෙන් ඩයස්පෝරාවේ වුවමනාව ඉටු කරලා’

කොටි ත්‍රස්තවාදයට සහාය පළ කරමින් බ්‍රිතාන්‍ය මහ කොමසාරිස් කාර්යාලය ඉදිරිපිට නිදහස් දිනය දා උද්ඝෝෂණය කළ කොටි හිතවාදීන්ට සිංහ ලාංඡනය පෙන්නූ එම මහකොමසාරිස් කාර්යාලයේ ආරක්ෂක උපදේශක බ්‍රිගේඩියර් ප්‍රියංක ප්‍රනාන්දු ලංකාවට ගෙන්වා ගැනීමට මේ ආණ්ඩුව කටයුතු කර තිබෙනවා. මේ හවුල් ආණ්ඩුවේ කවරෙකු පුරසාරම් දෙඩුවත් අද ඉටු වන්නේ දෙමළ ඩයස්පෝරාවේ උවමනාව බව ඉතා පැහැදිලියි. දෙමළ ඩයස්පෝරාවේ ඉල්ලීමට යටත්වීම අනුවයි, බ්‍රිගේඩියර් ප්‍රියංකට යළිත් ලංකාවට පැමිණිමට සිදුව ඇත්තේ. මේ ආණ්ඩුව ජනමතයට පයින් ගසා සුපුරුදු පරිදි බෙදුම්වාදයේ වුවමනාවන් ඉටු කරන බවයි මේ මගින් වැඩිදුරටත් පැහැදිලි වන්නේ.

‘නිල ප්‍රතිඵල තවමත් නැහැ’

පළාත් පාලන මැතිවරණය පවත්වා දැන් දින 12ක් ඉකුත් වී තිබෙනව. ඒත් තවම අවසන් නිල ප්‍රතිඵල ලබා දීමට මැතිවරණ කොමිසම අසමත් වී තිබෙනවා. මාධ්‍ය වෙත මැතිවරණයෙන් පසු නිකුත් කළ ප්‍රතිඵලවල ද බොහෝ අඩුපාඩුකම් දැකගත හැකි වුණා. විශේෂයෙන් 51%ක ප්‍රතිශතයක් නොමැතිව පළාත් පාලන ආයතනයක ස්ථාවර පාලනයක් ගෙන යන්න බැහැ. අවසාන නිල ප්‍රතිඵලය නොමැතිව බොහෝ පළාත් පාලන ආයතනවල බලය පිහිටුවීමටත් ගැටළු ඇතිව තිබෙනවා. මේ තත්ත්වයට කඩිනමින් පිළියම් යොදන ලෙස අපි මැතිවරණ කොමිසමෙන් ඉල්ලා සිටිනවා.

‘ලයිකා මොබයිල්ට නාලිකා – මූල්‍ය ආයතන’

මෙරට දේශීය ව්‍යාපාර ජාලයකට අයත් රූපවාහිනි නාලිකා, ගුවන්විදුලි නාලිකා සංඛ්‍යාත මෙන්ම ඔවුන් සතු මූල්‍ය ආයතනයක් විකුණා දැමීම සඳහා ටෙන්ඩර් කැඳවා තිබුණා. ඒ සඳහා ඉහළම මිල ගණන් ඉදිරිපත් කර ආයතනය නොසලකා හරිමින්, ආණ්ඩුවේ බලපෑමට ලයිකා මොබයිල් නැමැති ආයතනයට ඉහත සියල්ල ලබා දීමට සූදානම් වෙනවා. මුදල් විශූද්ධිකරණ චෝදනා තිබෙන, බෙදුම්වාදී දෙමළ ඩයස්පෝරාවේ උවමනාව අනුව නැටවෙන, ඒ වගේම බ්‍රිතාන්‍යයේ හිටපු අගමැති ඬේවිඞ් කැමරන්ට අල්ලස් ලබා දීමේ චෝදනා එල්ල වූ ජාත්‍යන්තර අපකීර්තියට පත් වූ ආයතනයක් තමයි ‘ලයිකා මොබයිල්’ කියන්නේ. මෙවැනි ආයතනයකට මාධ්‍ය ආයතන සහ මූල්‍ය ආයතන පවත්වා ගෙන යාමට ඉඩකඩ සලසා දීමෙන් මේ ආණ්ඩුව මේ රට සුවිශාල අවදානමකට ඇද දමනවා”

මෙම මාධ්‍ය හමුවට සීතාවක ප්‍රාදේශීය සභාවේ මන්ත්‍රී චන්දන ලියනගේ මහතා ද එක් ව සිටියේය.

අනුරුද්ධ බණ්ඩාර රණවාරණ
මාධ්‍ය ලේකම්
ජාතික නිදහස් පෙරමුණ

112 views

11 Comments to “බ්‍රිගේඩියර් ප්‍රියංක ප‍්‍රනාන්දු ලංකාවට එවුවේ ඩයස්පෝරාවේ වුවමනාවට…”

  1. weda.p says:

    eka ekata pichan wewi mehema andukaraana widayakayak.

    • කුමුදිනි says:

      කොහොමද අපේ ජනාදිපති ලංකාවේ තවමත් ඉතුරුවෙලා ඉන්න මෝඩයෝ සියට 13 රැවටුව හැටි .අපේ ජනාදිපති කියද්දීම අපි දන්නවා වෙන්නේ අනිවාර්යෙන්ම මේ හමුදා නිලධාරියාගේ රැකියාව අහිමි වන එක බව .ජනපති තමයි මේ රටේ ඉන්න ලොකුම බොරු කාරයා .
      මේපාර අපේ ගමේ අවුරුදු උත්සවයට අලුත් තරඟයක් ලැස්ති කරලා කොල්ලෝ
      එකට කියන්නේ “සිරා බොරු කීමේ තරගය “කියල එකෙන් දිනුම දෙන්නේ සිරිසේනට වඩා ලොකු බොරුවක් කියන්න පුළුවන් කෙනෙක්ට පමණයි .
      අනේ අපේ රටට වුනු දෙයක් .වෙන රටක මෙහෙම උනානම් මිනිස්සු පාරට බැහැල ජනපති මන්දිරය වට කරනවා

      • OLU says:

        සිහලුනේ සිතන්න බුද්ධිමත්ව .
        .මේ යමපාලනය සහ දෙමළ කොටි ඩයස්පෝරාවේ රුකඩ නැට්ටුවන් වූ සිරිසේන -රනිල් නෙරපා රට ජාතිය ආරක්ෂා කරන්න
        දුගඳක් නොඉවසන මුත් පිටතින් පත්තු
        නරිරොක් ගැහෙන තැන්වල රිංගා ගත්තු
        කෙසඟක් පමණ මොල කබලක් නැති සත්තු
        අද ලක් මවගෙ ජාතික පෙම්බර පුත්තු .
        පෙර කරුමයේ හැටියට ඔහේ හිටපල්ලා”
        යන දරුමයේ සැබවක් නැත දැන ගල්ලා
        ලොව උරමය පටත් හිමි දැය ඉල්ලා
        බැරි කරුමයේ කිම? සටනට සැරසෙල්ලා

        • sky says:

          දෙමළ ත්‍රස්තවාදීන්ට සමාව දීම ගැන සාකච්ඡා වූ අතර දෙමළ ජනයා ඝාතනය කිරීමක් සම්බන්ධයෙන් රණවිරුවකු මරණීය දණ්ඩනයට නියම කෙරිණි. අප ඔහුට සමාව දෙන ලෙස මෛත්‍රිපාලට බළකළ යුතු ය. ඔහු පෞද්ගලික මිනීමැරුමකට වරදකරු වූවා නො වේ. දරුවන් ගැහැණුන් අමු අමුවේ මරා දැමූ දෙමළ ත්‍රස්තවාදීන්ට සමාව දී ඇත
          මොකද්ද මේ සිරිසේනගේ යමපාලනය ?මොකද්ද මේ අවනීතිය ?

      • Amda says:

        Kiyala wedak naa. Gal aandek & sakkiliyek together in one.

  2. Senarath says:

    අපේ කොල්ලගෙ බෙල්ල යයි ද​
    පැත්තක බුරපු බල්ලො නිසා

    • SALMAL says:

      යුද්ධයේ දරුණු බව කටුක බව දන්නේ යුද්ධයට සැබෑ ලෙස මුහුණ දුන් අපේ විරෝධාර රණවිරුවන්ය
      වත්මන් ආණ්ඩුවේ අලිමංකඩ සිට පාමංකඩ යනවා කියූ මේ දේශද්‍රෝහී පාපතරයන් නොවේ
      අපේ ආදරණිය රණවිරුවනේ ඔබ දිනා දුන් දේශයේ දේශප්‍රේමී ජනතාව ඔබසැම කිසිදාක අමතක නොකරන බව සහතිකය
      LTTE දෙමළ ඩයස්පෝරා කොටින්ට කත් ඇද්ද /කත් අදින කළු කොටි මිනීමරුවන් නිදොස් කොට නිදහස් කර .අපේ රට ජාතිය බේරාගත්විරුවන් දන් ගෙඩියට ගෙනියන අරුම පුදුම දේශද්‍රෝහී සිරිසේනගේ යමපාලනය ට අපි තවත් ඉඩ දිය යුතුද ?
      අවදි වේව් මිනිසුනේ අවදි වේව්

  3. sunil says:

    දියතලාවෙ බෝම්බ කේස් එකත් හත්පොලෙම ගාගත්තු ඒකාබඩ්ඩෙ හොරු දැන් බ්‍රිගේඩියර් තුමාගෙන්
    දේශපාලන වාසි ගන්න හදන්නෙ

    • God angel says:

      AHH!! menna katukana Sunil awilla ! Rate wena atta nodanna me wage awalamu thama kotanawa meke thopi wage awn paulpitin hadigawenna one Boru kotanawa sakkili kama ihawaha giyapu awn ,kelehiguna nodanna gunamakuwo😠

      • Brahmana says:

        සුනිල් කියල නම දාගත්තට, සිංහලෙන් කොමෙන්ට්
        දැම්මට මූ සිංහලයෙක් කියල රැවටෙන්න එපා!

        මේකා සිංහල මාධ්‍යයෙන් ඉගෙන ගත්ත පූර්ණකාලීන කොටි
        සාමාජිකයෙක්. මූට සිංහල, බෞද්ධයෝ ගැන තියෙන්නෙ
        දරුණු වෛරයක්, හරියට චන්ද්‍රිකාගෙම ජාතියෙ.

  4. podi gamaya says:

    AHO ! Susil,Anura Priyadarsana, John Seneviratne Nimal Siripala weni SLFP eke seniors la ge angathaya iwarai demma theeranayak nogaththoth. Sirisena Mahaththayawa Chandrika Nona vinasa Karala Iwarai. Eyata newathath desapalana anagathayak ne.Koodello wage jada palanaye ellila inne nethuwa MY3 wa araksa karala wedak ne. Ikman theeranayak ganna. Parakku wedida manda.

Main News