බැදුම්කර හොරු රවි එලි කරයි.. ජාතික ලයිස්තුවෙන් ආපු එකා පක්‍ෂය විනාශ කරන බවත් කියයි..

May 29, 2017 at 11:20 am | lanka C news
බැදුම්කර හොරු රවි එලි කරයි.. ජාතික ලයිස්තුවෙන් ආපු එකා පක්‍ෂය විනාශ කරන බවත් කියයි..

මහ බැංකුවේ බැදුම්කර සම්බන්ධව අද ලංකාදීප පුවත් පත විමසූ විට, රවි කරුණානයක මහතා පැව්සුවේ, ‘මේක මගේ විෂය පතයේ තිබ්බ එකක්ද? එහෙම නැති එකක් මගේ පිට පටවන්නේ ඇයි? අනෙක් අයගේ පව් කරගහන්න වුනාට කමක් නැහ. මට හානි වුනාට මගේ අගමැති ආරක්ෂා කිරීම මාගේ වගකීමක්, කොමිසම ඉදිරියේ ඇත්ත සියල්ලම හෙලිවෙනවා, වෙස් මුහුණු බැදන් සිට අය කවුද කියා හෙලිවෙනවා’ යන්නයි.

‘මගේ පක්ෂයේ එක පුද්ගලයකුට, ජාතික ලැයිස්තුවෙන් ආපු මේ පුද්ගලයාට ජනතාව ගැන රට ගැන හැගීමක් නැහ, මේ පුද්ගලයා ජනතාවගේ දුක දන්නේ නැහ, වැඩිකල් යන්න කලින් මේ අයගේ සැබෑ තත්ත්වය රටට හෙලිදරව් කරනවා, අපේත් ඉවසීමේ සීමාවක් තියෙනවා, ජාතික ලැයිස්තුවෙන් ඇවිත් වෙස් මුහුණ දාගෙන නටන මේ ඇමතිවරයා පෙනි ඉන්නේ අගමැති ආරක්ෂා කරන ස්වරූපයෙන්, හැබයි වෙන්න තිබෙන විශ්වාසයත් නැත්තටම නැති වීමයි, ජනතාවගේ ඡන්දයෙන් ගන්න බැරි මේ වගේ පුද්ගලයන් රට ඉදිරියට ගෙන යාමේ දි ප්‍රශ්නයක් වෙනවා’ යයි වර්තමාන විදේශ කටයුතු අමාත්‍ය කොළඹ දිස්ත්‍රික් මන්ත්‍රී රවි කරුණානයක මහතා පවසා ඇත.

‘මට කවුරු හෝ යම් ආකාරයකින් උදව් කලොත් මම ඒ අය සදාකල් ආරක්ෂා කරන මීත්‍රයෙක් බවට පත් කර ගන්නවා, විපක්ෂයේ ඉන්නකොට සියලුදෙනා රකින්න, පක්ෂය රකින්න ඕන ඕන කියමින් කට්ටිය කර උඩ තියාගෙන යන්න හදන අය හිටියා, මන්ත්‍රීවරු ඒ අය පස්සේ ගියා, අවසානයට වුනේ මොකක්ද? එක්කෙන්ක්ගේ දේශපාලන අරමුණ ඉටුකර ගන්න තමන්ගේ දේශපාලන අනාගතය නැති කල බව අද ඒ මන්ත්‍රීවරු දන්නවා, වේදිකාවේ කියන සුන්දර කතා ක්‍රියාවට පරිවර්තනය කරන්න ඕන, අපට ලංවෙන්න බැරි කුහකයෝ නොයෙකුත් කතා කියන්න පුලුවන්’ යයි හිටපු මුදල් අමාත්‍ය රවි කරුණානයක අද ලංකාදීප සඳුදා හමුව ඔස්සේ මෙසේ කරුණු පැහැදිලි කොට ඇත.

142 views
Main News