බි‍්‍රතාන්‍යයට විරුද්ද චීන යෝජනාවට ශ‍්‍රී ලංකාවද අත්සන් තබයි…

July 15, 2021 at 11:20 am | lanka C news
බි‍්‍රතාන්‍යයට විරුද්ද චීන යෝජනාවට ශ‍්‍රී ලංකාවද අත්සන් තබයි…

එක්සත් රාජධානියේ මානව හිමිකම් තත්ත්වය පිළිබඳව කනස්සල්ල පළකරමින් චීනය විසින් සකස් කළ ඒකාබද්ධ ප්‍රකාශයකට ශ්‍රී ලංකාව අත්සන් තබා තිබේ.

මෙම ඒකාබද්ධ ප්‍රකාශය ජිනීවාහි එක්සත් ජාතීන්ගේ මානව හිමිකම් කවුන්සිලයේ මේ වන විට පැවැත්වෙන 47වැනි සැසිවාරය හමුවට ඉදිරිපත් කර ඇත.

“රටවල් සමූහයක් වෙනුවෙන් කතා කිරීමට ලැබීම ගෞරවයක්. එක්සත් රාජධානියේ මානව හිමිකම් තත්ත්වය පිළිබඳව අපගේ ගැඹුරු කනස්සල්ල ප්‍රකාශ කරමු. වර්ගවාදය, වාර්ගික වෙනස්කම් කිරීම, වෛරී කථාව, භීතිකාව සහ ඒ හා සම්බන්ධ ප්‍රචණ්ඩත්වය එක්සත් රාජධානියේ බොහෝ කලක සිට පැවතිණි ” යැයි ජිනීවාහි චීන දූත පිරිස මෙම ප්‍රකාශය නිකුත් කිරීමෙන් අනතුරුව පවසා ඇත.

යටත් විජිතකරණය හරහා වහල් අප්‍රිකානුවන්ගේ වෙළඳාමේ සිටම එක්සත් රාජධානියේ ඉතිහාසයේ මෙම වෙනස්කොට සැලකීම් දක්නට ලැබෙන බවද චීන දූත පිරිස පවසා තිබේ.

එක්සත් රාජධානියේ හමුදා සේවයේ නියුතු පිරිස් විදේශ මෙහෙයුම් වලදී සිවිල් වැසියන් ඝාතනය කර ඇති අතර නව නීති සම්පාදනය මගින් නිසි වගවීමකින් තොරව අදාළ ඝාතකයන් ආරක්ෂා කිරීමට උත්සාහ කළ බවට එක්සත් රාජධානියට චෝදනා එල්ල වී තිබෙන බවද මෙහිදී පෙන්වාදී ඇත.

එක්සත් රාජධානිය වෙනත් රටවල අභ්‍යන්තර කටයුතුවලට ඇඟිලි ගැසීමට මානව හිමිකම් කඩතුරාවක් ලෙස යොදා ගනිමින් දේශපාලන අරමුණු ඉටුකර ගැනීමට කටයුතු කරන බවටද චීනය වැඩිදුරටත් චෝදනා කර තිබේ.

– aruna

113,727 views

49 Comments to “බි‍්‍රතාන්‍යයට විරුද්ද චීන යෝජනාවට ශ‍්‍රී ලංකාවද අත්සන් තබයි…”

  1. Piyadasa Yalagala says:

    The crux of political history in Modern World many of ours viewers are lack of knowledge of that development of world modern history .By and large Island history of colonialism of 425 years has forget by ours citizens of Island ;and certain political classes in power in and out has lost their mind set by hunger of Power in so many regime last decides.Colonial rules of British occupation has ruin ours all values, traditions, customs and key part of ours civilization been destroyed by during 150 years of ruthless governances of House of Windsor in England .

Main News