බීඩියට, සුරුට්ටුවටත් රුපියල් 3000ක් බදු ගහයි.. පෙට්ටිවල රූප අවවාද යොදයි..

November 6, 2016 at 12:40 pm | lanka C news
බීඩියට, සුරුට්ටුවටත් රුපියල් 3000ක් බදු ගහයි.. පෙට්ටිවල රූප අවවාද යොදයි..

සිගරට් පැකට්ටුෙවි රූපමය අවවාද සටහන් ආකාරයට බීඩි සහ සුරුට්ටු පැකට්වල ද රූපමය අවවාද සටහන් කිරිමට අවධානය යොමුව ඇති බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය පාලිත මහීපාල මහතා පවසයි.

රෝග රැසකට බහුලවම බලපාන දුම්පානය අවම කිරීෙමි අරමුණින් ලෝක සෞඛ්‍ය සංවිධානයේ නිර්දේශ මත සිගරට් පැකට්ටුෙවි රූපමය අවවාද සටහන් කරන ලදි. නමුත් මෙතෙක් බීඩි සහ සුරුට්ටු පැකට්වල රූපමය අවවාද නොමැත. එම නිසා ඉදිරියේ දී රූපමය අවවාද සටහන් කිරීමට අවධානය යොමුව ඇති අතර, දුම්පානයෙන් ශ‍්‍රී ලාංකිකයින් ෙබිරා ගැනීෙමි වැඩපිළිවෙල සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා විසින් අදියරෙන් අදියර සිදු කරන බව ද සෞඛ්‍ය සේවා අධ්‍යක්ෂ ජනරාල්වරයා පවසයි.

බීඩි සදහා ද රජය සැප්තැම්බර් මාසයේ දී බදු පැනවීමට පියවර ගෙන තිෙබි. බීඩි කොළ ආනයනයේ දී අය කරන සෙස් බද්ද රුපියල් 2000 සිට 3000 දක්වා වැඩි කිරිමට අමාත්‍ය මණ්ඩලය තීරණය කරන ලදි. මෙමගින් ද බලාපොරොත්තු වන්නේ සිගරට්වලට අමතරව විකල්ප නිෂ්පාදනවලින් ද ජනතාව ෙබිරාගැනීමට බව සෞඛ්‍ය සේවා අධ්‍යක්ෂ ජනරාල්වරයා ප‍්‍රකාශ කරයි.

ජනාධිපතිවරයාගේ සහ සෞඛ්‍ය අමාත්‍යවරයාගේ යෝජනාවක් මත දුම්කොළ නිෂ්පාදන වල බදු ප‍්‍රතිශතය සියයට 90 දක්වා වැඩිකර ඇත. අද වනවිට දුම්වැටියක මිල රුපියල් 50 දක්වා වැඩිවී ඇත. දුම්වැටි මිල වැඩි කිරීමෙන් ද දුම්පානය කරන්නන්ගේ සංඛ්‍යාව සියයට   4-5 ත් දක්වා අවම කර ගැනීම අපේක්ෂාව බව ද සෞඛ්‍ය සේවා අධ්‍යක්ෂ ජනරාල්වරයා වැඩිදුරටත් ප‍්‍රකාශ කරයි.

– නිපුන් ඒකනායක

901 views
Main News