බුද්ධාගම තුන්වැනි තැනට…

June 27, 2017 at 3:50 pm | lanka C news
බුද්ධාගම තුන්වැනි තැනට…

අවුරුදු 2500 කට වැඩි ඉතිහාසයක්‌ ඇති සිංහල බෞද්ධ රටක්‌ ලෙස ලෝකයාම පිළිගන්නා ශ්‍රී ලංකාවේ, වර්තමානයේ බුද්ධාගම තුන්වැනි තැනට දැමීමට වර්තමාන පාලකයන් කටයුතු කිරීම ගාලු දිස්‌ත්‍රික්‌ එක්‌සත් භික්‌ෂු සංවිධානය තරයේ හෙළා දකින බව දකුණු පළාත් ප්‍රධාන සංඝනායක පල්ලත්තර සුමනජෝති නාහිමියෝ ගාල්ල කච්චුවත්ත පුරාණ රජමහා විහාරස්‌ථානයේ පැවැති සංඝ සභාවේදී පැවසූහ.

මා මල්වතු පාර්ශ්වයේ සංඝ සභාවේ භික්‌ෂුන් වහන්සේ නමක්‌. අස්‌ගිරි පාර්ශ්වයේ මහා නායක නාහිමිපාණන් වහන්සේ බුද්ධාගම බේරා ගැනීම සඳහා මේ අවස්‌ථාවේ ඉදිරිපත්වීම ගැන අපගේ බලවත් ප්‍රසාදය හිමි කරනවා. මල්වතු පාර්ශ්වයේ අනුනායක නියංගොඩ විජිතසිරි නාහිමිපාණන් වහන්සේද අස්‌ගිරි පාර්ශ්වයේ ප්‍රකාශය අනුමත කර තිබුණා. මේ රටේ මහා සංඝරත්නය නිකාය භේදයකින් තොරව මේ අවස්‌ථාවේ දී බුද්ධාගම බේරා ගැනීමට දිවි හිමියෙන් කටයුතු කරනවා.

දක්‌ෂිණ ලංකාවේ භික්‌ෂුන් වහන්සේගේ එකමුතුව බුද්ධාගම රැකගැනීම සඳහා කවදත් ජාතික ආපදා අවස්‌ථාවලදී පෙරමුණ ගෙන කටයුතු කළා. බුද්ධාගම බේරා ගැනීමට අපි හැමෝම ක්‍රියා කළ යුතුයි. සංඝයා වහන්සේ සමඟ උගත් බුද්ධිමත් ශාසන මාමක ගිහි ඇත්තෝ එකතුව කටයුතු කිරීම සඳහා ඉදිරිපත්වීම ගැන අපගේ කෘතඥතාව පළ කරනවා. වීරෝදාර මහා සංඝරත්නය මේ රටේ අනාගතය ගැන ද්‍රෝහී පුද්ගලයන් මේ රට විනාශ කරන්න උත්සාහ ගන්නවා නම් මහා නායක හාමුදුරුවන්ගේ අවධානය යොමුවිය යුතුයි. ලෝක පාලන දෙවියන්වහන්සේලා මේ රට බේරා දෙනවා. හතරවරම් දෙවියන්ගේ ආරක්‌ෂාව සිංහල බෞද්ධ ජනතාවට ලැබෙනවා.

මෙම හමුවේදී විද්‍යාලෝක පිරිවෙන් විහාරාධිකාරී ගාලු කෝරළයේ ප්‍රධාන සංඝනායක ආචාර්ය බද්දේගම දේවරක්‌ත නාහිමියෝ සහ යටගල හෙට්‌ටචාල පරිවෙනාධිපති කෙහෙල්වල සුමංගල හිමිපාණන් වහන්සේ ද අනුශාසනා කළහ.

– දිවයින

129 views
Main News