බුර්කාව ගලවන්න බෑ කියා වෛද්‍යවරිය රස්සාවෙන් අස්වෙයි…

May 28, 2019 at 10:40 am | lanka C news
බුර්කාව ගලවන්න බෑ කියා වෛද්‍යවරිය රස්සාවෙන් අස්වෙයි…

හෝමාගම රෝහලේ වෛද්‍යවරියක් බුර්කාව ඉවත්කර සේවයට පැමිණීම ප්‍රතික්ෂේප කරමින් සිය රැකියාවෙන් ඉල්ලා අස්වී තිබේ.

එම ඇයගේ ඉල්ලා අස්වීමේ ලිපිය මේ වන විට රෝහල් වෛද්‍ය අධිකාරියට යොමුකර ඇත.

පසුගිය අප්‍රේල් අවසන් සතියේ ඇය බුර්කාව පැළඳ රාජකාරියට පැමිණ ඇති අතර එහිදී රෝගීන් ඇයගෙන් ප්‍රතිකාර ලබා ගැනීමට විරෝධය පළකර තිබීම නිසා රෝහල් කාර්ය මණ්ඩලය ද බුරුකාව පැලදීම සම්බන්ධයෙන් විරෝධය පළ කර ඇත.

ඉන් අනතුරුව රෝහල් ප්‍රධාන වෛද්‍යවරයා සහ පියා කැඳවා සිද්ධිය සම්බන්ධයෙන් පැහැදිලි කර නිවසට යවා ඇත.

ඉන්පසු තමන් අසනීප තත්වයෙන් පසුවන්නේ යැයි දුරකථනයෙන් දැනුම් දී සේවයට වාර්තා නොකර ඇති ඇය පසුව පසු දිනෙක තමන් රැුකියාවෙන් ඉල්ලා අස්වන බව රෝහල් වෛද්‍ය අධිකාරීවරයාට දන්වා ඇත.

කෙසේ වෙතත් ඇයගේ ඉල්ලා අස්වීම සෞඛ්‍ය අමාත්‍යාංශය විසින් මෙතෙක් පිලිගෙන නැත.

211 views
Main News