බුර්කාව තහනම් කරයි.. යෝජනාව එජාපයෙන් පාර්ලිමේන්තුවට..
April 23, 2019 at 1:20 pm | lanka C news
මුස්ලිම් කාන්තාවන්ගේ ඇදුමක් වන ‘බුර්කාව’ භාවිතය තහනම් කිරීම සදහා ආණ්ඩු පක්‍ෂ එජාපය සූදානම් වෙයි.
සිරිකොත එජාප මූලස්ථානයේදී පාර්ලිමේන්තු මන්ත‍්‍රී ආශු මාරසිංහ මහතා සදහන් කලේ මුලින්ම මෙම යෝජනාව ආණ්ඩු පක්‍ෂ මන්ත‍්‍රී කණ්ඩායමේදී සම්මත කරගෙන පාර්ලිමේන්තුවට ඉදිරිපත් කරන බවයි.
එම මාධ්‍ය හමුවට එක්වූ පාර්ලිමේන්තු මන්ත‍්‍රී මුජිබර් රහමන් මහතා කියා සිටියේ මුස්ලිම් ආගමික සංවිධාන විසින් බුර්කාව ඉවත් කර ගන්නා ලෙස ඉදිරි දිනවලදී දැනුම් දෙනු ඇති බවයි.
මේ සම්බන්ධයෙන් මුස්ලිම් මැති ඇමතිවරුන් එක්වී ඊයේ දිනයේ සාකච්ඡා කල බවද මන්ත‍්‍රීවරයා පැවසීය.
ඉස්ලාම් ආගම අනුවව බුර්කාවෙන් සම්පූර්ණයෙන් මුහුණ වැසීම අනුමත කර නැතැයිද කී මන්ත5ිවරයා එය ඉවත් කිරීම සදහා කටයුතු කරන බවද පැවසීය.
350 views
