බොරු සාක්‍ෂි දුන්, බොරු නඩු පැටලවූ අයට නීතිය.. ප‍්‍රජා අයිතිය අහෝසි කරන්න නීති.. කැබිනට් අනුමැතිය…

December 2, 2019 at 1:20 pm | lanka C news
බොරු සාක්‍ෂි දුන්, බොරු නඩු පැටලවූ අයට නීතිය.. ප‍්‍රජා අයිතිය අහෝසි කරන්න නීති.. කැබිනට් අනුමැතිය…

ඝාතන හෝ ඒ හා සම්බන්ධ අනෙකුත් විමර්ශනවලදී ඊට සම්බන්ධ නැති පුද්ගලයන් අසත්‍ය ලෙස වරදේ පටලවන අභූත ලෙස සම්බන්ධ කරවන නිලධාරීන් හා ඊට අනුබල දෙන්නන් හා මෙහෙයවන්නන්ගේ සිවිල් අයිතිවාසිකම් ඉවත් කිරීම සඳහා පියවර ගැනීමට ආණ්ඩුව සූදානම් වන බවත් ඒ සඳහා ස්ථාපිත කිරීමට යන විශේෂ ජනාධිපති කොමිෂන් සභාවට කැබිනට් මණ්ඩල අනුමැතිය හිමිව ඇති බවත් රජයේ ආරංචිමාර්ග සඳහන් කරයි.

ජනාධිපති ගෝඨාභය රාජපක්ෂ මහතා විසින් පත් කරනු ලැබීමට නියමිත එම විශේෂ ජනාධිපති කොමිෂන් සභාව යටතේ එවැනි නිලධාරීන්ගේ හා පුද්ගලයන්ගේ හැසිරීම හා භාවිතය විමසා බැලීමට නියමිතය.

අපරාධ පරීක්ෂණ දෙපාර්තමේන්තුව (සී.අයි.ඩී) සහ මූල්‍ය අපරාධ විමර්ශන කොට්ඨාසය (එෆ්.සී.අයි.ඩී.) යනාදී විමර්ශන ආයතන සහ අනෙකුත් ආයතන ආවරණය වන පරිදි ඉහත කී විශේෂ ජනාධිපති කොමිෂන් සභාව කටයුතු කරනු ඇති බවත් නිලධාරීන්ට අමතරව එම විශේෂ ජනාධිපති කොමිෂන් සභාව මගින් එවැනි කටයුතුවල නිරත වන සිවිල් වැසියන් සම්බන්ධයෙන් විමර්ශනය කිරීමට නියමිත බවත් වාර්තා වේ.

විශේෂ ජනාධිපති කොමිෂන් සභාවේ සොයා ගැනීම් අවසන් වූ පසුව සිවිල් අයිතිවාසිකම් ඉවත් කරන පුද්ගලයන් සම්බන්ධයෙන් යෝජනාවක් පාර්ලිමේන්තුවට ඉදිරිපත් කරන බව ද පැවැසේ.

විශේෂ ජනාධිපති කොමිෂන් සභාවේ සොයා බැලීම්වලට අමතරව අපරාධ සම්බන්ධයෙන් විමර්ශනය කළ පොලිස් දෙපාර්තමේන්තුවේ සහ අපරාධ පරීක්ෂණ දෙපාර්තමේන්තුවේ නිලධාරීන් සම්බන්ධයෙන් විමර්ශනයක් කෙරෙන බව වාර්තා වේ.

අපරාධ පරීක්ෂණ දෙපාර්තමේන්තුවේ සංවිධානාත්මක අපරාධ කොට්ඨාසයේ ප්‍රධානී, ප්‍රධාන පොලිස් පරීක්ෂක නිශාන්ත ද සිල්වා මහතා හදිසියේම ස්විට්සර්ලන්තය බලා යෑම හේතුවෙන් මෙම පියවර ගෙන ඇතැයි වාර්තා වේ.

නිශාන්ත ද සිල්වා මහතා පසුගිය ඉරිදා ඔහුගේ පවුලේ සාමාජිකයන් ද සමඟ ස්විට්සර්ලන්තය බලා ගිය අතර ඔහු එරට දේශපාලන රැකවරණ ඉල්ලා ඇතැයි ආණ්ඩුවට දැනගන්නට ලැබී ඇත.

නිශාන්ත ද සිල්වා මහතා විමර්ශනය කළ ඉහළ පෙළේ සිදුවීම් අතර ‘සන්ඬේ ලීඩර්’ පුවත්පතේ කර්තෘ ලසන්ත වික්‍රමතුංග හා මාධ්‍යවේදී ප්‍රගීත් එක්නැළිගොඩ යන මහත්වරුන් ඝාතනය කිරීම සහ ‘ද නේෂන්’ පුවත්පතේ සහකාර කර්තෘ කීත් නොයාර් මහතා පැහැරගෙන ගොස් වධ හිංසා පැමිණවීම යනාදිය ද විය.

එම සිදුවීම් හා විමර්ශනවලදී ඒවාට හිටපු ජ්‍යෙෂ්ඨ නිලධාරීවරයකු සම්බන්ධ කිරීමට ද උත්සාහයක් ගෙන ඇති බවට ද චෝදනා එල්ල වී ඇත.

නිශාන්ත ද සිල්වා මහතා සිටියේ අපරාධ පරීක්ෂණ දෙපාර්තමේන්තුවේ ශානී අබේසේකර මහතා යටතේය.

අපරාධ පරීක්ෂණ දෙපාර්තමේන්තුවට සම්බන්ධ නැති නිලධාරියකු සමඟ කොළඹ හෝටලයකදී කරන ලද සාකච්ඡාවක් සම්බන්ධයෙන් විමර්ශන ක්‍රියාත්මක වේ. මේ වනවිට රාජ්‍ය තාන්ත්‍රික නිලධාරියකු වන නීතිඥයකු ද මීට සම්බන්ධ යැයි ද එහිදී කියැවී ඇත.

ඇමෙරිකා එක්සත් ජනපද රාජ්‍ය දෙපාර්තමේන්තුවේ ප්‍රකාශකයකුගේ වීඩියෝවක් සංස්කරණය කර මුදාහැරීම සම්බන්ධයෙන් ද විමර්ශනය කිරීමට නියමිත බව ද සඳහන් වෙයි.

සංස්කරණය කරන ලද එම වීඩියෝ පටය විදේශීය පාර්ශ්වවල සහාය ද ඇතිව සකස් කර ඇතැයි පොලිසිය සැක කරයි. එම වීඩියෝ පටය ජනාධිපති ගෝඨාභය රාජපක්ෂ මහතාට එරෙහිව ගෙන ගිය අසත්‍ය ප්‍රචාරණ ව්‍යාපාරයේ කොටසක් බවත් ගෝඨාභය රාජපක්ෂ මහතා ජනාධිපතිවරණ අපේක්ෂකයකුව සිටියදී ඔහු තවදුරටත් ඇමෙරිකා එක්සත් ජනපදයේ පුරවැසියකු බවට පෙන්වීමටත් ගත් උත්සහායක් බවත් අනාවරණය වී ඇත.

සන්ඬේ ටයිම්ස් ඇසුරිනි
– lankadeepa

65,306 Viewers

11 Comments to “බොරු සාක්‍ෂි දුන්, බොරු නඩු පැටලවූ අයට නීතිය.. ප‍්‍රජා අයිතිය අහෝසි කරන්න නීති.. කැබිනට් අනුමැතිය…”

  1. Aba Aba says:

    Very Good. Rajitha, Champika, Anibal Akka, Mangala, Ranjan should remove their Civic Rights.

  2. හොර දත් දොස්තර කානුකටා සහ ගොංජා ඇතුලු හොර කැනහිල්ලු න්ට එරෙහිව වහාම ක්‍රියාත්මක වියයුතුයි

  3. Cosmic ray says:

    ප්‍රජා අයිතීන් අහෝසි කල යුතු බවට බටලන්ද කොමිසම නිර්දේශ කල පුද්ගලයාගෙන් පටන් ගත්තොත් නේද හොඳ?

  4. Kevin says:

    සියලුම නිලධාරීන් එලවලා අලුතෙන් දක්ශ අය පත්කරන්න. ගිය ආන්ඩුව වියාපරිකයෝන්ටත් හරියට කරදර කරා ඔය මගුල හරහා.

  5. Wanawasee says:

    you scratch my back i scratch yours… Tiyariya

    takketama Ekek yawanne naaa kooduwata

  6. sathya says:

    මූල්‍ය අපරාධ විමර්ශන කොට්ඨාසය (එෆ්.සී.අයි.ඩී.) – Meka narakai kiwwa wage mathakai Pohottuwo

    • යකෝ ආයතයෙ වැරැද්දක් නැහැ. නමත් හොඳයි. ඒත් ඒකට දාල හිටපු හාල් පාරුවො ටික හරියට වැඩේ නොකර එක එකාට කඩේ ගිය එක තමයි නරක.

  7. Nandasoma Suriyaarachchi says:

    මෙය හැකි ඉක්මනින් පිහිටුවිය යුතුයි……!

    මෙහි කටයුතු ඉතාමත් සාධාරණ අයුරින් සිදුකර, වැරදිකරුවන්ට දැඩි දඬුවම් නියම කළ යුතුයි……!!

    මෙහි කටයුතුවලට සහාය දීම සඳහා සිවිල් පුරවැසියන්ද සම්බන්ධ කර ගන්නේ නම් ඒ සඳහා සහාය දීමට මාද සූදානමින් සිටිමි. මෙය අධිකරණයට සහාය වීමට පිහිටුවා තිබූ ජූරි සභාව මෙන් ව්‍යුහයක් විය හැකිය…!!!

  8. Tissa says:

    Monava kalath Hora Wimalayayi , Ganyi nidahas nove…..

Leave a Comment

Main News