භූමිය ආරක්ෂා කිරීම මිස විකුණා දැමීමට පාලකයින්ට අයිතියක් නෑ..- අම්පාරේ වෙනම නිදහස සමරමින් දයා ගමගේ කියයි..

February 6, 2017 at 10:40 am | lanka C news
භූමිය ආරක්ෂා කිරීම මිස විකුණා දැමීමට පාලකයින්ට අයිතියක් නෑ..- අම්පාරේ වෙනම නිදහස සමරමින් දයා ගමගේ කියයි..

නිදහස නියමාකාරයෙන් අර්ථවත් වීමට නම් අදහස් ප්‍රකාශ කිරීම, මූලික අවශ්‍යතා සහ ජීවත්වීමට හොඳ ආර්ථිකයක් ලැබීමේ අයිතීන් ජනතාවට සහතික විය යුතු බව ඇමති දයා ගමගේ පවසයි.

ඔහු ඒ බව කියා සිටියේ, 69 වැනි ජාතික දිනයට සමගාමීව ඊයේ අම්පාර නගරයේ පැවති නිදහස් සැමරුමක් අමතමිනි.

රටට දේශපාලනිකව ලැබී ඇති නිදහස භුක්ති විඳීමට නම් ඉහත සඳහන් අයිතීන් ජනතාව සතු විය යුතු බව ඇමතිවරයා අවධාරණය කළේය.

නිදහසේ පියා වන මහාමාන්‍ය ඩී.එස්. සේනානායකයන් ලෝකයට ණය නොවූ බව පෙන්වා දුන් ඔහු, සේනානායක මහතා බිහි කළ ගල්ඔය ව්‍යාපාරයෙන් හෙක්ටාර 75,000ක භූමියක් අස්වැද්දීමට හැකිව තිබෙන බව ද කීය.

තවදුරටත් අදහස් දක්වමින් ඔහු පැවසූයේ, භූමිය ජනතාව වෙනුවෙන් ආරක්ෂා කිරීම මිස එය විකුණා දැමීමට පාලකයින්ට අයිතියක් නොමැති බවයි.

නියම නිදහස උදා කර ගැනීමේදී රට සමෘද්ධිය කරා ගෙන යෑම සඳහා නිෂ්පාදනය ඉහළ නංවා ගැවීමේ අවශ්‍යතාව පෙන්වා දුන් හෙතෙම, ඒ වෙනුවෙන් කුඩා, මධ්‍යම හා මහා පරිමාණ ව්‍යාපෘති 1,470ක් තමා යටතේ ඇති ප්‍රාථමික කර්මාන්ත අමාත්‍යංශය සැලසුම් කොට තිබෙන බව කීය.

සමෘද්ධිමත් රටක් වෙනුවෙන් වන අඩිතාලම මේ වසරේදී තබන බව කී ඔහු, අගමැතිවරයාගේ රැකියා මිලියනයක් බිහි කිරීමේ සංකල්පයට ද එම ව්‍යාපෘති ඉවහල් වනු ඇතැයි පවසා සිටියේය.

– ජෝජ් පෙරේරා

6 views

5 Comments to “භූමිය ආරක්ෂා කිරීම මිස විකුණා දැමීමට පාලකයින්ට අයිතියක් නෑ..- අම්පාරේ වෙනම නිදහස සමරමින් දයා ගමගේ කියයි..”

  1. janaka says:

    අගමැතිවරයා ගැන නම් දන්නේ නෑ නමුත් කළු සුද්දෙක් නොවන රටේ භුමිපුත්රයෙක් වන දයා ගමගේ මහතා unp පක්ෂයේ ඉහලම තනතුරට පත්වියයුතු කෙනෙක් බව මගේ පුද්ගලික හැගීමයි .අද දවසේ unp කියන නම සමග බැඳිලා තියෙන විදෙස්හි ගැති බාවය රට පාවා දෙන ගුණය ,ර‍ටේ සංස්කෘතියට විරුද්ද බව ,කොලුකාර කම ,මහා පරිමාන හොරා කෑම ම්සිංහල විරෝදී කම ,බෞද්ද විරෝදිකම ආදී ලක්ෂණ ඉවත්වෙලා unpයට හොඳ කලක් යන්න දයා ගමගේ මහතා අනිවාර්යෙන්ම පක්ෂයේ නායකයා වියයුතුයි.
    එසේ නොමැතිනම් රට බේරාගන්න එතුමා පොදු විපක්ෂය සමග එක්වියයුතුයි

  2. kamasiri Kuruwita says:

    රනිල් කෑල්ල නොතිබුනා නම් පක්‍ෂ නායක කමටත් හොඳයි වගේ සජිත්ට වඩා , අම්මප !
    මොකද ඩොනල්ඩ් ට්‍රම්ප් කියන්නෙත් තම රටට ආදරේ කරන හොඳ බිස්නස් කාරයෙක්.

    • sunimal says:

      අනිවාර්යෙන්ම ඇත්ත .සාමාන්‍ය කෙනෙක් විදියට ඉපිද රටේ ජනතාවගේ හදගැස්ම දන්නා ඒවගේම රටට ජාතියට ආදරය කරන කෙනෙක්ට රට ගැන කැක්කුමක් තියෙනව .කළු සුදෙක්ව ඉපිද රටේ ජාතියට ආගමට වයිර කරන රටේ සංස්කෘතිය විනාශ කර එහි සමලිංගික බාල් දමන්න නීතියෙන්ම ඉඩ අරගෙන දෙන අසම්මත චරිත මේ රටට හෙනයක් .අපේ රටේ මෝඩ කාරයෝ ඒවා කිසිදෙයක් බලන්නේ නැතිව චන්දෙ පාවිච්චි කරලා තියෙන්නේ ලිංගික විකුර්තිතා තියන සෙට් එකකට විජාතිකයන්ට ආවඩන සෙට් එකකට .
      ඊට වඩා දහස් ගුණයක් මේ මහතා වටිනවා .වියයුත්තේ ඔහුu np නායකයා වීමයි එවිට මොන පක්ෂය ආවත් රටට හානියක් නෑ . දැන් තිබෙන තත්වය අනුව unp පක්ෂය ආව ගමන් රට ජාතිය ආගම විනාශයි .
      දයා ගමගේ මහතා නැගෙනහිර කරගෙන යන සද්කාරයන්ට සුභපතනවා .නමුත් මහත්තයෝ ඔයාගේ නායකයෝ නම් බලුවටින්නේ නෑ බලන්න මුදල් ඇමතියා බලන්න අගමැටියා බලන්න විදේශ ඇමටියා බලන්න වියාග්‍රා ඇමටියා බලන්න අර මෝඩ අමන නළුවා .උන් මොක්කුද ? ඔබතුමා ඔවුන් සමග සිටීම ඔබටත් අපහාසයක් .
      මේ ලියන අපට පක්ෂයක් නෑ අපි චන්දෙ දෙන්නේ රටට හොඳක් සිදුකරන අයට පමණයි අපිට ඕනා රටට හොඳක් වෙන්ව දකින්න පමණයි අන්න ඒ නිසයි අපි පක්ෂය නොබලා ඔබට සුභාපතන්නේ

Main News