‘මට ජනතාව වරමක් දී තිබෙනවා..’ – ඇමතිකමක් නැතිවීම ගැන කියයි..

September 1, 2020 at 1:20 pm | lanka C news
‘මට ජනතාව වරමක් දී තිබෙනවා..’ – ඇමතිකමක් නැතිවීම ගැන කියයි..

මේ රටේ මත්ද්‍රව්‍යය ජාවාරම කවුරු මෙහෙයවුවද අතිගරු ජනාධිපති ගෝඨාභය රාජපක්ෂ මහතාගේ නායකත්වයෙන් යුතුව මත්ද්‍රව්‍යය ජාවාරම සම්පුර්ණයෙන්ම නැති කර මත්ද්‍රව්‍යය වලින් තොර ශ්‍රි ලංකාවක් බවට කඩිනමින් පත් කරන බව නුවරඑලිය දිස්ත්‍රික් පා.ම එස් .බි.දිසානායක මහතා පැවසිය.

එස්.බි දිසානායක මහතා ඒ බැව් කියා සිටියේ (01) දින මස්කෙළිය මවුස්සාකැලේ සමන් දේවාලයේ ආශිර්වාද පුජාවකට සහභාගි වෙමින් අනතුරුව මාධ්‍යයවේදින් ඇසු ප්‍රශ්න වලට පිලිතුරු ලබාදෙමිණි.

මෙහිදි වැඩිදුරටත් අදහස් දැක් වු එස්.බි.දිසානායක මන්ත්‍රිවරයා කියා සිටියේ.

ජනාධිපතිවරණයේදිත් , මහ මැතිවරණයෙදිත් අපි ලබා දුන්න පොරොන්දු එකමයි, සෞභාග්‍යමත් ශ්‍රි ලංකාවක් බිහි කිරිමයි.

කෙටි කාලින , මධ්‍යම කාලින , දිර්ඝ කාලින සැලසුම් අපි ඉදිරිපත් කරලා තියෙනවා. එම වැඩසටහන් අපි එලෙසම ඉදිරියට රැගෙන යනවා.

මත්ද්‍රව්‍යය ජාවාරම පිටුපස විවිධ අය ඉන්න පුළුවන්, බන්ධනාගාර වලින් මෙහෙයවලා තියෙනවා.

මත්ද්‍රව්‍යය මර්ධනය සදහා පත් කරලා තිබුණු නාකොටික් බ්ලුරෝ එකෙනුත් මේක මෙහෙයවලා තියෙනවා.

පතාලයේ නායකයින් මත්ද්‍රව්‍යය ජාවාරම මෙරට සහ විදේශිය රටවල සිදු කරනවා.

ජනාධිපති ගෝඨාභය රාජපක්ෂ මහතා ඉතාමත් වේගයෙන් මත්ද්‍රව්‍යය ජාවාරම පාලනය කිරිමට කටයුතු  කරගෙන යනවා , මේක කවුරු මෙහෙය වුවත් ඉතාමත් ඉක්මනින් අපි මත්ද්‍රව්‍යය වලින් තොර ශ්‍රි ලංකාවක් බිහි කරනවා.

වනාන්තර එලි පෙහෙලි කිරිම , විනාශ කිරිම බරපතල වරදක් , පුරාවිද්‍යාත්ම දේවල් විනාශ කිරිම බරපතල වැරදි ඒවට හරියට නිතිය ක්‍රියාත්මක වෙයි.

ඇමතිකම් ලැබුණද නැද්ද කියන එකයි , ලබාදුන් පොරොන්දු ඉටු කිරිමයි දෙකක්.

මම නුවරඑලිය ජනතාවගේ ජන්දයෙන් පාර්ලිමේන්තුවට තේරි පත් කරලා වැඩ කරන්න වරමක් ලබා දිලා තියෙනවා,  එ නිසා මම  ඒ වරම උපරිම ප්‍රයෝජනයට ගනිමින් ලබා දුන් පොරොන්දු සියල්ල ඉටු කරනවා.

මට නුවරඑලිය දිස්ත්‍රික්කයේ සංවර්ධන කටයුතු භාර දිලා තියෙනවා , මම ඒක ශක්තියක් කරගෙන වැඩ කරගෙන යනවා. ඇමතිකම් දෙනවද නැද්ද කියන එක මට අදාල නැ.

අලුත් ආණ්ඩුක්‍රම ව්‍යවස්ථාවක් ගැන අපි කිව්වේ මහින්ද රාජපක්ෂ මහතා පාර්ලිමේන්තුවේ නැති කාලයේ.

සිරිමාවෝ බණ්ඩාරනායක මැතිනිය ජනාධිපති විධායක ක්‍රමය හදුන්වලා දෙන වෙලාවේ , අනුපාත ක්‍රමය හදුන්වලා දෙන වෙලාවේ තමයි අපි මේක කිව්වේ.

එදා ශ්‍රි ලංකා නිදහස් පක්ෂය කිව්ව පොරොන්දු , එදා මැතිනිය දුන්න පොරොන්දු , මහින්ද රාජපක්ෂ ජනාධිපතිවරයා ලබාදුන් පොරොන්දු , ජනාධිපති ගෝඨාභය රාජපක්ෂ මහතා ලබාදුන් පොරොන්දු , ඉටු කරන්න 1978 ව්‍යවස්ථාවෙන්  පසුව ලබාදුන් ප්‍රථම ජන වරම මේවරයි.

අපිට 151 තියෙනවා , එ නිසා අපිට නව ආණ්ඩු ක්‍රම ව්‍යවස්ථාවක් , මැතිවරණ ක්‍රමයක්  ඇති කිරිමට අවශ්‍යය ඉඩ කඩ තියෙනවා.

20 වෙනි සංශෝධනය රැගෙන ඒමට අපි දැනටමත් කටයුතු කරලා තියෙනවා , ඉදිරි දෙසතිය තුල අපි ඒක පාර්ලිමෙන්තුවට ගේනවා.

විග්නේෂවරන්ට ඕනි නැති කතාවක්නේ කිව්වේ , ප්‍රථම භාෂාව මොකක්ද කියලා කියන්න එයා පණ්ඩිතයෙක් නෙවෙයිනේ.

එයා විනිසුරුවරයෙක් , එයාට වඩා මේ රටේ ප්‍රථම භාෂාව මොකක්ද කියලා කියන්න ඕනි තරම් පඩිවරු , පුරාවිද්‍යාඥයින් , භාෂා විශේෂඥයින් ඉන්නවා.

එයා මුලින්ම සිංහල , දෙමල භාෂාව කතා කරන්න පුරුදු වෙන්න කියන්න , එයාගේ ළමයින්ට දෙමල භාෂාව කතා කරන්න පුරුදු කරන්න කියන්න.

එතුමා කල ප්‍රකාශය වැරදි , ඒක ද්වේෂ සහගතයි , සිංහල දෙමල ජනතාව අතර ප්‍රශ්නයක් හදන එකක් ඒක , සියළු ජාතින් එකට ඉන්න රටේ , ජාතිවාදි බේද ඇති කිරිම දේශ ද්‍රෝහි ක්‍රියාවක්.

විග්නේෂ්වරන් ඔය කරන්නේ උතුරේ ප්‍රභාකරන්ගේ තොටිල්ලේ හැදුණු දරුවන් සනසවන්න තමයි ඔය ප්‍රකාශ සිදු කරන්නේ. එවා ඇත්ත සටන් පාඨ නෙවෙයි.

අපේ රටේ නාග , යක්ෂ , වැදි ගෝත්‍ර , ඒ අයට භාෂා තියෙනවා , ඉන්දියාවෙන් මෙරටට ආව ජන කොටස් ඉන්නවා , දමිල භාෂාවේ මිශ්‍රණයකින් සිංහල භාෂාව තවත් පෝෂණය වෙලා තියෙනවා.

බුදු හාමුදුරුවන්ගේ කාලයේ තිබුණු පාලි සහ සංස්කෘත භාෂාවෙන් තමයි සිංහල භාෂාව පෝෂණය වෙලා තියෙන්නේ.

පාලි භාෂාවෙන්ම තමයි දමිල භාෂාව පෝෂණය වෙලා තියෙන්නේ.

බුදුන්ගේ භාෂාවෙන් පෝෂණය වුණ පැරණිම භාෂාවක් තමයි සිංහල භාෂාව කියන්නේ.

ඊට කලින් නාග භාෂාව , යක්ෂ භාෂාව , වැදි භාෂාව තිබුණා.

දකුණු ඉන්දියාව තුල දමිල භාෂාව පාලි සම්මිශ්‍රණයකින් පෝෂණය වුණා මෙන්ම , ලංකාව තුල පාලි සංස්කෘතික භාෂාව සමග බුද්ධ ධර්මය ,නාග භාෂාව , යක්ෂ භාෂව , වැදි භාෂාව හරහා බිහි වුණ භාෂාවක් තමයි සිංහල භාෂාව. යනුවෙන් පැවසිය.

– හැටන් රංජිත් රාජපක්ෂ

48,657 views

3 Comments to “‘මට ජනතාව වරමක් දී තිබෙනවා..’ – ඇමතිකමක් නැතිවීම ගැන කියයි..”

  1. අග්‍රඵල සංගණන කමිටුව says:

    ඇස්.බී….. ඔබටත් අග්‍රඵලයක් ලැබුණ එක ගැන අපට සතුටුයි – මීට , අග්‍රඵල සංගණන කමිටුව

  2. LION says:

    යාපනයේ වැසියන් සිංහල භාෂාව ඉගෙන ගැනීමට වහාම පෙළඹිය යුතු යැයි යාපනයේ සිටිඉන්දීය මහ කොමසාරිස් එස්ඩී මූර්ති වරක් ප්‍රකාශ කරයි.

    යාපනයේ වැසියන් සහභාගි වූ උළෙලකදී තවදුරටත් අදහස් දැක්වූ ඉන්දීය මහ කොමසාරිස්වරයා, යුද්ධයෙන් අනතුරුව උතුරේ ජාතීන් අතර සහයෝගීතාවය තවදුරටත් වර්ධනය කරවීම පිණිස රටේ මවු භාෂාව ඉගෙන ගැනීම ප්‍රයෝජනවත් වන බව සඳහන් කළේය.

  3. Roshan says:

    Nondi bang…vigné kiyapu eka veradi kiyala proof karanna saadaka Nedda. Rosanna EPA. Saadaka thiyala proof karala Hansard walin galawanna kathwa. Thrawida baasawa lankawe paawichi karapu palamu baasawa kiyala