මඩ ගහනවා, අපහාස කරනවා.. සමාජජාල වෙබ් අඩවිවලට දඬුවම් දෙන නීති ගේනවා.. කවුරු විරුද්ද වුනත් කරනවා..- ජනපති

May 24, 2017 at 9:20 am | lanka C news
මඩ ගහනවා, අපහාස කරනවා.. සමාජජාල වෙබ් අඩවිවලට දඬුවම් දෙන නීති ගේනවා.. කවුරු විරුද්ද වුනත් කරනවා..- ජනපති

සමාජ ජාල වෙබ් අඩවි සදහා සාපරාධී අපහාස කිරීම යටතේ දඬුවම් කිරීමට අවශ්‍ය නීති රීති කඩිනමින් ගෙන එන බව ජනාධිපති මෛත‍්‍රිපාල සිරිසෙන මහතා පවසා ඇත.

ඔහු මේ බව පවසා ඇත්තේ ශ‍්‍රී ලංකා නිදහස් පක්‍ෂ මාධ්‍යම කාරක සභාව අමතමිනි.

කවුරු විරුද්ද වුණත් මෙම කටයුත්ත සිදු කරන බවද පවසා ඇති ජනාධිපතිවරයා ඉන්දියාව, තායිලන්තය, චීනය ආචී රටවලද මෙම නීති රීති ක‍්‍රියාත්මක වන බවද පෙන්වා දී තිබේ.

මෙම වෙබ් අඩවි මගින් මඩ ගැසීම්, අපහාස කිරීම්, අසත්‍ය ප‍්‍රචාරය කිරීම් සිදුකරන නිසා ඒ සදහා මෙම පියවර අනිවාර්යෙන්ම ගන්නා බවද සදහන් කර ඇත.

ඇතැම් රාජ්‍ය මාධ්‍යයද මේ වන විට කටයුතු කරමින් සිටින්නේ වෙනම න්‍යාය පත‍්‍රයකට අනුව බවත් ඒවාද ඉදිරියේදී පාලනය කිරීමට අවශ්‍ය පියවර ගන්නා බවත් ජනාධිපතිවරයා එහිදී වැඩි දුරටත් සදහන් කර ඇත.

825 views
Main News