මත්තල ගුවන් තොටේ එදා වී ගබඩා කලත් මෙදා පලාලි ගුවන් තොටේ මිරිස් ගබඩා නොකරයි..

November 28, 2019 at 5:30 pm | lanka C news
මත්තල ගුවන් තොටේ එදා වී ගබඩා කලත් මෙදා පලාලි ගුවන් තොටේ මිරිස් ගබඩා නොකරයි..

පසුගිය ආණ්ඩුව මත්තල ජාත්‍යන්තර ගුවන්තොටුපලේ වී ගබඩා කලාක් මෙන් පලාලි ගුවන් තොටුපලේ මිරිස් ගබඩා කිරීමට වත්මන් ආණ්ඩුව සුදානම් නැතැයි කාර්මික අපනයන ආයොජන ප‍්‍රවර්ධන සිවිල් ගුවන්සේවා අමාත්‍ය ප‍්‍රසන්න රණතුංග මහතා අවධාරණය කරයි.

රාජ්‍ය ආයතන ¥ර්මුක කර විකුණා දැමීම පසුගිය රජයේ ප‍්‍රතිපත්තිය වුවද වත්මන් රජය යටතේ එය සම්පූර්ණයෙන්ම අහෝසි වී ඇතැයි ද ඔහු පෙන්වා දෙයි.

ගුවන්තොටුපල හා ගුවන් සේවා සමාගමේ ප‍්‍රගතිශීලි සේවක සංගමයේ නියෝජිතයින් සමග අමාත්‍යංශයේ පැවති සාකච්ඡුාවකදි රණතුංග මහතා මේ බව සදහන් කලේය.

පසුගිය පාලන කාලයේදි කටුනායක ගුවන්තොටුපල පරිපාලනය අත්තනෝමතිකව ලෙස කටයුතු කළ බවත් ගුවන්තොටුපල හා ගුවන්සේවා සමාගම සේවක අයිතීන් පිළිබද කිසිදු සැලකිල්ලක් නොදැක්වූ බවත් වෘත්තීය සමිති නියෝජිතයෝ මෙහිදි පෙන්වා දුන්හ.

සාකච්චාවේදි අහදස් දැක්වූ ඇමති ප‍්‍රසන්න රණතුංග මහතා මෙසේද කීවේය.

‘පසුගිය ආණ්ඩුවට තිබුනේ රාජපක්‍ෂ භීතිකාවක් මත්තල ජාත්‍යන්තර ගුවන්තොටුපල මහින්ද රාජපක්‍ෂ මහතාගේ නමින් නම් කර තිබීම නිසා ඉන් උරන වූ එක්සත් ජාතික පක්‍ෂයට එය විනාශ කිරීමට ඔනෑ උනා ඒ නිසා තමයි මත්තල ගුවන්තොටුපලේ වී ගබඩා කලේ කඩමුඩියේ පහුගිය ආණ්ඩුව හදපු පලාලි ගුවන්තොටුපලේ හරි හමන් ශක්‍යතා අධ්‍යනයක්වත් සිදුවී නැහැ. එහෙත් පලාලි ගුවන්තොටුපලේ මිරිස් ගබඩා කරන්න අපි ලැස්ති නැහැ.

වත්මන් ආණ්ඩුවේ අපේක්ෂාව තමයි මුඩුබිමක්ව තිබූ මේ රට වැඩ බිමක් කිරීම ඒ සදහා සංචාරක කර්මාන්තය වැඩි දියුණු කරලා සංචාරකයින් මෙරටට ගෙන්වීමේ විශේෂ වැඩ පිලිවෙලක් ක‍්‍රියාත්මක කරනවා. ආයෝජකයින් මේ රට දාලා ගියා අපි නැවතත් ආයෝජකයින්ට සුරක්ෂිත පරිසරයක් රට තුල නිර්මාණය කරලා රටේ කර්මාන්ත ක්ෂේත‍්‍රය දියුණු කරන්න බලාපෝරොත්තු වෙනවා. එකෙදි ගුවන්තොටුපල සංවර්ධනයට අපි වැඩි අවධානයක් යොමු කරනවා කටුනායක ගුවන්තොටුපල සංවර්ධනය වගේම මත්තල, යාපනය සහ මඩකලපුව ගුවන්තොටුපල සංවර්ධනයට නව රජයේ අවධානය යොමු වී තිබෙනවා. ඉදිරි සතිය තුල අපි මේ පිළිබදව මූලික සාකච්ඡුා ආරම්භ කරනවා.

මසකට වරක් වෘත්තීය සමිති සමග සාකච්ඡුා කොට ගුවන්තොටුපල සංවර්ධනය සදහා ඔවුන්ගේ අදහස් හා යෝජනාද ලබා ගැනීමට අපේක්ෂා කරන බව රණතුංග මහතා මෙහිදි වැඩිදුරටත් කියා සිටියේය. ගුවන්තොටුපල හා ගුවන්සේවා සමාගමේ ප‍්‍රගතිශිලි සේවක සංගමයේ සභාපති ප‍්‍රසාද් විජේරත්නසේකර මහතාද මෙහිදි අදහස් පළ කලේය.

– ප‍්‍රදීප් අනුර කුමාර

151 views

3 Comments to “මත්තල ගුවන් තොටේ එදා වී ගබඩා කලත් මෙදා පලාලි ගුවන් තොටේ මිරිස් ගබඩා නොකරයි..”

  1. කටින් බතල හිටව චන්දෙදි ගෙදර යනු එපා says:

    ඇමතිකම ගෙන ලොකුවට කියවන්න එපා
    වැරදි කිකිය කාලය කාලම පඩි ගන්න එපා
    කටින් බතල හිටව චන්දෙදි ගෙදර යනු එපා
    ගෝඨා වියත්මග බැරි අයත් මුලු රටටම එපා

  2. Sira says:

    Prasanna mahaththayo, aththatama kathawa adu karala weda karamu. Trade unions samaga katha kalata kamak ne. eth ithin lankawe trade unions kawadda ‘vagakeem’ gana katha kale? Wadi padi, adu weda thamayi e gollanta ona.

  3. aniwa says:

    We are so lucky to have you sir !

    You have done so much for our motherland during your time with MR and we hope you do so much more. Not a single rupee has been robbed forr personal use. Such a soft spoken nice person you are.
    Jaya wewa sir!

Main News