මධ්‍යම කාරක සභා බලය ඇල්ලූවා.. ආණ්ඩුවෙන් ඉවත් වීම සම්මත කරනවා.. මීලග පාර්ලිමේන්තු දිනයේ නොසිතන පෙරලි රැසක්..- SB
April 17, 2018 at 9:20 am | lanka C news
පාර්ලිමේන්තුවේ නව සැසිය ආරම්භ වන මැයි 08 දා දේශපාලන පෙරළි රැසක් ස්ථිරවම සිදුවන බව පාර්ලිමේන්තු මන්ත්රී එස්.බී. දිසානායක මහතා පවසයි.
පාර්ලිමේන්තු සැසිවාරය අවසන් කිරීම නිසා එකී දේශපාලන පෙරළි සදහා පසුබිම සකස් කිරීමට ඇති තරම් කාලය ලැබී ඇතැයිද ඔහු සදහන් කරයි.
පෙරළි මොනවාදැයි දැන්ම නොකියන බවත් ඊළග පාර්ලිමේන්තු සැසිය ඇරඹුනු සැනින් ඒවා දැකබලාගත හැකි බවත් පවසන දිසානායක මහතා ආණ්ඩුවට සිතාගත නොහැකි දේශපාලන සිදුවිය හැකි යයිද කීය.
ශ්රීලනිප මධ්‍යම කාරක සභාව අප්‍රේල් 25 හෝ ආසන්න දිනකදී රැස්වන බවත් ජාතික ආණ්ඩුවෙන් ඉවත්වීමට වන යෝජනාව එහිදී ස්ථිරවම සම්මත කර ගන්නා බවත් ඔහු කියා සිටී.
98 views
