මන්ත්‍රීවරයෙකු හා තවත් අයෙක් අත්අඩංගුවට.. වෙඩි තබයි..

October 4, 2021 at 1:20 pm | lanka C news
මන්ත්‍රීවරයෙකු හා තවත් අයෙක් අත්අඩංගුවට.. වෙඩි තබයි..

යාපනය කෝපායි පොලිස් වසමේ ඊයේ (03) රාත්‍රියේ මුර සංචාරයේ යෙදී සිටි පොලිස් නිලධාරීන්ගේ රාජකාරියට බාධා කිරීම ඇතුලු චෝදනා කිහිපයකට ප්‍රදේශීය සභා මන්ත්‍රීවරයෙකු ඇතුලු දෙදෙනෙකු අත්අඩංගුවට ගත් බවට චුන්නාකම් පොලිසිය පවසයි.

කෝපායි පොලිස් වසම සහ චුන්නාකම් පොලිස් වසම අතර පිහිටි උරෙලු ප්‍රදේශයේදී වලිකාමම් නැගෙනහිර ප්‍රාදේශීය සභාවේ මන්ත්‍රීවරයෙකු විසින් යතුරුපැදියක් හිස් ආවරනයක් (හෙල්මට්) නොමැතිව ධාවනය කරවීම හේතුවෙන් ජංගම මුර සේවයේ නිරත පොලිස් නිලධාරීන් විසින් මන්ත්‍රීවරයාගේ යතුරුපැදිය නවතා රියදුරු බලපත්‍ර ඇතුලු ලියකියවිලි විමසා ඇත.

එහිදී උරණ වූ ප්‍රාදේශීය සභා මන්ත්‍රීවරයා විසින් පොලීසිය සමග බහින්බස් වී රාජකාරියට බාධා කරමින් නොසන්සුන්ව කෑගැසීමෙන් අවට සිටි තවත් පිරිසක් පැමිණි පොලීසියට බාධා කිරීමේදී රාජකාරි සේවයේ යෙදී සිටි පොලිස් නිලධාරියෙකු විසින් අහසට වෙඩි ප්‍රහාරයන් දෙකක් තබා තත්වය පාලනය කිරීමට පියවර ගෙන ඇත.

අනතුරුව එම ස්ථානයේ බොහෝ පිරිසක් රැස්ව සිටීම හේතුවෙන් නොසන්සුන්තත්වයක් ඇතිවීමේ අවධානම සලකා රැස්ව සිටි පිරිස් විසුරුවාහැරීමට පොලිස් නිලධාරීන් පියවර ගෙන ඇත.

කෙසේ වෙතත් අද (04) උදෑසනම චුන්නාකම් පොලීසිය විසින් නොසන්සුන්ව පොලිස් රාජකාරියට බාධා කරන ලද ප්‍රාදේශීය සභා මන්ත්‍රීවරයා ඇතුලු තවත් අයෙකු අත්අඩංගුවට ගෙන ඇති අත ඔවුන් යාපනය මහෙස්ත්‍රාත් අධිකරණයට ඉදිරිපත් කිරීමට පියවර ගෙන ඇතැයිද පරික්ෂණ සිදුකරන චුන්නාකම් පොලීසිය වැඩිදුරටත් පැවසීය.

– වන්නි රොමේෂ් මධුෂංඛ

40,437 views

3 Comments to “මන්ත්‍රීවරයෙකු හා තවත් අයෙක් අත්අඩංගුවට.. වෙඩි තබයි..”

  1. සනත් ඉතාලිය says:

    කට්ටිය උතුරෙ දාන පාට් දකුනෙ දැම්මනම් කොහොමද. මුන් ගේම ඉල්ලනව අන්තිමට හමුදාවෙ කොල්ලො බිල්ලට යනව.

  2. සාධාරණ සමාජයක් උදෙසා! says:

    හරි හරි….පලාත් සභා ඡන්දය ඵන වෝ වෝ වෝ වෝ වෝ….
    කොටි නැගිටිනවෝ….

  3. Swollen Head says:

    Mung parlimenthu manthree unaama monawa nokarayida?

Main News