මන්දිරවල ඇඟිලි සලකුණු ගුවන් තොටුපලට… කිසිවකුට රටින් යන්න බෑ… පරම්පරා ගාණකට රජයේ රස්සා නෑ.. පොලිස් වාර්තා නෑ..

July 28, 2022 at 9:20 am | lanka C news
මන්දිරවල ඇඟිලි සලකුණු ගුවන් තොටුපලට… කිසිවකුට රටින් යන්න බෑ… පරම්පරා ගාණකට රජයේ රස්සා නෑ.. පොලිස් වාර්තා නෑ..

ජනාධිපති මන්දිරය ඇතුළු පරිපාලන මර්මස්ථානවල තිබී හඳුනා ගැනෙන ඇඟිලි සලකුණු ගුවන්තොටුපොළ වෙත යැවූ පසු ඒවායේ හිමිකරුවන් කිසිවකුටත් රටින් පිටව යෑමට හැකියාව නොලැබෙන බව හිටපු මහජන ආරක්ෂක ඇමැති රියර් අද්මිරාල් (විශ්‍රාමික) ආචාර්ය සරත් වීරසේකර මහතා ප්‍රකාශ කළේය.

යම් කිසි හේතුවකින් ඔවුන් වරදකරුවන් වුව හොත් පොලිස් වාර්තාවක්වත් ලබා ගැනීමට ඉඩ නොලැබෙන බව පැවසූ වීරසේකර මහතා රජයේ හෝ ආරක්ෂක අංශයේ රැකියාවකට ඔවුන්ට තබා පරම්පරාවේ කිසිවකුටත් යෑමට නොහැකි වනු ඇති බවත් පැවසීය.

හිටපු ඇමැතිවරයා මෙසේ ප්‍රකාශ කළේ විදෙස් ගමන් බලපත්‍ර සැකසීමේදී ලබා ගැනෙන ඇඟිලි සලකුණු රටින් පිටව යෑමේදී සසඳා බැලෙන ආකාරය සම්බන්ධයෙන් කරුණු පැහැදිලි කරමිනි. හදිසි නීතිය දීර්ඝ කිරීමේ විවාදයට පාර්ලිමේන්තුවේදි ඊයේ (27) එක් වෙමින් වීරසේකර මහතා මේ කරුණු පැහැදිලි කළේය.

ව්‍යවස්ථානුකූලව පත්වූ ආණ්ඩුවක් බලහත්කාරයෙන් පෙරළීම ඉතා බරපතළ වරදක් බවත් ඇතැම් දේශපාලන පක්ෂ හා මැර කණ්ඩායම් එක්ව පසුගිය දා කළේ එවැනි ක්‍රියාවක් බවත් වීරසේකර මහතා කියා සිටියේය. අතුකෝරල මන්ත්‍රීවරයාගේ ඝාතනය වෙනුවෙන් මේ වන විට සැකපිට 38 දෙනෙක් අත්අඩංගුවට ගෙන ඇති බව ද ඒ මහතා කීවේය. ජනාධිපතිවරයා එළවීම, මැරීම රාජ්‍ය විරෝධි ක්‍රියාවක් බව පැවසූ මන්ත්‍රීවරයා එවැනි අයට එරෙහිව දණ්ඩ නීති සංග්‍රහයේ 198 යටතේ මරණ දණ්ඩනය පවා දිය හැකි බව පැවසීය.

අරගලයේ මුවාවෙන් කෙරෙන ප්‍රචණ්ඩත්ව වැළැක්වීමට හදිසි නීතිය ගෙන එන බව පැවසූ වීරසේකර මහතා හදිසි නීතියට බිය විය යුත්තේ මැර දේශපාලන කණ්ඩායම් පමණක් බවත් අවධාරණය කළේය. අරගලය ප්‍රචණ්ඩත්වය කරා යෑමට නීතිඥ සංගමයත් ආරම්භයේදී උත්තේජනයක් දුන් බවත් ශ්‍රේෂ්ඨාධිකරණයට, අභියාචනාධිකරණයට, උසාවියට බලපෑම් කරමින් විනිසුරුවරුන්ටත් තර්ජනය කරන තත්ත්වයක් අද උදා වී ඇති බවත් හෙතෙම කීවේය. තමන් උසි ගන්වන කිසිවකුත් නඩු වැටෙන විට බේරාගැනීමට නොපැමිණෙන බව නොමඟ යන, ප්‍රචණ්ඩත්වයට යොමු වන තරුණයන් සිහි තබා ගත යුතු බවත් වීරසේකර මහතා පැවසීය.

හිටපු ඇමැති සරත් වීරසේකර මහතා,

“1983 සිට වසර 28ක් තිස්සේ මෙරට හදිසි නීතිය ක්‍රියාත්මක වුණා. ත්‍රස්තවාදය නිසා එවැනි දෙයක් තිබුණා. රටට කිසියම් තර්ජනයක් තිබේ නම් ඒ තත්ත්වය පොලිසියට පාලනය කළ නොහැකි නම් එම තත්ත්වය පාලනය කිරීමට හමුදාව අවශ්‍ය බවට සිතෙන්නේ නම් එවැනි අවස්ථාවකදී හදිසි නීතිය ගෙන එනවා. මහජන ආරක්ෂක පනත යටතේ එම නීතිය ගේනවා. දේශපාලනඥයන් ආරක්ෂා කිරීමට නොව ජනතාව ආරක්ෂා කිරීම සඳහා මේ නීතිය ගේනවා. ජනතාවගේ දේපොළ, නිවාස, වෙළෙඳසල්, ඒ වගේම රාජ්‍ය දේපොළ ආරක්ෂා කිරීමට හදිසි නීතියක් ගේනවා. සාමාන්‍ය නීතිය අභිභවා හදිසි නීතිය ක්‍රියාත්මක වෙනවා. ඕනෑම වේලාවක මේ නීතිය යටතේ හමුදාව කැඳවිය හැකියි. අත්අඩංගුවට ගැනීමට, රඳවා තබා ගැනීමට පුළුවන්. ජනාධිපතිවරයාට හදිසි නීතිය පැනවීමට පුළුවන්. ඒ පනවා දින 14ක් තුළදී පාර්ලිමේන්තුවේ අනුමැතිය සඳහා ඉදිරිපත් කරනවා. වර්තමානයේ හදිසි නීතිය පනවන්නේ අරගලය නිසා. සාධාරණ හේතුවක් නිසා අරගලය ආරම්භ වුණා. එය වැරැද්දක් නැහැ. යහපත් අරමුණක් සාක්ෂාත් කර ගැනීමට උද්ඝෝෂණ පැවැත්වූවා. ඉන්ධන රට තුළ නැති වුණා. විදුලිය, ගෑස්, භූමිතෙල් නැති වුණා. පාසල් වසා තැබුවා. රැකියා නැති වුණා. ඒ නිසා ජනතාවගේ කෝපය සාධාරණයි. රට තුළ ප්‍රජාතන්ත්‍රවාදයක් පවතිනවා. ඒ තුළ උද්ඝෝෂණ පවත්වන්න පුළුවන්. ජනතාවගේ පැවති ඒ සාධාරණ පීඩාවට දේශපාලන මැරයන් සම්බන්ධව ප්‍රචණ්ඩත්වය කරා ගෙන ගියා. රජය පෙරළන්න එමඟින් උත්සාහ කළා. එය ඉතා වැරැදි වැඩක්. ජනාධිපති නීතිඥ වලලියද්ද මහතා ඉතා හොඳ සම්මුඛ සාකච්ඡාවක් කළා. ඕනෑම උද්ඝෝෂණයක් පැවැත්වීමට ප්‍රජාතන්ත්‍රවාදි අයිතියක් තිබෙනවා. රජයට, දේශපාලනඥයන්ට බණින්න පුළුවන්. හොරා, තක්කඩියා, ස්ත්‍රී දූෂකයා කියලා කියන්න පුළුවන්. නමුත් රජයක් පෙරළීමට ඔවුන්ට උද්ඝෝෂණ පැවැත්විය නොහැකියි. ඒ වගේම ජනාධිපතිවරයා එළවීමට, මැරීමට උද්ඝෝෂණය කරන්න බැහැ. එසේ කළොත් එය රාජ්‍ය විරෝධි කැරැල්ලක් වෙනවා. දණ්ඩ නීති සංග්‍රහයේ 198 යටතේ මරණීය දණ්ඩනය වුවත් ඊට දිය හැකියි. ඒ බව එම ජනාධිපති නීතිඥවරයා කියනවා. ව්‍යවස්ථානුකූලව පත් වූ රජයක් කැරැල්ලකින් පෙරළන එක ඉතා බරපතළ වරදක්. එවැනි දෙයක් කිරීමට තමයි පසුගිය කාලයේ දේශපාලන කණ්ඩායම් මැර කණ්ඩායම් එක්ව උත්සාහ කළේ. ජනතා පීඩනය අසහනය උපයෝගි කරගෙන මැර කණ්ඩායම්වලට පොදු දේපොළ හානි කරවීමට, ගිනි තැබීමට, සොරකම් කිරීමට, මිනී මැරීමට පුළුවන් ද. අහිසංක අතුකෝරාල මන්ත්‍රීවරයා මරා දැමූ විදිය අපි දුටුවා. එය රටටම අපහාසයක්. මේ සිද්ධියට මේ වන විට 38ක් අත්අඩංගුවේ සිටිනවා. අරගලයේ මුවාවෙන් මන්ත්‍රීවරුන්ට ගහනවා නම්, පොදු දේපොළ හානි කරනවා නම් ඒ මිලේච්ඡත්වය නැති කිරීම සඳහා හදිසි නීතිය ගෙන එනවා. එවැනි තත්ත්වයක් උදාවිය හැකි බව බුද්ධි අංශ දැනුම් දෙනවා. මේ අරගලය ප්‍රචණ්ඩත්වය කරා ගෙන යෑමට නීතිඥ සංගමයත් ආරම්භයේදී යම් කිසි උත්තේජනයක් දුන්නා. ඒ ගැන අපි කනගාටු වෙනවා.

– ස්වර්ණා විජේකෝන්, නුවන් කොඩිකාර, සන්ධ්‍යා කරුණාරත්න

237,940 views

55 Comments to “මන්දිරවල ඇඟිලි සලකුණු ගුවන් තොටුපලට… කිසිවකුට රටින් යන්න බෑ… පරම්පරා ගාණකට රජයේ රස්සා නෑ.. පොලිස් වාර්තා නෑ..”

  1. ඩොලස් හොයනකොට ඩලස් අත උස්සයි! says:

    ජංගිවල ඇඟිලි සලකුණු ගත්තදාට තමා හිටපු මහජන ආරක්ෂක ඇමැති රියර් අද්මිරාල් (විශ්‍රාමික) ආචාර්ය (මුදල්දී ගත්) සරත් වීරසේකර (පස්වන ගම්බට්ටචාර්ය) මහතා (කලකට පෙර)ගේ වැඩකටයුතු එළිවෙන්නේ.

  2. Dhananjaya says:

    Menna genunge jangi lewakana hiwalek eliyata ewith. Chanden peraduna batalande napunsaka awata passe pohottu horunta pana ewith.balan hitapan ayet minissu thopi hoyan ei langadima.rata kapu pisachayo

  3. Disce ammata discede says:

    අරගල කරන්න අා නූගත් මොඩයන් ට දැන් තේරෙනවද රටේ නීතියේ තරම.

    • ඩලස් says:

      කොහෙද යන ගෑනු පෙරේතයෙක් කතා කරයි මිනිස්සු සම්පූර්ණයෙන් හිට ගත්ත දාට ඔය නිතිය යටයි පුතා කටුකන බල්ලෝ

  4. Dirk says:

    මගේ කුණුහරප මදි මුට කියන්න. දැන් මුන්ගේ කටවල් ඇරිලා එනවා. මුන් රටට කරපු හරිය මදිද දන්නේ නෑ. ලංකාවම කාලා අපේ ළමයින්ට රටක් නැති කරපු පර හැත්ත. ව්‍යවස්ථානුකුලව මගුලක් කියනවා. බුරුවා.

  5. Manoj says:

    පරණ විදිහටම මෝඩ චූන් තමයි ඉතින් පාර්ලිමේන්තුවේ ඇහෙන්නේ මර්දනය කරලා කොච්චර කල් ඉස්සරහට යන්ඩද

  6. Doli says:

    බල්ලන්ගේ බලු කතා වලින් සිංහයෝ නවත්වන්න බැහැ. නරි රැල පන්නල දනකම් අරගලය නවත්වන්න බැහැ. අරගලය ට ජය.

  7. දැන් ඕවා බලන්න බස් වලින් ලොරිවලින් ඈත ගම්වලින් ආපු සෙනගගෙ ඇගිලි සලකුනුත් ඔතන ඇති කියලා අමතක උනා ද

Main News