මන්නාරම් සමූහ ඝාතනය පරරාජසේකරන්ගේ වැඩක්.. ක‍්‍රිස්තියානි ආගමට ගිය අය සමූල ඝාතනය කරලා..

March 11, 2019 at 10:40 am | lanka C news
මන්නාරම් සමූහ ඝාතනය පරරාජසේකරන්ගේ වැඩක්.. ක‍්‍රිස්තියානි ආගමට ගිය අය සමූල ඝාතනය කරලා..

මන්නාරමේ මහා මිනිස් ඝාතනයට වගකිවයුත්තේ එවකට යාපනයේ පාලක පරරාජසේකරම් රජු බව ශ‍්‍රී ජයවර්ධනපුර විශ්ව විද්‍යාලයේ මහාචාර්ය ටී.ජී. කුලතුංග මහතා සඳහන් කරයි.

මෙම මහා අපරාධය පෘතුගීසී යුගයේ සිදුවී තිබෙන බවත් ඒ බව පෘතුගීසි ලේඛන වල සඳහන් වන බවත් ඔහු පවසයි.

1540දී පමණ මන්නාරමේ හා යාපනයේ සිටි දේශීය ජනතාව ක්‍රිස්තියානි ආගමට හරවා ගැනීමට විරුද්ධව යාපනයේ සිටි හින්දු පාලකයන් විසින් මෙම ඝාතනයන් කර ඇති බවත් ඔහු කියා සිටියි.

මෙම ඝාතන සම්බන්ධයෙන් පෘතුගීසි ලේකණවලද සඳහන් වන බව ද ඔහු කියයි.

මන්නාරම සමූහ මිනීවලෙන් හමුවූ අස්ථි ක්‍රිස්තු වර්ෂ 1404 සහ 1719 කාලයට අයත් යයි ඇමරිකානු කාබන් පරීක්‍ෂාවෙන් හෙළි වීමෙන් පසු ඔහු මේ බව සඳහන් කළේය.

158 views
Main News