මන්නාරමේ සිට අනුරාධපුරය තෙක් බිම පෙරලෙමින් සාම ගමනක…

February 7, 2019 at 4:40 pm | lanka C news
මන්නාරමේ සිට අනුරාධපුරය තෙක් බිම පෙරලෙමින් සාම ගමනක…

ශ්‍රීලංකාවේ සියලු ජාතීන් අතර සාමය සංහිදියව වර්ධනාය වේවා යන අධිෂ්ඨානයෙන් යුතුව මන්නාරම සිට අනුරාධපුර දක්වා වූ කිලෝමීටර් 150 ක දුර ප්‍රමාණයක් බිම පෙරලී යමින් දේව කන්නලව්වක් සිදු කිරීමට මන්නාරමේ හින්දු බැතිමතෙකු විසින් පියවර ගෙන ඇත.

මන්නාරම තිරුකේදීස්වරන් හින්දු කෝවිලේ සිට අනුරාධපුර කදිරේශන් කෝවිල දක්වා ප්‍රධාන මාර්ගය ඔස්සේ බිම පෙරලෙමින් අධිෂ්ඨාන සාම ගමන අරඹා ඇති මෙම පුද්ගලයා 05 වනදා ගමන් අරඹා ඇති අතර දිනකට උදෑසන සිට රාත්‍රිය වන තුරු හැකි තරම් කාලයක් බිම පෙරලී ගමන් කිරීම අධිෂ්ඨාන කරගෙන ඇත.

අදාල හින්දු බැතිමතා බිම පෙරලෙන විට ඔහුගේ හිතවතුන් හා ඥාතීන් පිරිසක් විසින් මාර්ගයේ බිම පෙරලෙන පෙදෙසේ ගෝනි හා පඩංගු යොදන අතර එය කොතෙක් අසීරු කටයුත්තක් වුවුද මහත් ආශාවකින් හා සතුටකින් යුතුව සිය ගමන සිදු කරන බවට මෙම හින්දු බැතිමතා කියා සිටියේය.

ලංකාවේ ආගම් අතර භේදයක් ඇති නොවිය යුතු බවටත් විශේෂයෙන්ම ආදි කාලයක සිට පැවත එන සිංහ දෙමළ බැඳීම කිසිදු හේතුවක් නිසා බිඳීමකට ලක් නොවී එය ශක්තිමත් කර දෙන ලෙසට දෙවියන්ගෙන් ඉල්ලා තමන් මෙම අධිෂ්ඨාන සාම ගමන අරම්භ කල බවට ඔහු වැඩි දුරටත් කියා සිටියේය.

– වන්නි රොමේෂ් මධුෂංඛ

199 views