මහනුවර විස්මිත නිර්මාණකරුවෙක් පොල්කටු භාණ්ඩ නිෂ්පාදනයෙන් ලොව ජයගනී…

September 23, 2020 at 6:48 pm | lanka C news
මහනුවර විස්මිත නිර්මාණකරුවෙක් පොල්කටු  භාණ්ඩ නිෂ්පාදනයෙන් ලොව ජයගනී…

විදෙස් වෙළඳපොළ ඉලක්ක කර ගනිමින් මෙරට පොල්කටු භාණ්ඩ නිෂ්පාදන කර්මාන්තය ප්‍රවර්ධනය කිරීම සඳහා එම කර්මාන්තයේ නියුතු පිරිසට අවශ්‍ය ප්‍රතිපාදන, තාක්ෂණය හා වෙළඳපොළ අවස්ථා ලබා දීමට කඩිනමින් ව්‍යාපෘතියක් දියත් කරන ලෙස කර්මාන්ත අමාත්‍ය විමල් වීරවංශ මහතා ලංකා කාර්මික සංවර්ධන මණ්ඩලයට උපදෙස් ලබා දුන්නේය.

පොල්කටු යොදාගනිමින් විස්මිත භාණ්ඩ රැසක් නිපදවා විදෙස් වෙළඳපොළ ජයගත් ප්‍රවීණ හස්ත කර්මාන්ත ශිල්පියකු වන මහනුවර, බෝවල, කොකා සෙලා ෂෙල් ක්‍රාෆ්ටිං ආයතනයේ (Coca sela shell Crafting) හිමිකරු ඇම්. වසන්ත ප්‍රනාන්දු මහතා 73/1, ගාලු පාර, කොළඹ 03 යන ස්ථානයේ පිහිටි කර්මාන්ත අමාත්‍යාංශයේ දී තමන් හමු වූ අවස්ථාවේ වීරවංශ අමාත්‍යවරයා මෙසේ පැවසීය.

අමාත්‍යවරයා සමඟ සාකච්ඡාවෙන් අනතුරුව වසන්ත ප්‍රනාන්දු මහතා මාධ්‍ය වෙත අදහස් දක්වමින් මෙසේ පැවසීය.

“මම 1970 සිට පොල්කටු භාණ්ඩ නිෂ්පාදන කර්මාන්තයේ නියැලී සිටිනවා. පොල්කටු භාණ්ඩ නිෂ්පාදකයන් බොහෝ විට සිය නිෂ්පාදන සිදු කරන්නේ දේශීය වෙළඳපොළ ඉලක්ක කර ගෙනයි. මා ක්‍රම ක්‍රමයෙන් ජාත්‍යන්තරය දිනාගත හැකි පොල්කටු භාණ්ඩ නිෂ්පාදනය සිදු කළා. මගේ විශාල බලාපොරොත්තුවක් තිබුණා මගේ ශිල්පීය දැනුම මේ ක්ෂේත්‍රයේ කර්මාන්ත ශිල්පීන්ට ලබා දී ඔවුන් ද ජාත්‍යන්තරය ජයගත හැකි පොල්කටු භාණ්ඩ නිර්මාණකරුවන් බවට පත් කිරීමට. එය මට තනිවම කරන්න පුළුවන් දෙයක් නොවෙයි. ඒ සඳහා රජයේ මැදිහත්වීම අවශ්‍යයි.

අද මා කර්මාන්ත අමාත්‍යතුමන් හමු වී මගේ භාණ්ඩ ද එතුමන්ගේ අවධානයට ලක් කර මෙම කර්මාන්ත ක්ෂේත්‍රය ජාත්‍යන්තර තලයට ඔසවා තැබීමේ මගේ බලාපොරොත්තුවත් ඒ සඳහා වන මගේ අදහසුත් පවසා සිටියා. ඊට සාවධානව ඇහුම්කම් දුන් විමල් වීරවංශ ඇමතිතුමා දීපව්‍යාප්තව පොල්කටු නිෂ්පාදන කර්මාන්තය සිදු කිරීමටත් කර්මාන්තයේ නියැලෙන පිරිස් වෙත ජාත්‍යන්තර තලයේ භාණ්ඩ නිෂ්පාදනය සඳහා අවශ්‍ය පුහුණුව ලබා දීමටත් මා ද සම්බන්ධ කර ගනිමින් ව්‍යාපෘතියක් සකසන ලෙස ලංකා කාර්මික සංවර්ධන මණ්ඩලයේ සභාපති උපසේන දිසානායක මහතාට ඒ මොහොතේම උපදෙස් දෙනු ලැබුවා.

මෙම ‘පොල්කටු භාණ්ඩ නිෂ්පාදන කර්මාන්තය’ සමෘද්ධිලාභීන් ව්‍යවසායකයන් බවට පත් කිරීමට හැකියාව ඇති කර්මාන්තයක්. ගමේ පොළ ඉලක්ක කර ගෙන පොල්කටු භාණ්ඩ නිපදවා පලක් නැහැ. අපිට සාර්ථක ව්‍යවසායකයන් පිරිසක් බිහි කළ හැක්කේ විදෙස් වෙළඳපොළ ඉලක්කකරගත් පොල්කටු භාණ්ඩ නිෂ්පාදන කර්මාන්තයක් බිහි කළහොත් පමණයි. මේ ශිල්පීන් පුහුණු කිරීමේ ව්‍යාපෘතිය සඳහා අවශ්‍ය ප්‍රතිපාදන, තාක්ෂණය ලබා දීමට ලංකා කාර්මික සංවර්ධන මණ්ඩලයේ සභාපතිතුමන් එකඟතාව පළ කළා. මෙම ජාත්‍යන්තර තලයේ පොල්කටු භාණ්ඩ නිෂ්පාදනය රට තුළ සිදුවන විට ඊට අදාළ අපනයන වෙළඳපොළ අවස්ථා නිර්මාණය කර දීමට ද අමාත්‍යතුමන් සූදානම් බව පැවසුවා.”

අනුරුද්ධ බණ්ඩාර රණවාරණ
මාධ්‍ය ලේකම්

57,856 views

3 Comments to “මහනුවර විස්මිත නිර්මාණකරුවෙක් පොල්කටු භාණ්ඩ නිෂ්පාදනයෙන් ලොව ජයගනී…”

  1. හතර හිනා says:

    අර රටරටවලින් හිඟා කන්න මහ එවුන්ට විස්මිත පොල්කටු හදලා දියල්ලා

    • Pakanil says:

      You are Jelous! Aren’t you? Learn to appreciate every effort of people do some contribution to the society, no matter how small their effort is.

  2. ඊරි යකා says:

    මෙම භාන්ඬ ඇතුලත් කැටලොග් හදා ප්‍රසිද්දියට පත්කරන්න, එහි සම්බන්ඳ කරගන්නා පුද්ගලයාගෙ ඒමේල් ලිපිනය ඇතුලත්ක්‍ර ටැලිපෝන් අන්කයද ඉදිරිපත්කරන්න, මෙය ලියන මටත් ඒගැන ක්‍රියාකිරීමට හැකියාවක් තියෙනවා, රටවෙනුවෙන් යමක් කරමු

Main News