මහින්ද දෙපාරක් ජනාධිපති වුණා.. තුන්වෙනි පාරත් ගන්නේ පෙරේතයෝ..

හවුලේ තරග කිරිමට නම් ආණ්ඩුවෙන් ඉවත් වන්නැයි ඒකාබද්ද විපක්‍ෂයේ කොන්දේසියට එකග නොවූයේ එසේ කලේ නම් තම පිරිස ආණ්ඩුවෙන් ඉවත් වූ සැණින් ඒකාබද්දයේ පිරිස එජාපයට ගොස් ආණ්ඩුවක් සෑදීමේ සූදානමක් තිබූ නිසා බව ඇමති විජිත් විජේමුණි සොයිසා මහතා පවසයි.

වත්මන් රාජ්‍ය ඇමති ලක්‍ෂමන් යාපා අබේවර්ධන ආණ්ඩුවෙන් ඉවත් වූ සැණින් මහින්ද යාපා අබේවර්ධන කැබිනට් ඇමතිවරයෙකු ලෙස දිවුරුම් දෙනු ඇති බවත් තමන් ඉවත් වුවහොත් මොණරාගල දිස්ත‍්‍රික්කයේ හාල් කෑල්ලක් ඇමතිවරයෙකු ලෙස දිවුරනු ඇති බවත් ඔහු උදාහරණ ලෙස පැවසීය.

මහින්ද රාජපක්‍ෂ මහතා දෙවරක් ජනාධිති වූ බවත් ඒ ශ‍්‍රී ලංකා නිදහස් පක්‍ෂය නිසා බවත් කී ඔහු දෙවරක් බත් බෙදා ගත්තාට පසු තුන්වැනි වරටත් බෙදාගන්නේ පෙරේතයෝ බවද කියා සිටියේය.

බිබිල ප‍්‍රදේශයේදී පැවති ජන හමුවක් අමතමින් ඔහු මෙම අදහස් පල කලේය.