මහින්ද මහත්තයා මැයි දිනයට ගොල් ෆෙස් පිට්ටනිය අරගෙන ඉල්ලන් කන්නයි යන්නේ..

April 6, 2017 at 4:40 pm | lanka C news
මහින්ද මහත්තයා මැයි දිනයට ගොල් ෆෙස් පිට්ටනිය අරගෙන ඉල්ලන් කන්නයි යන්නේ..

මහින්ද හිටපු ජනපති මැයි දිනයට ගොල් ෆෙස් පිට්ටනිය අරගෙන ඉල්ලන් කන්න යන බව පාර්ලිමේන්තු මන්ත්‍රී එස්.එම්. මරික්කාර් මහතා පවසයි.

ඔහු මෙම අදහස් පළ කරන ලද්දේ මුල්ලේරියාව නව සතොස ශාඛාව විවෘත කිරීමේ උත්සවයට සහභාගී වෙමින්ය.

ඒකාබද්ධ කල්ලියේ මහින්ද රාජපක්ෂ මහතා ප්‍රමුඛ කණ්ඩායම ජයටම මැයි දිනයට සුදානම් වෙනවා. දැන් මේ අය ඉල්ලා තියෙනවා ගොල් ෆේස් පිට්ටනිය. මේ ගොල් ෆේස් නාඩගමේ ඇත්ත කතාව මේකයි, මහින්ද මහත්තයා කියලා කියලා තිබුණා වැඩිම උනොත් පෝයයි දෙකයි මේ ආණ්ඩුව පෙරලනවා කියලා. පෝය දෙකක් කියන්නේ අප්‍රේල් පෝය සහ මැයි 10 වෙසක් පෝයයි. ඒ අනුව වෙසක් පෝය වෙනකොට මේ ආණ්ඩුව පෙරලන්න ඕනේ. ඇයි මෙහෙම කියන්නේ , ගොල් ෆෙස් පිට්ටනිය අරගෙන ඉල්ලං කන්න යන නිසයි. මේ පිට්ටනියෙන් කාලක්වත් පුරවගන්න වෙන්නේ නෑ. ඒකට හේතුව තමයි හැමදාම බත් පැකට් එකටයි,අරක්කු බෝතලයටයි සහ හොරකම් කරපු සල්ලි බෙදන ඒවාට යන කණ්ඩායම් තමයි එතනට යන්නේ. සෙනග ගන්න බැරි නිසා තමයි ජනතාවට පොඩි ලාභ චූන් එකක් දීලා මැයි මාසේ ආණ්ඩු පෙරලනවා කියලා  අන්දලා මැයි 01 වෙනිදාට ජනතාව ගෙන්න ගන්නයි හදන්නේ. මහින්ද මහත්තයා එහෙම කරද්දී එක්සත් ජාතික පක්ෂයේ අපේ ශක්තිය පෙන්නනවා. එකත් සමග මේ ආණ්ඩුවත් එක්ක ජනතාව කොතැනද ඉන්නේ, යම් යම් අඩුපාඩු තිබුණත් මේ ආණ්ඩුව සම්බන්ධව ජනතාවගේ තියෙන බලාපොරොත්තු මොනවාද කියලා අපි මැයි 01 වෙනිදාට පෙන්නවා යැයි පැවසීය.

– මිනුර රශාන්ත

25 views
Main News