මහ ඇමතිකම් බෙදාගනී.. සියළු පළාත් සභාවල ජාතික ආණ්ඩු.. නගරාධිපති-සභාපතිකම් බෙදාගෙන පළාත් පාලන ආයතනවලත් හවුල් ආණ්ඩු..

May 25, 2017 at 3:00 pm | lanka C news
මහ ඇමතිකම් බෙදාගනී.. සියළු පළාත් සභාවල ජාතික ආණ්ඩු.. නගරාධිපති-සභාපතිකම් බෙදාගෙන පළාත් පාලන ආයතනවලත් හවුල් ආණ්ඩු..

පළාත් සභා මැතිවරණයෙන් පසුව පළාත් සභා සඳහාත් ජාතික ආණ්ඩු සංකල්පය ක්‍රියාත්මක කිරීමට එක්සත් ජාතික පක්ෂය සහ ශ්‍රීලංකා නිදහස් පක්ෂය ඒකාබද්ධ වීමට එකඟතාවකට පැමිණ ඇති බවට දේශපාලන ආරංචි මාර්ග සඳහන් කරයි.

එමෙන්ම මේ හවුල් පාලනය එළඹෙන පළාත් පාලන මැතිවරණයෙන් අනතුරුව ප්‍රාදේශීය සභා,නගර සභා,මහ නගර සභා යනාදී වූ පළාත් පාලන ආයතන සඳහාද අනුගමනය කිරීමට යහපාලන ආණ්ඩුවේ නායකයෝ එකඟවී ඇති බවද වාර්තාවේ.

ඒ අනුව ඉදිරියේදී පැවැත්වෙන පළාත් සභා සහ පළාත් පාලන මැතිවරණවලදී පක්ෂ දෙක වෙන වෙනම තරග කිරීමට තීරණය කර ඇති අතර මැතිවරණවලින් අනතුරුව එක්සත් ජාතික පක්ෂය සහ ශ්‍රීලංකා නිදහස් පක්ෂය එක්ව පළාත් සභා සහ පළාත් පාලන ආයතනවල පාලනය ගෙනයාමට පක්ෂ දෙකෙහි නායකයන් අතර එකඟතාවකට පැමිණ තිබේ.

මේ අනුව අදාළ පළාත් සභා තුළ මැතිවරණයෙන් වැඩිම මන්ත්‍රී ආසන දිනාගන්නා පක්ෂයට මහඇමති ධුරය සහ ඇමති ධුර දෙකක්ද අනිත් පක්ෂයට ඇමති ධුර දෙකක්ද ලැබෙන පරිදි පළාත් සභා බලය හුවමාරු කරගැනීමට මෙහිදී පක්ෂ දෙක එකඟතාවකට පැමිණ ඇත.
පළාත් පාලන මැතිවරණයෙන් අදාළ පළාත් පාලන ආයතන සඳහා වැඩිම මන්ත්‍රීධුර ලබාගන්නා පක්ෂයට නගරාධිපති ධුරය හෝ සභාපතික්වය ලබාදීමටත් අනිකුත් පක්ෂයට උපසභාපති ධුරය හෝ උපනගරාධිපතිධුරය ලබාදීමටත් මෙහිදී පක්ෂය නායකයන් සාකච්ඡාකර තිබේ.

එක්සත් ජාතික පක්ෂයේ, ශ්‍රීලංකා නිදහස් පක්ෂයේ සහ එක්සත් ජනතා නිදහස් සන්ධානයේ නායකයන් අතර පැවති හමුවකදී මෙම තීරණයට එළඹ ඇති අතර මේ සම්බන්ධයෙන් තවදුරටත් සාකච්ඡා කිරීමටද එහීදී තීරණය කර ඇත. මේ අතර ඒකාබද්ධ විපක්ෂය විසින් පළාත් සභා සහ පළාත් පාලන මැතිවරණ පොහොට්ටුව ලකුණින් තරග වැදීමට එකඟතාවකට පැමිණ තිබේ.

– ADA

16 views

7 Comments to “මහ ඇමතිකම් බෙදාගනී.. සියළු පළාත් සභාවල ජාතික ආණ්ඩු.. නගරාධිපති-සභාපතිකම් බෙදාගෙන පළාත් පාලන ආයතනවලත් හවුල් ආණ්ඩු..”

  1. ExUNPer says:

    This is an artificial attempt made by the same yamapalana conspirators. If this is genuine attempt for the benefit of Lanka it is ok. But we know that it is for the benefit of the conspirators.
    Any ‘victory’ made by dirty means are temporary. Truth will emerge. So, all people involved beware.

    • සුජාන් says:

      ජාති වාදය ආගම්වාදය පැතිරවීම තහනම් නම් බහරේන් රාජ්‍ය ,ඊජිප්තුව ඇතුළු මුස්ලිම් රටවල් කිහිපයක් ත්‍රස්තවාදයට අනුබල දීම හා අදහස් පැතිරවීමට චෝදනා කර තනනම් කරන ලද අල් ජසිරා නාලිකාව ශ්‍රිලංකාවේ තහනම් නොකරන්නේ මන්ද ? එසේම අන්තවාදී ඉස්ලාම් පැටවුන් බෝ කරන මඩ්රාසා පාසල් තහනම් නොකරන්නේ මන්ද ?
      වහාම අල්ජසීරා රුපවාහිනි චැනලය ශ්‍රී ලංකාවේ තහනම් කරනු

      • kamalsirikuruwita says:

        මල්ලි , මේ ඉන්න ගොන් ටෝයියෝ ඕව දන්නේ නැහැ . අල් ජසීරා කියන්නේ බොම්බේ ස්වීට් හවුස් එකේ තියෙන බිමක්ද කියල අහයි .මද්රාසා පාසල් කියන්නේ අලුත් ඉන්ට නැෂනල් ඉස්කොලයක්ද කියල අහයි . මෙලෝ දැනුමක් නැහැ. පොතක් , වැදගත් පත්තරයක් බලන්නේ නැහැ , ජාතියන්තර දේශපාලනය, සිදුවීම් , තීරණ , නීති හා ප්‍රවණතා ගැන දන්නේ නැති සෙට් එකක්නේ ඔය ටොයි අලුත් කෑගහන සෙට් එක. පේන්නැද්ද නාලිකාවල ඇවිල්ල කියන මොලේ ඇද වෙන ගොන් තර්ක හා කතා . මේ දෙමුහුන් ගැන්සිය රටට තව තවත් මොනවා කරයිද කියල දෙයියෝවත් දන්නවාද දන්නේ නැහැ

  2. silva says:

    owa dreams witharai samanalayange..chandayak thiyala balamukoo

  3. kamalsirikuruwita says:

    මෙවායින් පෙනෙන්නේ යු එන් පි හා ශ්‍රී ලංකා යනු නම් දෙකකින් අපිව රවටන, තනි ජනතා ප්‍රසාදයක් ලබා ගත නොහැකි, තනිව කෙලින් ඉන්න පන නැති , එකම පිරිසක් බව දැන් සිටම ජනතාව හොඳින් වටහා ගත යුතුයි. එම ” යු එන් ශ්‍රී ලංකා පාටිය ” ට අකමැති, එම දෙමුහුන් ක්‍රමය ප්‍රතික්ෂේප කරන සියලු ජනතාවට එකම පිහිට වන්නේ මල් පොහොට්ටුවෙන් එන
    ශ්‍රී ලංකා පොදුජන පෙරමුණ පමණක්මය .

  4. Mohammadu says:

    Medaperadigen polee nethiwa nayata ganna ekath nawathwamu.medaperadiga rassawata Yana ekath nawath wamu. Wenade balaganna puluwan.

  5. Dharshana says:

    Thipila balaya allanawa kiwwa needa
    Lejjai yakoo bada kapaa ganin
    Eeken peenne thopilata jeevitheetama balayata enna wenne nethi bawa needa

Main News