මහ ඇමති විසින් ආණ්ඩුකාර නිලූකා නොමග යවා මන්ත්‍රීවරුන් රුසියාවට යවයි..

මධ්‍යම පලාත් සභාවේ මහ ඇමති සරත් ඒකනායක පලාත් සභාවේ උග්‍ර මුල්‍යමය අර්බුදයකට මුහුණ දී ඇති අවස්ථාවක පලාත් සභාවේ මුදල් භාවිතා කරමින් පලාත් සභාව නියෝජනය කරන මන්ත්‍රීවරු 56 දෙනකු සහ නිලධාරින් 14 දෙනෙකු රුසියාවට යෑවීමට ගත් තීරණය ජනාධිපති විසින් දෙන ලද මාර්ගෝපදේශ උල්ලංඝනය කිරිමක් මෙන්ම මේ සඳහා ජනාධිපතිවරගේ ලිඛ්ත අනුමැතිය තොරව තමාද නොමග යවමින් මහ ඇමතිවරයා විසින් සිදු කරන ලද්දක් බවත්, මේ සම්බන්ධයෙන් තමා විසින් වහාම ජනාධිපතිවරයා දැනුවත් කිරීම තුලින් මෙම විදේශ සoචාරය අත්හිටුවීමට හැකි වූ බවත් මධ්‍යම පළාත් ආණ්ඩුකාර නිලූකා ඒකනායක පවසයි.

කෙසේ වෙතත් තමා විසින් මේ සම්බන්ධයෙන් ජනාධිපති දැනුවත් කොට මෙම විදේශ සoචාරය අවලංගු කරන අවස්ථාව වන විටත් මහ ඇමතිවරයා නිසි අනුමැතිය නොගෙන පලාත් සභාවේ මන්ත්‍රීවරුන් 26 දෙනෙකු රුසියාව බලා පිටත් වීමට ගුවන් තොටුපොළ වෙත යවා තිබු බැවින් ජනාධිපති එකඟතාව මත ඔහුන්ට රුසියාව බලා යෑමට ඉඩ දුන් බවත් වුවත් ඉතිරි කොටස විදේශ සoචාරය කිරිම අවලංගු කිරීමට හැකි වූ බවත් මේ සම්බන්ධයෙන් මහ ඇමතිවරයා නිසි අනුමැතියන් තොරව මෙම රුසියානු සoචාරය සoවිධානය කිරීම ගැන වහාම පරික්ෂණයක් පැවත්වීමට පලාත් සභාවේ ප්‍රධාන ලේකම්ට උපදෙස් දුන් බවත් වාර්තා වෙයි.