මහ බැංකුවේ චක්‍රලේඛණ ක්‍රියාත්මක නොකරයි.. ලීසිං ගත් අය අමාරුවේ….

August 18, 2021 at 8:02 am | lanka C news
මහ බැංකුවේ චක්‍රලේඛණ ක්‍රියාත්මක නොකරයි.. ලීසිං ගත් අය අමාරුවේ….

පාරිභෝගික අයිතීන් සුරැකීමේ ජාතික ව්‍යාපාරය විසින් නිකුත් කරන ලද මාධ්‍ය නිවේදනයක් මෙහි දැක්වෙයි.

මාධ්‍ය නිවේදනය.

මහ බැංකුව විසින් නිකුත් කරන ලද චක්‍රලේඛණ ක්‍රියාත්මක නොකිරීමෙන් ලීසිං පාරිභෝගිකයා අමාරුවේ.

කොවිඩ් වසංගතයෙන් ජනතාවට පීඩාවට පත්ව ඇති නිසා මහ බැංකුවේ මූල්‍ය පාලන අංශය විසින් ලීසිං පාරිභෝගිකයාට සහනයක් ලබා දීම සදහා මැයි මාසයේදී චක්‍රලේඛණ කිහිපයක් නිකුත් කරන ලදී. එම චක්‍රලේඛණ මගින් 2021 අගෝස්තු 31 දින දක්වා ලීසිං පාරිභෝගිකයින්ගෙන් පමා පොලී අය කිරීම හා වාහන අත්පත්කර ගැනීම නවත ලෙස හා වෙනත් සහන ලබා දීමට කටයතු කරන ලෙස දැනුම්දෙන ලදී. එහෙත් එම චක්‍රලේඛණ උල්ලංඝනය කරමින් බැංකු හා ලීසිං සමාගම් විසින් සිය පාරිභෝගිකියින්ට පමා පොලී ගෙවන ලෙස දන්වා ලිපි නිකුත් කොට ඇත. එසේ ලිපි නිකුත්කලා පමණක් නොව සමහර ලීසිං පාරිභෝගිකයින්ගේ වාහන අත්පත් කරගැනීමටද කටයුතු කර ඇත.

එහෙත් අදාල චක්‍රලේඛණ නිකුත් කරන ලද මහ බැංකුව සිය චක්‍රලේඛණ උල්ලංඝණය කල සමාගම් සදහා කිසිදු නීතිමය පියවරක් ගැනීමට කටයුතු කර නැත. එම නිසා ලීසිං පාරිභෝගිකයා අන්ත අසරණ තත්වයකට පත්ව ඇත. පාරිභෝගිකයින් අසරණව සිටිද්දී හා මහබැංකුවේ චක්‍රලේඛණ සමාගම් විසින් උල්ලංඝනය කරද්දී මහ බැංකුව නිහඩ ප්‍රතිපත්තියක් අනුගමනය කිරීම අපි දැඩි ලෙස හෙළාදකින අතර අදාල සමාගම් සදහා වහාම නීතිය ක්‍රියාත්මක කරන ලෙස අපි මහ බැංකුවෙන් ඉල්ලා සිටිමු.

මහ බැංකුවේ නිළධාරීන් නඩත්තු වන්නේ මෙරට ජනතාවගේ බදු මුදලින් වන බවද ඔවුනට උසස් අධ්‍යාපනය ලබාදීම සදහා වැය කර ඇත්තේ මෙරට ජනතාවගේ බදු මුදල් බවද මෙම අවස්ථාවේ මතක් කර සිටින අතර ඒ නිසාම මහ බැංකුවේ නිළධාරීන්ගේ ක්‍රියාකලාපය විවේචනය කිරීමට ජනතාවට අයිතියක් ඇති බවද මහ බැංකුවේ නිළධාරීන්ට ජනතාවට සහන ලබා දීම සදහා කටයුතු කිරීමට සාදාචාරාත්මක අයිතියක් ඇති බවද වැඩි දුරටත් මතක් කර සිටිමු.

රංජිත් විතානගේ
සභාපති
පාරිභෝගික අයිතීන් සුරැකීමේ ජාතික ව්‍යාපාරය

42,091 views

5 Comments to “මහ බැංකුවේ චක්‍රලේඛණ ක්‍රියාත්මක නොකරයි.. ලීසිං ගත් අය අමාරුවේ….”

  1. Citizen says:

    You wanted a system change…? Then appoint a commission to investigate business practices of these Finance Companies and how the interest payable is calculated and other various charges applied. .. True they are serving a segment not acceptable to traditional banks.. but an urgent review of their practices is needed…

  2. අධික ලාභ හොයන ලංකාවේ බැංකු වලට ඒ අයගේ ලාභ වලින් 50%ක් නය කපා හරින්න යොයොදවන්න කියමු.

  3. Sam says:

    එහෙම කාගෙවත් අයතනයක නීතියානුකූල ගනුදෙනුවකට මැදට පැනල එහෙම කියන්න මහ බැංකුවට අයිතියක් නැ. මොකෝ මහ බැංකුවද එම ආයතනවල වියදම් පියවන්නෙ..එම ආයතන / බැංකුවල ආයොජනය කරල තියෙන මින්ස්සුන්ට වග කියන්නෙ කවුද?

    මහ බැංකුවේ අය මේ දේවල් නොදන්නව නෙවෙයි..ජනාදිපතිනේ ඔහොම කරන්න කියුවෙ මේ අර්තිකය ගැන කිසිම දෙයක් නොදැන..ඕවට උත්තර එතුමාගෙන්ම අහන්න..

    අවුරුදු 70 ක් කලෙත් බල්ලගෙ වැඩෙ බූරුවා කරන එකනෙ..

  4. පාවඩදෙණිය දොස්තර says:

    බයි මල්ලිලාට මතකද මහ බැන්කුවේ උන් ගෙන්නල බැනල උන් හත වෙනකල් ලයිට් දාන් ඉදල අපේ බයි මල්ලිලා ලියපු කවි.හැබෑට තාම එහෙ ලයිට් වැඩද රෑට.

  5. Gaff says:

    any one who desires to run this country again must wayoff the accumulated morotorim interest on loans and lease facilities please

Main News