මහ බැංකු අධිපතිකමට මහේන්ද‍්‍රන් පත් කරන්න ග‍්‍රාම සේවක සහතිකයවත් බලා නෑ..

August 30, 2019 at 6:25 am | lanka C news
මහ බැංකු අධිපතිකමට මහේන්ද‍්‍රන් පත් කරන්න ග‍්‍රාම සේවක සහතිකයවත් බලා නෑ..

රටේ පවතින අයහපත් දේශපාලන සංස්කෘතිය රටට අනාගතයක් අහිමි කර ඇති බවත් ,මෙය ඉක්මනින් වෙනස් කර රටට ගැලපෙන දේශපාලන සංස්කෘතියක් නිර්මාණය කර ගැනීමට බුද්ධිමත් ජනතාව පෙරට ආ යුතු බවත් ,විපක්‍ෂ නායක පාර්ලිමේන්තු කටයුතු ලේකම් කුමාරසිරි හෙට්ටිගේ මහතා පැවසීය .

ආර්ථික ප්‍රශ්න හේතුවෙන් පොදු ජනයාට අද වන විට ජීවත් වීමට සිදු වී තිබෙන්නේ දැඩි මානසික පීඩනයකින් බව කී ඒ මහතා ,ඒ නිසාම ඔවුන් මානසික හා ශාරීරික ලෙස පිරිහී ගිය අසරණ මිනිසුන් බවට පත් වී ඇතැයි ද සඳහන් කළේය .

හෙට්ටිගේ මහතා මේ බව කීවේ ,කොටපොල – වරල්ල ප්‍රදේශවාසීන්ගේ ආරාධනයෙන් පැවැති සුහද හමුවකට සහභාගී වෙමිනි .
එහිදී ඒ මහතා මෙසේද කීය .

“ අද අප සිටින්නේ රට ම නන්නත්තාර වී ගිය කාලයක .ආරක්‍ෂාවක් කාටවත් නෑ .රටටත් එහෙමයි .ආර්ථික ප්‍රශ්න උග්‍රයි .ග්‍රාමීය ණය ගැති භාවය ඉහළ ගිහින් .ප්‍රශ්න වැලකින් ජනතාව වෙලී සිටිනවා .මහින්ද රාජපක්‍ෂ පාලන කාලයේදී සාමය සංහිඳියාව තිබුණා .ගෝඨාභය මහත්තය බැසිල් මහත්තය එදා වගකීම් බය නැතිව අර ගත් නිසා රටේ ඉදිරි ගමන ශක්තිමත් වුනා .පරයන්ට මහින්ද මහතා යටත් කර ගන්න බැරි වු නිසා එදා රටේ ස්වාධීනත්වය රැකුනා .රට ආරක්ෂා වී අනාගතයට ආලෝකය වැටුනා .මහින්ද රාජපක්‍ෂ මහත්තයට අප සදා ණය ගැති වන්නේ ඒ නිසා .එදා මිනිස්සුන්ගේ මුහුණු වල තිබුන සිනහව අද නෑ .බොහෝ දෙනාගේ දුක් බර හැඟීම් පේන්නෙ .

“යහ පාලකයන් ” මහ බැංකුවට සිංගප්පූරුවෙ මිනිහෙක් දා ගත්තා .පත්වීම දෙනකොට ග්‍රාම සේවක සහතිකයවත් බැලුව නම් ඒ පත් වීම දෙන්න බෑ .ඒ නිසා රටේ ආර්ථිකයට වූ හානිය කියන්න බෑ .ලෝකය හමුවේ අභිමානවත් ව තිබුන රට අද අන්ත අසරණ වෙලා .

“යහ පාලකයන් ” බලය අරන් රටට කර ඇත්තේ මොනවද ? .විකාර රූපී පණ්ඩිතයන් ,හොරුන් ,රාජ්‍ය දේපල කොල්ල කන්නන් නායකයන් වට කර ගත්ත .බුද්ධිමත් අය නැති වුණා .රට අරාජික වුණා .

රට කරවන්න ඕන උගත් බුද්ධිමත් ප්‍රායෝගික පිරිසක් .මේ ගැන කියන කොට පැරණි කතාවක් මතක් වෙනවා .

ඉන්දියාවේ ප්‍රාන්තයක එදා හිටිය විද්‍යා ධරයන් තුන් දෙනෙක් හා එවැනි උගත් කමක් නැති එහෙත් බුද්ධිමත් තවත් කෙනෙක් .මහා දැනුමක් ඇති මේ විද්‍යා ධරයන් තීරණය කළා වෙනත් දේශයකට ගිහින් රාජ්‍ය සේවයට එක් වී හොඳ වැටුපක් ගන්න .විද්‍යා ධරයෙක් නොවන නිසා මේ ගමනට බුද්ධිමතා එක් කර ගන්න පළමු විද්‍යා ධරයා අකමැති වුනා .” අපිත් එක්ක මෙතෙක් කල් හිටපු කෙනෙක් හැර දා යාම හොඳ නෑ ” කියා අනෙක් විද්‍යා ධරයන් දෙන්න ගේ මතය වූ නිසා හතර දෙනාම ගමන යන්න තීරණය කළා .

අතර මග රුක් සෙවනක් යට මේ හතර දෙනා ගිමන් හරින්න නතර වුනා .එතැන ඇට වර්ග ගොඩක් විසිරී තිබෙනු දැක ඒවා සිංහයකුගේ බවට විද්‍යා ධරයන් තිදෙනා සිය දැනුම අනුව තීරණය කළා .මේවා එක් කර පණ ඇති සිංහයෙක් හදන්න පුලුවන් කියල ඇට ගොඩ එකතු කළා .ඒ අනුව සිංහයෙක් නිර්මාණය වුනා .ඉතිරිව තිබුනේ ඌට ප්‍රාණය දෙන්න ජීව වායුව පිඹීම පමණි .
ඒ මොහොතේ ම බුද්ධිමතා අනතුර දැක ” අනේ ඔය වැඩේ නම් කරන්න එපා .ඌට පණ ආපු ගමන් අපිව විනාශ කරල දමාවි .” කියා කීප වරක් කීවත් විද්‍යා ධරයන් ඇහුවෙ නෑ .” කියන දේ අහන්නේ නැත්නම් ඔය ජීව වායුව පිඹින්න මං මේ රුක් ගහ මුදුනට ගියාට පස්සෙ ” කියමින් බුද්ධිමතා රුක් ගහේ මුදුනට නැග සිදු වන්නට යන විපැත්තිය බලා සිටියා .තුන් වැනි විද්‍යා ධරයා පිඹින ලද ජීව වායුවෙන් පණ ලැබුණු සිංහයා නැගිට විද්‍යා ධරයන් තිදෙනාම විනාශ කර යන්න ගියා .බුද්ධිමතා රුක්‌ ගස මුදුනේ සිට මේ වේදනාකාරී සිද්ධිය බලා සිටියා .

දැක්මක් නැති ප්‍රයෝගිකව හිතන්න බැරි පිරිසකට රටේ පාලනය බාර වූ විට සිදු වන්නේ විනාශයක් .අද අප රටට ඒ දේ සිදුවෙලා .මෙයින් ගොඩ එන්න ඕනෑ .මහින්ද මහත්තයගේ නායකත්වයෙන් යුත් කඳවුරෙන් ජනාධිපතිවරණයට ගෝඨාභය මහතා ඉදිරිපත් වීම රටට සුබ ලකුණක් .අප මිය යා යුත්තේ රටට ණය නැති අය හැටියට .මානව හිතවාදීන්ගෙන් පිරී ගිය දේශපාලන බිමක් සකස් කර ගන්න ඕනෑ .එහි පරම වගකීම පැවරෙන්නේ ජනතාවට යැයි ද හෙට්ටිගේ මහතා පැවසීය .

– Khmeedia

36 views

6 Comments to “මහ බැංකු අධිපතිකමට මහේන්ද‍්‍රන් පත් කරන්න ග‍්‍රාම සේවක සහතිකයවත් බලා නෑ..”

  1. අංකූරා says:

    අපේ පැතුමද එයයි !, පළමුව ද දෙවනුව ද තෙවනුව ද රටමය !!.

  2. Sun says:

    That was well planned and still the people who involved are surviving without any problem as the law is under the hands of politicians. This is the problem is developing countries in the world. Politicians think that they are the fellows designed the law and they manipulate it according to their need. It is like holding the key to the bank. What has happened in the central bank looting is similar to that. All the politicians are corrupted and doing such things as they want to make easy money.It is happening round the world in developing countries in Africa and Asia.

  3. Tumpanaya says:

    Rana awath. Kapothi
    Saji awath. Kapothi
    Rana awath saji awath
    kapothi bola kapothi

  4. Gayantha says:

    ඒකා අමු හොරෙක්. රවී සහ රනිල් හොරු යුගලය වහා අතඅඩන්ගුවට ගන්න ඔන

Main News