මුදල් මණ්ඩල ලේකම් ඉවත් කිරීම ගැන වැහි නැති හෙණ වදින ගජබින්න කියනවා…

September 23, 2021 at 8:40 am | lanka C news
මුදල් මණ්ඩල ලේකම් ඉවත් කිරීම ගැන වැහි නැති හෙණ වදින ගජබින්න කියනවා…

සමගි ජන බලවේග පාර්ලිමේන්තු මන්ත‍්‍රීනී රෝහිනී කවිරත්න මහත්මිය විසින් නිකුත් කරන ලද නිවේදනයක් මෙහි දැක්වෙයි.

මුල්‍ය මණ්ඩල ලේකම් කේ.එම්.ඒ.එන්. දවුලගල මහත්මිය ඉවත් පිළිබඳ මා විසින් ඉදිරිපත් කර චෝදනා සම්බන්ධයෙන් මහ බැංකුව අප්‍රභංශ පුවත්පත් නිවේදනයක් නිකුත් කර ඇත. එම නිවේදනය කරුණු වසන්කර, අසත්‍ය මතු කර ඇත. ලංකාවේ වැඩිම වැටුප් ලබන වෘත්තීය භාවයෙන් ඉහළ යැයි තමන් හදුණාගන්නා මහ බැංකුව අසත්‍ය ජනගත කිරීම මහ බැංකුවේ වත්මන් ව්‍යවහාරයයි.

මහ බැංකු ඉතිහාසයේ කිසිදු අවස්ථාවක මුල්‍ය ලේකම් ධූරයේ කටයුතු කළ අයෙකු පුවත්පත් නිවේදනයෙන් පවසන පරිදි කාලයෙන් කාලයට වෙනස්කර/මාරු කර නැත. එය සාමාන්‍ය ගැමි ව්‍යවහාරයෙන් පවසන ‘වැසි නැති හෙන ගහන ගජබින්නය‘ කි. මහ බැංකුව පුවත්පත් නිවේදන මගින් ගජබින්න පැතිරවීම නින්දාසහගතය.

අර්ජුන මහේන්ද්‍රන් බැඳුම්කර වංචාවට අවශ්‍ය ලෙස මුදල් මණ්ඩල ලේකම් මාරු කිරීමෙන් පසුව පිළිගත් ක්‍රමවේදයෙන් පිට මුදල් මණ්ඩල ලේකම් මාරුකර ඇත්තේ පළමු වතාවට ය.

මහ බැංකු පුවත්පත් නිවේදනය වසන් කරන සත්‍යය මෙසේය.

මුදල් මණ්ඩල ලේකම් ධූරයට පත් කරනු ලබන්නේ මහ බැංකුවේ ජ්‍යෙෂ්ඨ සහකාර අධිපතිවරයා ය. වැඩිම කලක් දෙපාර්තමේන්තු ප්‍රධානීයා ලෙස කටයුතු කළ පුද්ගලයාය. ඔවුන් සහකාර අධිපති තනතුරින් නියෝජ්‍ය අධිපතිවරුන් ලෙස උසස්වීම් ලැබූ පසුව මුදල් මණ්ඩලයට නව ලේකම්වරයෙකු පත්වේ.

සී.ජේ.පී.සිරිවර්ධන වෙනුවට සහකාර අධිපති එච්.ඒ.කරුණාරත්න මුදල් මණ්ඩල ලේකම් වූවේ සිරිවර්ධන නියෝජ්‍ය අධිපති ලෙස පත් වූ පසුවය.

2016 ජූලි කේ.ඩී.රණසිංහ වෙනුවට එච්.ඒ.කරුණාරත්න පත්වූවේ රණසිංහ මහතා උසස්වීම ලැබූ පසුව පමණය.

එච්.ඒ.කරුණාරත්න වෙනුවට දවුලගල පත්වූවේ ඇය එවකට සිටි ජ්‍යෙෂ්ඨතම සහකාර අධිපතිනිය වූ නිසාය.

දවුලගල ඉවත්කර ජේ.පී.ආර්.කරුණාරත්න සහකාර අධිපති පත් කර ඇත්තේ ඔහුට විරුද්ධව ‘‘ Corporate Management Committee සමාජිකයෙකු ලෙස සිට සංවේදී තොරතුරු තුන්වන පාර්ශවයකට ලබාදීම පිළිබඳ විනය පරීක්ෂණයක්‘‘ පැවැත්වෙමින් පවතින අතරය.

මහ බැංකු ගජබින්න පුවත්පත් නිවේදනයේ සඳහන් නොවන නමුත්, මුල්‍ය මණ්ඩල ලේකම් මනික් නාගහවත්ත වෙනුවට ක්‍රිෂාන්ති අබේනායක මහත්මිය පත් වූවේ, ඔහු නියෝජ්‍ය අධිපති ලෙස උස්සවීම් ලැබීමෙන් පසුවය. ක්‍රීෂාන්ති අබේනායක මහත්මිය විශ්‍රාම ලබන තුරු (අවු. 60) එම තනතුර දැරූ අතර, ඉන් පසු ධීරසිංහ මහතා එම තනතුරට පත් විය. ධීරසිංහ මහතාගෙන් පසුව රෝස් කුරේ මුදල් මණ්ඩල ලේකම් වූවේ, ධීරසිංහ නියෝජ්‍ය අධිපති වූ නිසාය. රෝස් කුරේ උසස්වීම් ලැබූ පසුව අනුප්‍රාත්තිකයා වූයේ ප්‍රියන්ත ප්‍රනාන්දු ය. ඔහු උසස්වීම් ලැබූ පසුව සමරසිරි මහතා ලේකම් ධූරයට පත් විය. ඔහු නියෝජ්‍ය අධිපති ලෙස පත් වූ පසුව එච්.ඒ.කරුණාරත්න මුදල් මණ්ඩල ලේකම් විය.

බැඳුම්කර වංචාවේ මහ මොළය වූ අර්ජුන මහේන්ද්‍රන්, අද කබ්රාල් සිදු කරන ලෙසම එච්.ඒ.කරුණාරත්න මුදල් මණ්ඩල ලේකම් ධූරයෙන් ඉවත් කළා පමණක් නොව, නියෝජ්‍ය ලේකම් දවුලගල මහත්මිය ද මුදල් මණ්ඩලයේ නියෝජ්‍ය ලේකම් තනතුරෙන් ඉවත් කළේය. මහ බැංකුව කඩා, දෙවවරක් ම බැදුම්කර වංචාව සිදු කරන්නට අවස්ථාව අවස්ථාව සලසා ගැනීම එහි අරමුණ විය.

මහ බැංකු ඉතිහාසයේ ජ්‍යෙෂ්ඨතම සහකාර අධිපතිවරයාට පිටින් මුදල් මණ්ඩල ලේකම් ධූරයට අර්ජුන මහේන්ද්‍රන් පත්වීම් කළේ බැඳුම්කර වංචාව සිදු කිරීමට ය. දැන්, දවුලගල ඉවත්කර විනය පරීක්ෂණයකට මුහුණ දී සිටින එච්.ඒ.කරුණාරත්න ලේකම් තනතුරට පත් කර ඇත්තේ තවත් වරක් මහ බැංකු මංකොල්ලයක සැලසුමක් ලෙස විය හැකිය.

මහ බැංකුව දවුලගල ඉවත් කිරීම පිළිබඳ මාගේ ප්‍රකාශයේ ලැජ්ජාව මකා ගැනීමට, පුවත් පත් නිවේදනයක් නිකුත් කරමින් සියක් කඩතොළු සාදාගෙන ඇත.

– media unit

22,936 views

6 Comments to “මුදල් මණ්ඩල ලේකම් ඉවත් කිරීම ගැන වැහි නැති හෙණ වදින ගජබින්න කියනවා…”

  1. 3% ට බය බයියා. says:

    මුදල් කතා කරන කොට සත්‍ය නිහඬ වෙනවා .

  2. මැදමුලනෙ මුත්තා says:

    කබිරාල්ට ඔනැ එවුන් පත්නොකර කොහොමෙයි ගේම ගහන්නෙ?. මහ බැංකුවෙ සේවකයිනි, බොලා පරිස්සමෙන් වැඩ ⁣⁣කොරපොල්ලා, නැත්නමි වැලිකඩ කල්දේරං බතේ රස බලන්න වෙයි. හැක්….හැක්….හැක්….

    • චන්ඩි කොල්ලා says:

      ඈ බං මුත්තේ රනිල් ලොක්කා අර්ජුන් මහේන්ද්‍රන් එක්ක එකතු වෙලා මහ බැංකුවට වැඩේ දෙනකොට උඹ වැසිකිලියේ තටම තටමද හිටිය? තාම හරියට බොග දාගන්න බැරිවෙලා වගේ!

  3. ගෞම් ඊයාරාජ් says:

    අර උදවිය කරගත්තේ තමන්ට වැටුනු නඩු ටික අහක්කරගන්න එකනේ , කබ්‍රාල් කරන්නේ ඒ ටික ,,හැබැයි හැමදාම එකම බොරුව කරන්න බෑ . බලමු කබ්‍රාල් ට එරෙහිව උසාවියේ දාපු නඩුවට මොනා වෙයිද කියලා.

  4. Sena says:

    මුදල් මංණ්ඩල්‍අයේ ලේකම් කම ජ්‍යෙෂ්ඨ නිලධාරීයකුට දිය යුතු බවට නීතියක් නැත.අධිපති ගේ කැමත්ත මත කෙරෙන පත් කිරීමක් පමණි .හරියට කැබිනට් ලේකම් වගේ.

  5. Janka says:

    අනෙ බොල ගානියෙ .තොපි එකතුවෙලා මහබන්කුව කොල්ල කද්දි උම්බල හිටියෙ නිදාගෙනද?