මාගේ මේ වෑයම ශ්‍රේෂ්ඨාධිකරණයේ ඒකාධිපතිබව අහෝසි කිරීමටයි- අගමැති රනිල්

September 21, 2016 at 10:40 am | lanka C news
මාගේ මේ වෑයම ශ්‍රේෂ්ඨාධිකරණයේ ඒකාධිපතිබව අහෝසි කිරීමටයි- අගමැති රනිල්

2016 ජුලි 07 වැනි දින අගමැති රනිල් වික්‍ර‍මසිංහ මහතා මෙසේ ප්‍ර‍කාශ කලේ පාර්ලිමේන්තු මන්ත්‍රී එම්. එච්. එම්. සල්මාන් මහතා නැගූ ප්‍ර‍ශ්නයකට පිලිතුරු දෙමිනි. සල්මාන් මන්ත්‍රීවරයාගේ ප්‍ර‍ශ්නයවූයේ සිවිල් සහ දේශපාලන අයිතිවාසිකම් පිලිබද අන්තර්ජාතික සම්මුතියට අප අත්සන තබා තිබියදී එය ක්‍රියාත්මක නොවන්නේ මන්ද යන්නයි. එහිදී අගමැතිවරයා ප්‍ර‍කාශ කළේ ශ්‍රේෂ්ඨාධිකරණය විසින් ලබා දී ඇති සිංහරාසා නඩු තීන්දුව හේතුවෙන් එය ක්‍රියාත්මක කළ නොහැකිව ඇති බවත් පසුගිය අවාසානවන්ත දේශපාලන කාලපරිච්ඡේදයේදී ‍ ශ්‍රේෂ්ඨාධිකරණය විසින් පාර්ලිමේන්තුවේ බලය අභබවමින් ක්‍රියාකර ඇති බවත් ය.

ඒ අනුව So, I am trying to do is to make away the Supreme Court acting as a dictator and bring it into Parliament. යනුවෙන් පැවසූ අගමැතිවරයා ජනාධිපතිවරයා ඇතුළු විධායකය ද පාර්ලිමේන්තුවේ බලයට යටත් බවද ප්‍ර‍කාශ කලේය.

ත්‍ර‍ස්තවාදය වැළැක්වීමේ පණත යටතේ වැරදිකරුවෙකු වූ සිංහරාසා මෙරට ශ්‍රේෂ්ඨාධිකරණය විසින් තමාට එරෙහිව ලබාදුන් තීන්දුවට එරෙහිව සිවිල් සහ දේශපාලන අයිතිවාසිකම් පිලිබද අන්තර්ජාතික සම්මුතිය යටතේ අන්තර්ජාතික මානව හිමිකම් කවුන්සිලට වෙත අභියාචනා කරන  ලදුව එම කවුන්සිලය විසින් ලංකාවේ ශ්‍රේෂ්ඨාධිකරණය ලබාදුන තීන්දුව බලරහිත කරන ලෙසට නියෝග කලේය. නමුත් ශ්‍රේෂ්ඨාධිකරණය තීරණය කලේ කිසිදු විදේශ අධිකරණයකට මෙරට ශ්‍රේෂ්ඨාධිකරණය අභිබවා තීන්දු ලබාදිය නොහැකි බැවින් එම නියෝගය නොසලකා හරින බවයි. අගමැති වික්‍ර‍මසිංහ මහතා උත්සාහ කරනුයේ ශ්‍රේෂ්ඨාධිකරණය සතු එම බලය අහෝසිකිරීමට වන අතර ශ්‍රී ලංකා නීතීඥ සංගමය ද මේ වෙනුවෙන් සහය දක්වන බව පසුගියදා සන්ඩේ ටයිම්ස් පුවත්පත අනාවරණය කළේය.

– එස්. රිවාරේස්

001 002 003

62 views
Main News