මාධ්‍ය හිතුවේ වොක්ස්වැගන් කියලා.. අපි විවෘත කලේ වෙන එකක්.. – රාජිත
January 7, 2017 at 8:40 am | lanka C news
හම්බන්තොට වරාය සංවර්ධනය කිරීම පිළිබදව මූලික ගිවිසුමක් අද (07) පෙරවරුවෙි අත්සන් කරන බව සෞඛ්‍ය, පෝෂණ හා දේශීය වෛද්‍ය අමාත්‍ය සහ රජයේ සම කැබිනට් මාධ්‍ය ප්‍රකාශක දොස්තර රාජිත සේනාරත්න මහතා පවසයි.
සම්පුර්ණ ගිවිසුම සකස් කිරීමෙන් පසු අමාත්‍ය මණ්ඩලයේ සහ පාර්ලිමෙින්තුවෙි අනුමැතිය ලබාගැනීමෙන් අනතුරුව අත්සන් කරන බව සෞඛ්‍ය අමාත්‍යවරයා අවධාරණය කර සිටිී. බෙිරුවල ප්‍රාදේශීය ලේකම් කොට්ඨාසයේ ධීවර සංගම්වල දරුවන්ට පාසල් උපකරණ ඛෙදාදීම වෙනුවෙන් ඊයේ බෙිරුවල ප්‍රාදේශිය ලේකම් කාර්යාලයේ පැවැති උත්සවයකින් පසු මාධ්‍යට අදහස් දක්වමින් සෞඛ්‍ය අමාත්‍යවරයා මෙි බව ප්‍රකාශ කළේය.
මෙහිදී වැඩිදුරටත් අදහස් දැක්වූ සෞඛ්‍ය අමාත්‍යවරයා –
“යහපාලන රජය ඔීනෑම ගිවිසුමක් අත්සන් කරන්නේ අමාත්‍ය මණ්ඩලයේ සහ පාර්ලිමෙින්තුවෙි අනුමැතිය ලබාගැනීමෙන් පසුවයි. අපි හිතුන හිතුන විදිහට ගිවිසුම් අත්සන් කරන්නේ නැහැ. හම්බන්තොට වරාය සංවර්ධනය කිරීම සදහා අද (07) පෙරවරුවෙි පවත්වන උත්සවයට විරුද්ධව ඒකාබද්ධ විපක්ෂය විරෝධතා පැවැත්වීමට සුදානම් වෙනවා. ලංකාවෙි මොන සංවර්ධන ව්‍යාපෘතිය ආරම්භ කිරිමට කටයුතු කළත් විරෝධතා පැවැත් වුනා. නොරොචිචෝලේ, ගල්ඔය, කණ්ඩලම වැනි සංවර්ධන ව්‍යාපෘති ආරම්භ කිරීමෙි දීත් විරෝධතා පැවැත්වුනා. එම විරෝධතා දේශපාලන පක්ෂවලින් ක්‍රීයාත්මක කරන ඒවා.
යහපාලන රජය එකාබද්ධ විපක්ෂය පවත්වන විරෝධතාවයට බය වෙන්නේ නැහැ. හෙට දින සංඝ ආඥාවක් නිකුත් කරනවා කියලා මහා සංඝරත්නය ප්‍රකාශ කර නැහැ. එය ප්‍රකාශ කරන්නේ ඩලස් අලහප්පෙරුම හිටපු අමාත්‍යවරයා විසින් ඒ මොකද රාජපක්ෂ පාලන සමයේ සිදු වූ දුෂණ වංචා සහ මනුෂ්‍ය ඝාතන තොරතුරු එළිවෙමින් පවතින නිසයි. හෙට පවත්වන විරෝධතාවය සාමාන්‍ය එකක්. මෙහිදී මාධ්‍යෙවිදීන් නැගූ ප්‍රශ්නයකට පිළිතුරු දෙමින් සෞඛ්‍ය අමාත්‍යවරයා අවධාරණය කර සිටියේ හිටපු ජනාධිපතිවරයා ආණ්ඩුව පෙරළන බවට කරන ප්‍රකාශය 2018 වසරේ දීත් ප්‍රකාශ කිරීමට සිදුවන බවයි. මෙම රජය පෙරළා දැමීමට කිසිවෙකුට නොහැකි බව සෞඛ්‍ය අමාත්‍යවරයා අවධාරණය කර සිටියේය. මාධ්‍යෙවිදීන් නැගු තවත් ප්‍රශ්නයකට පිළිතුරු ලබාදෙමින් සෞඛ්‍ය අමාත්‍යවරයා සදහන් කළේ කුලියාපිටිය ප්‍රදේශයේ වොස්වැගන් කර්මාන්ත ශාලාවක් පිහිටුවන බවට පළමුව ප්‍රකාශ කර තිබු බවයි. නමුත් එම සමාගෙමි නිෂ්පාදනවල ගැටළුවක් හේතුවෙන් පෙරේදා දින කුලියාපිටියේ ආරම්භ කළේ යුරෝපා රටවලට මෝටර් රථ අපනයනය කිරීම සදහා වූ කර්මාන්ත ශාලාවක්. නමුත් මාධ්‍ය සිතුවා වොස්වැගන් කර්මාන්ත ශාලාවක් ස්ථාපිත කරන බව” යැයි සෞඛ්‍ය අමාත්‍යවරයා වැඩිදුරටත් ප්‍රකාශ කළේය.
– නිපුන් ඒකනායක
