මා පත් කලේ සහල්, පරිප්පු මිල බලන්න නම් මගෙන් වැඩක් නෑ..- ජනාධිපති

October 23, 2021 at 2:10 pm | lanka C news
මා පත් කලේ සහල්, පරිප්පු මිල බලන්න නම් මගෙන් වැඩක් නෑ..- ජනාධිපති

තමන් ජනාධිපතිවරයා ලෙස පත් කරගන්නා ලද්දේ සහල් හා පරිප්පු මිල බැලීමට නම් තමන් ගෙන් වැඩක් නැතැයි ජනාධිපති ගෝඨාභය රාජපක්ෂ මහතා සඳහන් කරයි.

ඒ මහතා මේ බව පැවසුවේ කාබනික පොහොර මගින් ගොවිතැන් කරන වගාවක් නිරීක්‍ෂණය සදහා කුලියාපිටිය උඩුබද්දාව ප්‍රදේශයට ගිය අවස්ථාවේදීය.

“මම ප්‍රමුඛත්වය දුන්නේ ගොවීන්ට – ඒ තැබූ විශ්වාසය කඩ කරන්නේ නැහැ, ගොවි ජනතාව හොඳ නරක විමසා තීරණ ගන්න – මිනිස්සු අවුස්සන දේශපාලනයට හසුවන්න එපා – අනාගත පරපුර වෙනුවෙන් පෙළ ගැහෙන්න”යැයි ජනාධිපති ගෝඨාභය රාජපක්ෂ මැතිතුමා ගොවි ජනතාවගෙන් ඉල්ලා සිටී.

උඩුබද්දාව, බුන්නැහැපොළ කාබනික පොහොර සැකසුම් මධ්‍යස්ථානය හා කාබනික වගා බිම නිරීක්ෂණයට
අද (23) පෙරවරුවේ එක්වෙමින් ජනාධිපතිතුමා මේ බව පැවසීය.

පොහොර සැකසුම් මධ්‍යස්ථානයට පැමිණි ජනාධිපතිතුමා කාබනික පොහොර නිෂ්පාදනය කරන ආකාරය නිරීක්ෂණය කළ අතර නිෂ්පාදනවල ගුණාත්මකභාවය පවත්වා ගැනීමට යොදාගන්නා තාක්ෂණික ක්‍රම පිළිබඳ සොයා බැලීය. අනතුරුව වගා බිම් වෙත පැමිණි ජනාධිපතිතුමා එහි වගා කොට තිබූ එළවළු සහ අනෙකුත් වගාවන් පිළිබඳ නිරීක්ෂණය කළේය. කාබනික පොහොර යොදා පස සකස් කරන ආකාරය ද දැක බලා ගනු ලැබීය.

ගැඩවිල් පණුවන් යොදාගනිමින් කොම්පෝස්ට් පොහොර නිෂ්පාදනය කරන මෙම සැකසුම් මධ්‍යස්ථානය මගින් මාසිකව පොහොර ටොන් 12ක් පමණ නිෂ්පාදනය කෙරේ. අක්කර 13ක පමණ වූ පොල් ඉඩමක ගස්ලබු, කෙසෙල්, පැෂන් වැනි පළතුරු ද ගෝවා, බීට්රූට්, බටානා වැනි එළවළු ද කහ වගාවක් සහ ආදර්ශ වී වගාවක් ද කාබනික පොහොර යොදා ගනිමින් සිදු කරයි.

තමාගේ අපේක්ෂාව ගොවි ජනතාවගේ ජීවන තත්ත්වය උසස් කිරීමය. දේශපාලන නායකයන් නොගන්නා අසීරු තීරණ ඒ වෙනුවෙන් ගැනීමට සූදානම් ය. එදා යුද්ධයට අත ගහන්න එපා යැයි බොහෝ දෙනා ඉල්ලා සිටි නමුත් 30 වසරක යුද්ධය අවසන් කළාක් මෙන් කුමන බාධාක හමුවේ වුවත් හරිත කෘෂිකර්මාන්තය ජය ගන්නා බව ජනාධිපතිතුමා පැවසීය.

තමාට අවශ්‍ය ඡන්දය නොව ජනතාවට නිවැරදි දේ කිරීම බවත් නිවැරදි දේ වෙනුවෙන් නොබියව තීරණ ගනිමින් ජනතා අවශ්‍යතා දිහා පමණක් බැලීමට සූදානම් බවත් ජනාධිපතිතුමා සඳහන් කළේය.

ලෝකයේ රසායනික පොහොර නිෂ්පාදන සමාගම් විවිධ බලවේග උසි ගන්වමින් බාධා කළත් ඒ කිසිවකට තමන් බිය නොවන බව ද පැවසූ ජනාධිපතිතුමා ජනතාව තමන් නායකයා ලෙස තෝරා පත් කරගත්තේ නිවැරදි තීන්දු තීරණ ගැනීමට බව ද පවසනු ලැබීය.

කාබනික වගාවන් හි නියැලෙන ව්‍යවසායකයන් දිරි ගැන්වීම වෙනුවෙන් ජනාධිපතිතුමා මෙම සංචාරයට එක්විය.

අනතුරුව උඩුබද්දාව ප්‍රාදේශීය සභාව භූමියේ ඇති කසළ ප්‍රතිචක්‍රීයකරණ මධ්‍යස්ථානය ද ජනාධිපතිතුමා නිරීක්ෂණය කළේය.

අමාත්‍යවරුන් වන ජෝන්ස්ටන් ප්‍රනාන්දු, මහින්දානන්ද අලුත්ගමගේ සහ පාර්ලිමේන්තු මන්ත්‍රී ගුණපාල රත්නසේකර, යූ.කේ. සුමිත්, සමන්ප්‍රිය හේරත්, වයඹ පළාත් හිටපු ප්‍රධාන අමාත්‍ය අතුල විජේසිංහ, උඩුබද්දාව ප්‍රාදේශීය සභා සභාපති රාජ් සිසිර කුමාර සහ බිංගිරිය ප්‍රාදේශීය සභා සභාපති දිමුත් තුෂාර යන මහත්වරු මෙම අවස්ථාවට එක්ව සිටියහ.

– ජනාධිපති මාධ්‍ය අංශය)

54,631 views

43 Comments to “මා පත් කලේ සහල්, පරිප්පු මිල බලන්න නම් මගෙන් වැඩක් නෑ..- ජනාධිපති”

  1. සිංහල බන්ඩා says:

    තමා පොරොන්දු උන ප්‍රතිපත්ති ක්‍රියාත්මක වෙනවාදැය් බලන්න. Thats your job.

  2. ග්‍රාමසේවකලා, PHI ලා කොච්චර වැඩ කරනවද ? එයාලට වත් තමන්ගෙ වැඩේ හරියට කරන්න දෙන්නෙ නැතුව හැම මගුලටම army එක දාගෙන වැඩ සේරම අනන මූ මොනවද කරන්නෙ? හරියට කඩිගුලක් උඩ හිටගෙන බොරුවට කෑගගහ දගලන පොඩි එකෙක් වගේ නිකන් උඩපනින එක විතරයි මූ කරන්නෙ.

    • D dhanayaka says:

      Wada gath wedeyata katha karanna eganaganin tho dr kayala dagena deke koleta watenna epa koi pakse unath rate nayakekuta katha karanna wedeyak theyenawa

      • rj says:

        කඩේ ගියාට කමක් නෑ රදි ඇදගෙන පල බූරුවා.

    • බන්ඩා says:

      රාජ්‍ය සේවකයාගේ අකාරයක්ෂම වැඩ කල්දමන එක තමය් මේ රටේ ප්‍රශ්ණය

  3. දීපු පොරොන්දු සියල්ල පව්ලේ කෑදරකමට යටයි නේද,....? says:

    මේකව පත්කලේ ඔය කොවිඩි වසංගතේ ගැන බලන්නයි, වැක්සීන් කොරකොර ඉන්නද…?

    මේකට උවමනා මේකට දැනෙන පවුලේ වරිගයාට හොදට දැනෙන, රටට නොදැනෙන වැඩ කරන්නෙ මොන ඉලව්වකට කියලද මේකගේ හිතේ,.?.

    දීපු පොරොන්දු සියල්ල පව්ලේ කෑදරකමට යටයි නේද,….?

  4. saman says:

    හාල් කඩේකට පැනලා කරපු පිස්සුව අමතකද??? කාවද රවට්ටන්නේ??? වැඩ බැරි එකාට පොලොව ඇදයි “”””

  5. 69 MIN BAIYOO says:

    ඔයාට මොනවද පුලුවන් උනේ කියන්නකෝ.

    ඔයාව පත්කලේ හාල් පරිප්පු බලන්න නෙවෙයි. ඒත් හාල් පරිප්පු බලන්නවත් සුදුස්සෙක් නෙවෙයි කියල දැන් මුලු ලෝකෙම දන්නවා කියල අමතක කරන්න එපා.

Main News