මැතිවරණය පැවැත්විය හැකියි.. සෞඛ්‍ය අධ්‍යක්‍ෂ ජනරාල් කියයි.. ශ්‍රේෂ්ඨාධිකරණයටත් දන්වයි..

May 22, 2020 at 1:20 pm | lanka C news
මැතිවරණය පැවැත්විය හැකියි.. සෞඛ්‍ය අධ්‍යක්‍ෂ ජනරාල් කියයි.. ශ්‍රේෂ්ඨාධිකරණයටත් දන්වයි..

රටේ පවතින වත්මන් තත්ත්වය හමුවේ මැතිවරණ ක්‍රියාදාමය ආරම්භ කළ හැකි බවට සෞඛ්‍ය සේවා අධ්‍යක්ෂ ජනරාල් අනිල් ජාසිංහ මහතා විසින් තම සේවාදායක ජනාධිපති ලේකම්වරයාට දැනුම් දී තිබෙන බව ජනාධිපති නීතීඥ රොමේෂ් ද සිල්වා මහතා අද (22) ශ්‍රේෂ්ඨාධිකරණ පංච පුද්ගල විනිසුරු මඩුල්ල හමුවේ කරුණ දක්වමින් කියා සිටියේය.

ජුනි මස 20 වන දා පාර්ලිමේන්තු මැතිවරණය පැවැත්වීම සඳහා නිකුත් කර තිබෙන ගැසට් නිවේදනය සහ ජනාධිපතිවරයා විසින් පාර්ලිමේන්තුව විසුරුවා හරිමින් නිකුත් කර තිබෙන ගැසට් නිවේදනය අභියෝගයට ලක්කරමින් ගොනු කර තිබෙන මූලික අයිතිවාසිකම් පෙත්සම් සලකා බැලීම අද(22) පස් වන වන දිනටත් ශ්‍රේෂ්ඨාධිකරණ හමුවේ සලකා බැලූ අවස්ථාවේදී ජනාධිපති නීතීඥවරයා මේ බව කීය

අගවිනිසුරු ජයන්ත ජයසූරිය,බුවනෙක අලුවිහාරේ, සිසිර ද ආබෘ, ප්‍රියන්ත ජයවර්ධන සහ විජිත් මළල්ගොඩ යන මහත්වරුන් ගෙන් සමන්විත විනිසුරු මඩුල්ල හමුවේ පෙත්සම් සලකා බැලෙමින් පවතී.

එසේ තිබියදී මැතිවරණ කොමිසම එම මැතිවරණ ක්‍රියා පටිපාටිය ආරම්භ කිරිම ප්‍රමාද කර සිටින්නේ ඇයිද යන්න ගැටළු සහගත කරුණක් යැයිද ජනාධිපති නීතීඥ රොමේෂ් ද සිල්වා මහතා වැඩිදුරටත් අධිකරණය හමුවේ සඳහන් කර සිටියේය.

අදාළ පෙත්සම් වල වගඋත්තරකරුවකු ලෙස නම් කර සිටින ජනාධිපති ලේකම් පී බී ජයසුන්දර මහතා වෙනුවෙන් ජනාධිපති නීතිඥ රොමේෂ් ද සිල්වා මහතා අද (22) වැඩිදුරටත් කරුණු දැක්වීම මේ බව කීය.

හෙතෙම වැඩිදුරටත් අධිකරණයේ කියා සිටියේ කොවිඩ් වසංගතය හේතුවෙන් ආදායම් අහිමි වූ ජනතාවට රුපියල් 5000ක දීමනාවක් ප්‍රදානය කිරීමේ රජයේ වැඩපිළිවෙළ ගැන මැතිවරණ කොමිසම විසින් නිවේදනයක් නිකුත් කර ඇති බවත්, එම නිවේදනයෙන් රුපියල් 5000 දීමනාව ප්‍රදානය කිරීමේ ක්‍රියාවලියේදී දේශපාලනය ඉවත් විය යුතු බවට එම කොමිසම කියා ඇති බවය.

රජය රුපියල් පන්දහසේ දීමනාව ප්‍රදානය කරනු ලබන්නේ දේශපාලන අවශ්‍යතාවක් නිසා නොවන බවත් කෝවිඩ් වසංගතය හේතුවෙන් ආදායම් අහිමි වූ ජනතාවට මේ ආකාරයෙන් සහන ප්‍රදානය කිරීම ලංකාවේ පමණක් නොව ලොව පුරා සිදු වෙමින් පවතින බවද ජනාධිපති නීතීඥ රොමේෂ් ද සිල්වා මහතා කීය .

– lankadeepa

360 views

67 Comments to “මැතිවරණය පැවැත්විය හැකියි.. සෞඛ්‍ය අධ්‍යක්‍ෂ ජනරාල් කියයි.. ශ්‍රේෂ්ඨාධිකරණයටත් දන්වයි..”

  1. Bnv says:

    Now he become a muffet of slpp. He is losing his reputation amongst public. Do not know he has given a promise to next health minister post ???? Do not fool. That’s what they did to padeniya….

  2. Prasanna says:

    අනිවාර්යයෙන් 20 june 2020 ඡන්දය තිබිය යුතුයි …………….ජනතාව iඉල්ලා සිටින්නේ ………..යකෝ carfew දන්නේ මේකෙන් තවත් aආරක්ෂ වෙන්න .

  3. Saradiel says:

    රනිල් සජිත් අනුරට හොද කනේ පහරක් පොහොට්ටුවට ජය

  4. අතිරේක කැබිනට් ප්‍රකාශක says:

    චන්දෙ තියන්න පුළුවන්ලු. ඒත් රටකජු වලට බද්ද රු.220 වැඩිකරපු එක අසාධාරණයි.

  5. දුටුගැමුණු says:

    ශ්‍රී ලංකාවේ මතිවරණ අතුරුදහන් කිරීම පිනිස රනිල් හාමු බටහිර යුරෝපා තානාපති කාර්‍යාල වල පූර්ණ අනුග්‍රහය සහිත ව පිහිටවන ලද මතිවරණ කොමිසම කිසිදා ඉඩ නොදෙන බව මතක තියා ගනිල්ලා

  6. Chinthaka says:

    All sorts of victories against corona. But curfew in Colombo continue indefinitely because of rulers eagerness to get election held to get parliament victory. Small business people are suffering.

  7. mahinda says:

    Why Dr,Abandula not saying we donate 5000 despite the E/C orders as we are always in the side of public .

Main News