මිග් යානා ගණුදෙනු ගැන පරීක්‍ෂණයෙන් ගෝටාගේ දේශපේ‍්‍රමය හෙලිවෙයි..

January 29, 2017 at 9:20 am | lanka C news
මිග් යානා ගණුදෙනු ගැන පරීක්‍ෂණයෙන් ගෝටාගේ දේශපේ‍්‍රමය හෙලිවෙයි..

සෞඛ්‍ය සම්පන්න ජනතාවක් බිහි කිරීමෙි අරමුණ පෙරදැරිව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ සංකල්පයක් මත සෞඛ්‍ය, පෝෂණ හා දේශීය වෛද්‍ය අමාත්‍යාංශය මෙහෙයවන “සුවසර සුව උදාන” ජංගම සෞඛ්‍ය සායන වැඩසටහනේ තවත් එක් වැඩසටහනක් සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ ප්‍රධානත්වයෙන් ගාල්ල උඩුගම මහ විද්‍යාලයේ දී පැවැත්විනි.

මෙහිදී අදහස් දැක් වූ සෞඛ්‍ය අමාත්‍යවරයා –

“සෞඛ්‍ය සායන මගින් රෝග හදුනා ගන්න පුළුවන්. කළින් රෝග හදුනා ගැනීමෙන් ප්‍රතිකාර කිරිම පහසු වෙනවා. නිශාන්ත මුතුහෙට්ටිගම නියෝජ්‍ය අමාත්‍යවරයා පෙරළිකාර දේශපාලන චරිතයක්. පෙරළිකාර ප්‍රකාශ නිකුත් කරනවා. උගත්කම, කීර්තිය තිබුනත් ඇතැම් දේශපාලනඥයින්ට ජනතාව තුල දිර්ඝ කාලයක් රැදී සිටිමට අපහසුයි.

ජනතාව ඉතා අමාරුවෙන් ජීවත්වන බව මහා සංඝරත්නය මෙහිදී ප්‍රකාශ කළා. හැමදාම රජයක් බිහි වූ පසු ජිවන වියදම වැඩියි කියා ජනතාව ප්‍රකාශ කරනවා. ජනතාවට මතක බඩු මිල වැඩිවීම විතරයි. අඩුවීම මතක නැහැ. වත්මන් රජය බලයට පත්වන විට පෙට්ට්‍රල් ලීටරයක් අලෙවි වූයේ රුපියල් 165 කටයි. එය රුපියල් 117 දක්වා අපි අඩු කළා. ලෝක වෙළෙදපොලේ බොරතෙල් මිල වැඩිවී තිබුන ද අපි ඉන්දන මිල වැඩි කරන්නේ නැහැ. භූමිතෙල් මිල රුපියල් 55 දක්වා අඩු කළා. ගෑස් මිල ඇතුලු අත්‍යාවශ්‍ය භාණ්ඩ රැසක මිල අඩුකර තිඛෙනවා. රජයේ සේවක වැටුප රුපියල් 10,000 කින් වැඩි කළ අතර, විශ්‍රාම වැටුප, සමෘද්ධි දිමනා ඇතුලු සෑම ක්ෂේත්‍රයකම වර්ධක ලබාදුන්නා. අද මාධ්‍ය නිදහස ලබාදී තිඛෙනවා. කතෘවරුන්ට කවුරුවත් ප්‍රහාර එල්ල කරන්නේ නැහැ. ජනාධිපතිවරයා, අග්‍රාමාත්‍යවරයා සහ අමාත්‍යවරුන්ට පරිභව කිරීමට අවස්ථාව උදාවී තිඛෙනවා. නාවික හමුදාපතිවරයා මාධ්‍යෙවිදියෙතුට ප්‍රහාරයක් එල්ල කළ කියලා පසුගියදා විවෙිචන තිබුනා. මීට පෙර සිටි නාවික හමුදාපතිවරයෙක් තරුණයන් අතුරුදන් කළා. ඒ ගැන කවුරුවත් කථා කලේ නැහැ.

2015 ජනවාරි 08 වන විට සියළුම විද්්‍යුත් හා මුද්‍රිත මාධ්‍ය සිටියේ රාජපක්ෂලා සමගයි. එක්සත් ජාතික පක්ෂය ධනපතීන්ගේ පක්ෂය වුනත් ධනපතියන් හිටියෙත් රාජපක්ෂලා සමගයි. වත්මන් රජයේ ඇතැම් අමාත්‍යවරුන්ට එය අද අමතක වෙලා. මහින්ද රාජපක්ෂ හිටපු ජනාධිපතිවරයා සමග ව්‍යාපාරික කටයුතු කළ ඇතැම් ව්‍යාපාරිකයින් සමග වත්මන් රජයේ ඇතැම් අමාත්‍යවරුන් ව්‍යාපාර කටයුතු වල නිරත වෙනවා

2020 මැතිවරණයට අපි සුදානම්. විපක්ෂය අපි බියගන්වන්නේ නැහැ. බලෙන් ඡන්දය ගන්නෙත් නැහැ. ජනතාවගේ ආදරය සමග රජය බිහිවිය යුතුයි. වර්තමානයේ රුපියල් කෝටි 1000 ක බැදුම්කර වංචාවක් ගැන කථා කරනවා. නමුත් පසුගිය කාලයේ රුපියල් කෝටි 33000 ක වංචා ගැන කෝප් කමිටු වාර්තා මගින් හෙළිකර තිඛෙනවා. නමුත් සත 33 ක වංචාවක් ගැනවත් පසුගිය කාලයේ පරීක්ෂණ කළේ නැහැ. රුපියල් කෝටි 1000 ක බැදුම්කර වංචාව ගැන ජනාධිපතිවරයා සහ අග්‍රාමාත්‍යවරයා වෙන වෙනම විමර්ශණයක් කරනවා. එම විමර්ශණ වලින් වැරදිකරුවන් ඔප්පු වුවහොත් දඩුවම් ලබාදෙනවා. කිසියම් පුද්ගලයෙකු වැරදි කරනකොට නිවැරදි කිරීම රජයේ වගකීමයි. නව ව්‍යවස්ථාවෙන් ජනාධිපති ක්‍රමය අහෝසි කරනවා. දුෂණ වංචා පිළිබදව පසුගිය රජය සමයේ පරීක්ෂණ සිදුකළ ආකාරයට නොවෙයි වර්තමානයේ පරික්ෂණ සිදු වන්නේ. නීතියට අනුව තමයි පරීක්ෂණ සිදුවන්නේ. වැරදිකරුවන්ට දඩුවම් ලබාදෙනවා. මිග් ප්‍රහාරක යානා ගනුදෙනු පරික්ෂණ නිමවන විට හිටපු ආරක්ෂක ලේකම්වරයාගේ දේශප්‍රේමිත්වය පිළිබදව රටටම කරුණු දැනගන්න පුළුවන්. එවිට ජනතාවට දේශපාලන තත්ත්වය අවබෝධ කරගන්න පුළුවන් කියලා මම හිතනවා.”

මෙහිදී ශිෂ්‍යත්වය සමත් දරුවන්ට පාසල් උපකරණ පරිත්‍යාග කිරීමක් ද සිදු විය.

මාධ්‍ය ඒකකය
සෞඛ්‍ය අමාත්‍යංශය

32 views

6 Comments to “මිග් යානා ගණුදෙනු ගැන පරීක්‍ෂණයෙන් ගෝටාගේ දේශපේ‍්‍රමය හෙලිවෙයි..”

  1. ඇත්ත says:

    1962 හමුදා කුමන්ත්‍රණයේ චුදිතයන්ගෙන් එම කුමන්ත්‍රණයේ තරම පෙනේ. චුදිතයන් 24 දෙනාම ක්‍රිස්තියානි භක්තිකයන් වූ අතර ඉන් 12 දෙනෙකු සිංහල ජාතිකයන් ද, දෙමළ ජාතිකයන් 6 දෙනෙකු ද, බර්ගර් ජාතිකයන් 6 දෙනෙකු ද වූහ. කුමන්ත්‍රණ නායකයන් සුළු ජාතික නිලධාරීන්ට පොරොන්දු වී තිබුණේ ජනවාරි 27 වෙනිදා බලය ලබා ගැනීමෙන් පසු ඉංග්‍රීසි භාෂාව යලි රාජ්‍ය භාෂාව කරන බැවින් සුළු ජාතිකයන් ආරක්ෂා වන බවයි.
    චම්පික රණවකලා,….ඕමල්පේ සෝභිතලා…අතුරලියේ රතනලා අද කරන්නේ 62 කුමන්ත්‍රණයේ ඉතිරි කොටසයි….

  2. sadoni says:

    thopi mona kiwwath yogaye ekama watina kamaathi mehewara karapo manossaya. horakam ekak neme dahayak kalath kamak naha. kala yotho de oho kala.

  3. Bobby Pereira says:

    Pala Kakkussi kata yanna. Gotabhaya hinda thama tho ada jeewath wela inne. Tho wage ekek mae loketa bihi karapu thoge demavpiyantath lajjawak tho.

  4. NAK says:

    This sewer mouth can only utter lies.

  5. Champa says:

    දේශප්‍රේමය මිනින මිම්ම මොකක්ද, ඇමතිතුමා?

    දේශප්‍රේමය මනින්නේ බටලන්ද වගේ වධකාරාගාර හදන්න ඇති හැකියාවෙන්ද? ප්‍රා වගේ සංවිධාන හදලා මිනී මරන්න පුළුවන් හැකියාවෙන්ද? බැඳුම්කර වලින්ද? නැව් වලින්ද? ගල් අඟුරු වලින්ද? කොකේන් වලින්ද? තඹ වලින්ද? කරුංක වලින්ද? වී වලින්ද? ප්‍රාඩෝ වලින්ද? රජයේ අමාත්‍යංශ ගොඩනැගිලි තියෙද්දී පෞද්ගලික ගොඩනැගිලි වලට ගෙවන කුලියෙන්ද? වැසි වනාන්තර එලි කරන තරමටද? විකුණන වටිනා සම්පත් ප්‍රමාණයෙන්ද? රජය සතු ඉඩම් වලින්ද? ගහන්න පුළුවන් කොමිස් වල වටිනාකමෙන්ද? දත් ගලවන තරමටද? ඇමතිවරු රජයේ නිලධාරීන්ට බුරන සද්දෙන්ද? තව පොඩ්ඩෙන් අමතක වෙනවා ලොතරැයි වලින්ද?

    අනේ ඉතින් මේ විදියට යහපාලන මිම්මෙන් මැන්නොත් නම්, ගෝඨාභයට එක ලකුණක් වත් වැටෙන්නේ නැහැ. විමල්ට ලකුණු වැටෙන්නෙත් නැහැ.

    රාජිත වගේ මුන් තමයි දේශප්‍රේමියෝ.

    විමල්ව බොරු චෝදනා දමලා හිරේ දැම්ම වගේ ගෝඨාභයව කොටු කරන්නත් නින්දිත මෙහෙයුමක් යනවා. නින්දා අපහාස කරනවා. බොරු චෝදනා කරනවා. හිරේ දානවා කියනවා. නියම දේශප්‍රේමියෝ ඒවායින් සැලන්නේ නැහැ. මර්දනය තමන්ගේ පන්නරය කර ගන්නවා. කරදර හිරිහැර තමන්ට ආශීර්වාදයක් කර ගන්නවා. සිර කුටිය නියම දේශප්‍රේමීන්ගේ ප්‍රතිරූපය ඉහල නංවනවා. (නියම කියන වචනේ පාවිච්චි කලේ බොරු කාරයොත් හිටපු නිසා). ලෝකේ නමක් තියපු විප්ලවවාදියෝ හැම දෙනාම සිරගත වෙලා හිටියා. ඉතිහාසය තවමත් ඒ විප්ලවවාදියෝ ගැන ඒ දේශප්‍රේමීන් ගැන කතා කරනවා.

    ගෝඨාභය කියන්නේ කවුද කියන එකට අටුවා ටීකා අවශ්‍ය නැහැ. උසාවි ගිහින් දේශප්‍රේමය ඔප්පු කරන්න ගෝඨාභය කවදාවත් රට ජාතිය පාවා දීලා නැහැ. කොටින් එක්ක සටන් කරන්න තීක්ෂණ, දක්ෂ යුධ ක්‍රමෝපායයන් සහිත සැලසුම සකස් කලේ ගෝඨාභය. ඒ වගේ මොලයක් තමයි අපේ රටේ ඊළඟ ජනාධිපති වෙන්නේ ඕනේ.

    ඩොලර් කුට්ටියක් අරගෙන මහින්දව ඉස්සෙල්ලම පාවා දුන්නේ රාජිත. ගිය ආණ්ඩුවේ බොහෝ දූෂණ වංචා කරපු කොමිස් ගහපු ඇමතිවරු තමයි මේ ආණ්ඩුවේ ඉඳගෙන පහුගිය ආණ්ඩුවේ හොරකම් ගැන කතා කරන්නේ. අබ කෑවම නහය දනවලු.

    FCID කියලා දේශපාලන පලි ගැනීම් වලටම විශේෂයෙන් හදපු දඩයම් ගුහාව නොතිබෙන්න, කිසිම විරුද්ධ පැත්තේ දේශපාලකයෙක් හිරේ යන්නේ නැහැ. ස්වාධීන අධිකරණයකින් බොරු චෝදනා හදලා එහෙම කරන්න බැරි නිසා වෙනම ඒකකයක් පිහිටෙව්වා. මෙහෙම කරන්නේ මිනිස්සුන්ව නොමග යවන්න. ආණ්ඩුව හොරු අල්ලනවා කියන්න. ඉතිහාසයේ දූෂිතම අගමැති, FCID එක ලව්වා හොරු අල්ලනවා කියනව තරම් විහිළුවක් තවත් නැහැ.

    Quote: “..අද මාධ්‍ය නිදහස ලබාදී තිඛෙනවා. කතෘවරුන්ට කවුරුවත් ප්‍රහාර එල්ල කරන්නේ නැහැ. ජනාධිපතිවරයා, අග්‍රාමාත්‍යවරයා සහ අමාත්‍යවරුන්ට පරිභව කිරීමට අවස්ථාව උදාවී තිඛෙනවා…” Unquote:

    දේශපාලකයන්ට පරිභව කිරීම මේ රටට අඳුන්වා දුන්නේ කවුද? හංසයා ඉස්සර කරගත්ත වෘක රැල නෙමෙයිද?

    පහුගිය ජනාධිපතිවරණ කාලේ මගේ දේශපාලනය ගැන උනන්දුවක් තිබුනේ නැහැ. මම දේශපාලනය කතා කරන්න පටන් ගත්තේ විමල් ජන පවුරක් ගොඩ නගපු 2015 පෙබරවාරි ඉඳන්. ඊට පස්සේ තමයි කලින් හංසයා කියපුවා දැන ගත්තේ. පහුගිය ආණ්ඩුවේ නායකයන්ට පරිභව කරන්න, බොරු චෝදනා කරන්න ඕනේ තරම් නිදහස තිබුනා. නැත්නම් අද යහපාලනය බලයට එන්නේ නැහැ. මිනිස්සුන් විතරක් නෙමෙයි මම හිතන්නේ වර්තමාන ජනාධිපතිතුමාත් හොල්මන් වෙන්න ඇති ෆයිල් ගොඩ දැකලා. අද පේනවා ඇති වෙලා තියෙන්නේ මොකක්ද කියලා. බූමරංගයක් ගැහැව්වම ආපහු එනවා. එදා විසි කරපු බූමරංගය අද ආපහු එනවා. එදා කරපු පරිභව අද ආපිට යනවා. සවභාව ධර්මය වෙනස් කරන්න කාටවත් බැහැ.

    දේශපාලකයන් තමන්ගේ කඹ ඇදිල්ලට යොදා ගෙන තියෙන්නේ ජනතාව. ඒකාබද්ධ විපක්ෂයේ tailwind එක ජනතාව. අවුරුදු දෙකක් තිස්සේ tailwind එක දුක් විඳිනවා. ඒකාබද්ධ විපක්ෂයට වගේ වගක් නැහැ. දේශපාලකයෝ කඹ අදිනවා. ඊට පිටිපස්සේ ඉඳන් ජනතාවත් කඹය අදිනවා. මේ කඹ ඇදිල්ලෙදී ආණ්ඩුවේ සහ විපක්ෂයේ හේතුව වෙනස් වුනත් අරමුණ එකයි. විරුද්ධ පක්ෂේ මන්ත්‍රීවරු කඹය අදින්නේ කාලය කන්න. ආණ්ඩුව පැත්තෙන් කඹය අදින්නෙත් කාලය කන්න. දෙගොල්ලොම කරන්නේ කඹය ඇද ඇද රටේ ප්‍රශ්න නොවිසඳී තියා ගන්න එක.

    මම නම් කඹය ඇතාරියා. ගිය අවුරුද්දේ ඔක්තෝබර් 7 රත්නපුරේ JO රැස්වීමට ආපු මිනිස්සුන්ගේ පින්තූර, විමල්ගේ facebook එකෙ දාලා තිබුන ඒවා enlarge කරලා බලලා මට හුඟක් දුක හිතුනා. මිනිස්සුන්ගේ දුක, වේදනාව, කඳුල, බඩගින්න, පිපාසය දේශපාලන ගමනකට යොදා ගන්න එකට සහයෝගය දෙන එක වැරදි බව මට තේරුනා. ඒ එක්කම හිටපු ආරක්ෂක ලේකම්තුමාගේ කතාවත් ඊට පස්සේ දවසේ ජනාධිපතිතුමාගේ ඔක්තෝබර් 12 කෙලින් කතාවත් අහලා මට හිතුනා මිනිස්සු වෙනුවෙන් වෙනස් සටනක් කරන්න. මං කරපු දෙයක් නෙමෙයි, නමුත් අද රටේ පාලනයේ වෙනසක් වෙන්න පටන් අරන් තියෙනවා. විමල් එක්ක අපි කෑගහපු සටන් පාඨ බොහොමයක් හරි පැත්තට වෙනස් වෙලා තියෙනවා. විසඳිලාම කියලා කියන්න බැරි වුනත් හොඳ පැත්තට වෙනසක් වෙලා තියෙනවා.

    මට ඉන්න ජනාධිපතිතුමාගෙන්වත් හිටපු ජනාධිපතිතුමාගේන්වත් ඇති වැඩක් නැහැ. මම දේශපාලකයන්ට කැමතිත් නැහැ. මට අවශ්‍ය ජනතාවගේ ප්‍රශ්න විසඳෙනවා දකින්න. හැමෝම දේශපාලකයන් ගැන කතා කරනවා. ප්‍රශ්ණ ගැන කතාකරනවා. ජනතාවගේ ප්‍රශ්න විසඳන්න බලපෑමක් නැහැ.

    හරියට අර “ඇරඹුමේ” කළා වගේ. විමල් ගැන කතා කරනවා. විමල්ව නිදහස් කරන්න කියන්නේ නැහැ. විමල්ට හිරේ දුක් විඳින්න ඉඩ ඇරලා විමල්ව market කරනවා. විමල්ට අනිත් දේශපාලකයන්ට වගේ cheap popularity අවශ්‍යයි කියලා මම හිතන්නේ නැහැ. විමල්ට මිනිස්සු ආදරය කරන්නේ විමල්ගේ නොවෙනස් ප්‍රතිපත්ති නිසා. රට ගැන විමල්ගේ තියෙන අසමාන ආදරය නිසා. විමල් විප්ලවවාදියෙක් මිසක් සාමාන්‍ය දේශපාලකයෙක් නොවෙන නිසා.

    Quote: “..2020 මැතිවරණයට අපි සුදානම්. විපක්ෂය අපි බියගන්වන්නේ නැහැ. බලෙන් ඡන්දය ගන්නෙත් නැහැ. ජනතාවගේ ‘ආදරය’ සමග රජය බිහිවිය යුතුයි…” Unquote:

    මේ තමයි ලොකුම joke එක. ජනතාව පැත්තේ ඉඳන් කියන්න තියෙන්නේ 2020 ට අපිත් ලෑස්තියි කියන එක. වතුර කියන දේ නිශ්චල කරන්න පුළුවන් වගේම කළඹන්නත් පුළුවන් දෙයක්. මහ කුණාටු, සුනාමි එන්න කලින් වතුර නිශ්චල වෙනවා. ගුප්ත බවක් පේනවා. තේරුම් ගන්න අමාරු වෙනවා. ජනතාවත් එහෙමයි. 2020ට සිරිසේන ජනාධිපතිතුමා ඉල්ලයි කියලා මම හිතන්නේ නැහැ. 2020දී UNP ආණ්ඩුවයි JVP එකයි නැත්තටම නැති වෙලා යනවා. ජනතා පැතුම ඉෂ්ඨ වෙනවා. නියම “පෙරළිය ඇරඹෙන්නේ” 2020 දී. දැනට නම් පෙරළිය ඇඹරෙනවා විතරයි. අරඹන්න ඉස්සෙල්ල ඇඹරෙන එක නවත්තගෙන ඉන්න එපෑය. ඒගොල්ලන්ගේ ඇරඹුම ජනතාවට පෙන්නේ ඇඹරුමක් වගේ බව දන්නේ නැහැ. පව්.

    විමල්ගේ ඉල්ලීමට 2015 පෙබරවාරි නුගේගොඩට ස්වේච්චාවෙන් ආපු සෙනඟ අතර වැඩිපුර හිටියේ මධ්‍යම පන්තිය. විමල්ගේ හැම රස්වීමකම හිටියේ (1,2,3,4) හොඳට ඇඳ පැළඳ ගත්ත මිනිස්සු. මධ්‍යම පන්තිය. පස්සේ ඒ තත්වය වෙනස් වුනේ SLFP මන්ත්‍රීවරු සංවිධානය කටයුතු බාර අරන් සෙනඟ “ගේන්න” පටන් ගත්ත නිසා. “පාද යාත්‍රාව” වෙනුවෙන් පාරට ආපු වැඩි දෙනා, ලිප්ටන් වටරවුමට ආව වැඩි දෙනා මධ්‍යම පන්තිය. ලෝකේ ආණ්ඩු පෙරළුවා නම් පෙරලුවේ මධ්‍යම පන්තිය. වෙනසක් කළා නම් කලේ මධ්‍යම පන්තිය. පීඩිත පන්තිය නෙමෙයි. දේශපාලකයෝ පීඩිත පන්තිය යොදා ගන්නේ තමන්ගේ පැවැත්ම රඳවා ගන්න. 2015 වෙනසක් කලෙත්, (නොමඟ ගිය) මධ්‍යම පන්තිය. 2020 වෙනසක් කරන්නෙත් මධ්‍යම පන්තිය ඉස්සරහට ඇවිල්ල. (Over to you, Wimal). 2020 ආණ්ඩු බලය යන්නේ මධ්‍යම පන්තිය කැමති කෙනෙකුට. නියම පෙරළිය ඇරඹෙන්නේ එදාට. දැන් නිකම් ඇඹරෙනවා විතරයි.

    අහිංසක මිනිස්සුන්ගේ නැති බැරිකම, දුක, වේදනාව, කුසගින්න market කරන එකට මම විරුද්ධයි. අපි කරන්න ඕනේ ඒ මිනිස්සුන්ගේ ප්‍රශ්න විසඳන්න ආණ්ඩුවට බලපෑමක් කරන එක. විරුද්ධ පක්ෂ මන්ත්‍රීවරු කරන්න ඕනේ ඒ මිනිස්සු අතරට ගිහින් දුප්පත් මිනිස්සුන්ට කතා කරලා ඒ ප්‍රශ්න අරන් ඇවිල්ල පාර්ලිමේන්තුවේ කතා කරලා, ප්‍රශ්නේ විසඳෙන තුරු කතා කරලා, ඒ අසරණ මිනිස්සුන්ට සහනයක් ලබා ගන්න උදව් කරන එක. ජනතාව දේශපාලකයන්ගෙන් බලාපොරොත්තු වෙන්නේ ඒක. අවුරුදු දෙකක් ඇඹරි ඇඹරී ඉඳල, දැන් ආපහු අළුතින් ඇඹරෙන්න පටන් ගන්නවලු. 😀 😀 😀

    ජනාධිපතිතුමා දැන් රටේ පාලනය ටික ටික තමන් අතට අරන් නිසා, මම හිතනවා මිනිස්සුන්ගේ සැබෑ ප්‍රශ්න වලට විසඳුමක් දෙයි කියලා. තවම රනිල්ගේ වැරදි නිවැරදි කරගෙන යනවා.

    මම මේක ටික දවසකට කලිනුත් කිව්වා. මම හිතනවා ජනාධිපතිතුමාට රටේ ප්‍රශ්න විසඳන්න අවස්ථාවක්, නිදහසක් සහ අවකාශයක් ලබා දිය යුතුයි කියලා.

    ලෝක බැංකුව, IMF වගේ ආයතන තියෙන්නේ අපි වගේ රටවල් වලට උදව් කරන්න. මහ බැංකු සංචිතය සමබර කරගෙන මිසක් ආර්ථික අර්බුදයෙන් ගොඩ එන්න බැහැ.

    ආර්ථිකය කඩා වට්ටපු මහා බැංකු බැඳුම්කර වලින්ම තමයි ආර්ථිකය නැවත ගොඩ නඟා ගන්න පුළුවන් වෙන්නෙත්. මං කියන්නේ ළිඳට වැටුණු ලංකාවේ ආර්ථිකය ළිං කටින්ම ගොඩ ගන්න කියල.

  6. නුවන් says:

    එක්සත් ජාතීන්ගේ වද හිංසනයන් සම්බන්ධ අලුත්ම වාර්තාවේ සඳහන් යන ආකාරයට ශ්‍රි ලාංකික විනිශ්චයකාරවරුන් අපරාධ නඩු සම්බන්ධ නිවැරැදි මනසිකින් ක්‍රියාත්මක වනවා වෙනුවට හෝ එවැනි චෝදනා පිලිබඳව නිසි ඇගයීමට ලක් නොකර පොලිසිය විසින් ලබාදෙන තොරතුරු මත පමණක් පදනම් කරගෙන තම තීන්දුව ලබාදීමට කටයුතු කරන බව වාර්තා කර ඇත. එනම් ශ්‍රි ලාංකික විනිශ්චයකාරවරුන් පොලීසියේ රබර් මුද්‍රාවක් වී ඇති අකාරය එක්සත් ජාතීන්ගේ සංවිධානයද මේ වන විට පිළිගෙන ඇත.
    ශිරාණි බණ්ඩාරනායකගේ දේශනා ඇසූ විනිසුරැවරැන්ගේ ක්‍රියාවන් නිසා ලංකාව ජාත්‍යන්තරය ඉදිරියේ අපහසුතාවයට පත්වී ඇත. එදා සරත් ෆොන්සේකා සහ ශිරාණි බණ්ඩාරනායක වෙනුවෙන් උද්ඝෝෂණ කළ සුමන්තිරන්…වැලිඅමුණ…සාලිය පීරිස් ඇතුළු NGO නඩය අධීකරණය මළාගෙයක් කළේය. අධිකරණයේ කළු කොඩි එසෙව්වේ ය. නමුත් අද….සැබැවින්ම නීතිය මළගෙයක් කරන විට අධිකරණයේ කලු කොඩියක් උස්සන්න එකෙක් නැත…අනේ කාලේ වනේ වාසේ…..

Main News