මිරිස් ආනයනය සම්පූර්ණයෙන්ම නතර කරනවා..- කෘෂිකර්ම ඇමති

September 11, 2021 at 6:20 pm | lanka C news
මිරිස් ආනයනය සම්පූර්ණයෙන්ම නතර කරනවා..- කෘෂිකර්ම ඇමති

2024 වසර වන විට මෙරටට මිරිස් ආනයනය සම්පුර්ණයෙන්ම නතර කිරිමට පියවර ගන්නා බව කෘෂිකර්ම අමාත්‍ය මහින්දානන්ද අලුත්ගමගේ මහතා පැවසිය.

අමාත්‍යවරයා ඒ බැව් කියා සිටියේ නාවලපිටිය ගලබොඩ වත්තේ අක්කර 100 ක කාබනික පොහොර සහ නව තාක්ෂණය යොදා ගනිමින්  සාර්ථකව සිදු කරනු ලබන මිරිස් වගාව නිරික්ෂණය කිරිම සදහා (11) දින පස්වරුවේ ගලබොඩ වත්තට පැමිණි අවස්තාවේ මාධ්‍යයට විශේෂ ප්‍රකාශයක් කරමිණි.

දැනට මෙරටට අවශ්‍ය මිරිස් සම්පුර්ණයෙන්ම ආනයනය කරන බවත්,මධ්‍යම පලාත තුල මිරිස් වගාවට අවශ්‍ය බිජ නිෂ්පාදනය කරන බවත්, ඉදිරියේදි දිවයිනේ විවිධ ප්‍රදේශවල අක්කර 3000 ක මිරිස් වගාව සාර්ථකව සිදු කිරිමට තම අමාත්‍යංශය සැලසුම් කර ඇති බව අමාත්‍යවරයා පැවසිය.

ඉතා දුෂ්කර වතු යායක් වු නාවලපිටිය ගලබොඩ වත්තේ තරුණයන්ය එම වත්තේ තේ වගා නොකල මුඩු ඉඩම් වලින් අක්කර 100 ක් අක්කර ½ බැගින් ගිවිසුමක් අනුව ලබා දි ඇති බවත්, ඉදිරියේදි තවත් අක්කර 100 ක් රැකියා විරහිත එම වතු යායේ තරුණයන්ට මිරිස් වගාව සදහා ලබාදෙන බවයි අමාත්‍යවරයා කියා සිටියේ.

විපක්ෂය පවසන පරිදි ගලබොඩ දිය ඇල්ලට කිසිදු හානියක් සිදු කර නොමැති බවත්,තේ වතුඉඩම් පෞද්ගලික අංශයට පැවරිමට කිසිදු අදහසක් නොමැති බවයි අමාත්‍ය මහින්දානන්ද අලුත්ගමගේ මහතා කියා සිටියේ.

– හැටන් රංජිත් රාජපක්ෂ

19,895 views

5 Comments to “මිරිස් ආනයනය සම්පූර්ණයෙන්ම නතර කරනවා..- කෘෂිකර්ම ඇමති”

  1. කොරෝනා රස සාගරයක් says:

    කටේ රස දැනෙන්නේ නැති අය, රටේ වැඩි දෙනෙකුට කටේ රස දැනෙන් නැති කාලෙක, බුද්ධිමත්ව ගන්න තීරණ. ගඳ සුවඳ දැනෙන් නැති නිසා ඒවත් නවත්තන්න පුළුවන් රස දැනෙන්න ඇති නිසා අනිත් ඒව ගැනත් තීරණයක් ගන්න පුළුවන්.

  2. Sakshi says:

    Arab spring will come soon.

  3. සවි අරික්කාල says:

    කට කට පරිස්සමින්. ඔහේ අසවෙනවා කියල කිවිවේ කලින් පොහොර වැඩේට. කෝ, කෝ, අස් උනාද? නෑනේ, හූ හු. අපි රැවටෙයි ඔය බේගල් වලට.

  4. මැදමුලනෙ මුත්තා says:

    මුගේ තොලේ කබර එන්නෙ බොරැ කියලමයි.

  5. Jagath says:

    2024 යන තැනකට තොලොංචි වෙලා යන්න ලැස්ති වෙයන්. ආයෙත් උඹලට ලංකාවේ තැනක් නෑ

Main News