මුදල් ඇමති ධුරයෙන් ඉල්ලා අස්වන බව මංගල කියයි…
August 8, 2018 at 10:51 pm | lanka C news
දුම්රිය සේවකයන්ගේ වැටුප් වැඩි කිරීමට කටයුතු කලහොත් තමනට තව දුරටත් මුදල් ඇමති ධුරයේ කටයුතු කල නොහැකි බව මුදල් හා ජනමාධ්‍ය ඇමති මංගල සමරවීර මහතා පැවසූ බව ඔහුට සමීප වෙබ් අඩවියක් වාර්තා කර ඇත.
ඇමතිවරයා මේ බව සදහන් කර ඇත්තේ ඊයේ දිනයේ පැවති කැබිනට් මණ්ඩලයේදී මෙම ගැටළුව සම්බන්යෙන් සාකච්චාවට ගත් අවස්ථාවේදී යයිද සදහන්ය.
දුම්රිය සේවකයන්ගේ පමණක් වැටුප් වැඩි කලහොත් ඊට සමාන්තර ශ්‍රේණි ගණනාවක වැටුප් වැඩි කිරීමට සිදුවන බවත් එසේ කිරීමට රජයට මුදල් නොමැති බවත් මුදල් ඇමතිවරයා පසුගිය කැබිනට් මණ්ඩලයේදීද පෙන්වා දී ඇත.
මේ අතර දුම්රිය සේවකයන් වැඩ වර්ජනයක් ආරම්භ කර ඇත්තේ පසුගිය කැබිනට් මණ්ඩලයේදී අනුමත කල පරිදි සිය වැටුප් වැඩි කිරීම මෙවර කැබිනට් මණ්ඩලයෙන් අනුමත නොකල බව පවසමිනි.
353 views
