මුලතිව් ගුරුකන්ද විහාර ඉඩම ගැන වාර්ථාවක් ඉල්ලා නෑ..- පුරාවිද්‍යා අධ්‍යක්ෂක ජනරාල්

February 1, 2019 at 8:40 am | lanka C news
මුලතිව් ගුරුකන්ද විහාර ඉඩම ගැන වාර්ථාවක් ඉල්ලා නෑ..- පුරාවිද්‍යා අධ්‍යක්ෂක ජනරාල්

මුලතිව් ගුරුකන්ද විහාරයේ භූමිය පිළිබඳව මුලතිව් අධිකරණයේ පැවති නඩුවෙන් වාර්ථාවක් ඉදිරිපත් කරන ලෙසට මාධ්‍යවල වාර්ථා පල වුනත් 31 වනතුරුත් තමන්ට දැනුම් දීමක් සිදු කොට නොමැති බවට පුරාවිද්‍යා අධ්‍යක්ෂක ජනරාල් මහාචාර්ය පී.බී.මණ්ඩාවල මහතාගෙන් විමසීමේදී කියා සිටියේය.

මුලතිව් අධිකරණයෙන් පසුගිය 25 වනදා මහෙස්ත්‍රාත් එස්.ලෙනින් කුමාර් මහතා විසින් මුලතිව් පොලීසියට නියෝග කොට සිටියේ එලඹෙන පෙබරවාරී 12 වනදා පැවත්වෙන නඩු වාරය වන විට ගුරුකන්ද පුරාණ රජමහා විහාර භූමිය පිළිබඳ පුරාවිද්‍යා දෙපාර්තමේන්තුවෙන් වාර්ථාවක් සපයන ලෙසට පුරා විද්‍යා අධ්‍යක්ෂක ජෙනරාල් වරයාට දැනුම් දෙන ලෙසටය.

ඒ පිළිබඳව සිදු කළ විමසීමකදී පුරාවිද්‍යා අධ්‍යක්ෂක ජනරාල් වරයා වැඩි දුරටත් පවසා සිටියේ,

‘මුලතිව් ගුරුකන්ද විහාරයේ ඉදිකිරීම් නවත්වා ඇති බව හෝ එම ඉඩම සම්බන්ධයෙන් පුරාවිද්‍යා දෙපාර්තමේන්තුව මට්ටමින් වාර්ථාවක් අවහ්‍ය බවට මා මේ වන තුරු දැනුවත් කොට නැහැ උසාවි නියෝගය තිබුනට මේ වන තුරු මට හෝ මගේ වව්නියාව කාර්යලයට හෝ කිසිදු වාර්ථාවක් ඉල්ලා දැනුවත් කොට නැහැ

ඒ වගේම මේ ඉඩම සම්බන්ධයෙන් වාර්ථාවක් ඉල්ලා ඇති බවට මාධ්‍ය පල වුනහම මම දැනගත්තේ වාර්ථාවක් අවශ්‍ය බවට ඒ නිසා නඩු කටයුත්තක් බැවින් අගතියක් වන හෙයින් අදාල ඉඩම සම්බන්ධයෙන් මාධ්‍යට කිසිවක් පැවසීමට බැහැ ඒ වගේම පසුගිය දවස්වල මාධ්‍යෙයන් මම දැක්කා මේ ගුරුකන්ද විහාර භූමිය ගැන එක එක කතා කියල තිබුනා නමුත් මගෙන් කිසිවක් ඇහුවෙ නැහැ ඒක නිසා මගෙ වාර්ථාව ඉල්ලලාතියනවනම් ඒ වාර්ථාව මම අධිකරණයට ලබා දෙනවා එතකොට බලගන්න පුලුවන් සියල්ල එතෙක් මට මාධ්‍යට කිසිවක් පැවසීමට නොහැකියි. යනුවෙනි.

මේ සම්බන්ධයෙන් ගුරුකන්ද රජමහා විහාරය වෙනුවෙන් මුලතිව් අධිකරණයේ පෙනී සිටින නීතිඥ රෝහණ තල්පාවිල මහතාගෙන් විමසීමෙදී කියා සිටයේ

‘දැනට දින කිහිපයකට පෙර මුලතිව් පොලීසිය මගින් පුරාවිද්‍යා අධ්‍යක්ෂක ජනරාල් වරයාට අදාල වාර්ථාව සපයන ලෙසට අවහ්‍ය කෙරෙන සිතාසිය යවා ඇති බවට මුලතිව්  අධිකරණයේ රෙජිස්ටාර් වරයා විසින් සහතික කළ බවටය.

– වන්නි රොමේෂ් මධුෂංඛ

304 views
Main News