මුල් පෙනුම වෙනස් කල ත‍්‍රිවිලයකට 50,000ක දඩයක්..

March 11, 2021 at 5:30 pm | lanka C news
මුල් පෙනුම වෙනස් කල ත‍්‍රිවිලයකට 50,000ක දඩයක්..

අන්තරාදායක ලෙස සහ අකෘතිය වෙනස් වන අයුරින් ත්‍රිරෝද රථයක අමතර උපාංග සවි කර හැටන් නගරයේ ධාවනය කල ත්‍රිරෝද රථයක රියදුරු හැටන් පොලිසියේ රථ වාහන අංශයේ නිලධාරින් විසින් සැකපිට අත්අඩංගුවට ගෙන හැටන් මහෙස්ත්‍රාත් අධිකරණය හමුවේ ඉදිරිපත් කල අවස්තාවේ සැකකරු වරද පිලිගත් නිසා හැටන් දිසා විනිසුරු සහ මහෙස්ත්‍රාත් නිමේෂා පටබැදිගේ මහත්මිය සැකකරු රු පනස්දහසක දඩයක් ගෙවන ලෙස නියෝග කරනු ලැබුහ.

මෙසේ දඩ ගෙවන ලෙස නියෝග කරනු ලැබුවේ හැටන් ගාමිණිපුර ප්‍රදේශයේ පදිංචි මොහොමඩ් මිෂිරිෆ් නැමති 22 හැවිරිදි සැකකරුටය.

සැකකරු තම ත්‍රිරෝද රථයේ අන්තරාදායක ලෙස සහ ආකෘතිය වෙනස් වන අයුරින් අමතර උපාංග රැසක් සවි කර හැටන් නගරයේ කුලි රථ ධාවනයේ යෙදි සිටි අතර, හැටන් රථ වාහන අංශයේ නිලධාරින් විසින් එම උපාංග ගලවා ත්‍රිරෝද රථය ධාවනය කරවන ලෙස අවස්තා කිහිපයකදි උපදෙස් ලබා දුන්නද එම උපදෙස් නොපිලි පදිමින් සැකකරු ත්‍රිරෝද රථය ධාවනය කල නිසා සැකකරුට එරෙහිව හැටන් මහෙස්ත්‍රාත් අධිකරණය හමුවේ නෛතික පියවර ගැනිමට හැටන් රථ වාහන අංශයේ නිලධාරින් පියවර ගෙන ඇත.

– හැටන් රංජිත් රාජපක්ෂ

26,661 views
Main News