මුල් ස්ථාවරය අතහරී.. පාස්කු බෝම්බ කමිටුවට උත්තර දෙන්න ජනපති එකග වේ….

September 3, 2019 at 10:00 am | lanka C news
මුල් ස්ථාවරය අතහරී.. පාස්කු බෝම්බ කමිටුවට උත්තර දෙන්න ජනපති එකග වේ….

පාස්කු ඉරිදා දිනයේ මෙරටට එල්ල වූ බෝම්බ ප්‍රහාරය ගැන කර්මය විමර්ශනය කරන පාර්ලිමේන්තු විශේෂ තේරීම් කාරක සභාව ඉදිරියට පැමිණ සාක්ෂි දීමට ජනාධිපති මෛත්‍රීපාල සිරිසේන මහතා එකඟතාව පළ කර ඇත.

ජනාධිපතිවරයා ඒ බව කමිටුවේ සභාපති ආනන්ද කුමාරසිරි මහතා දැනුම් දී ඇති බවද ආරංචි මාර්ග කියා සිටී.

ජනාධිපතිවරයා විසින් එකඟවන දිනයක ඒ වෙනුවෙන් විශේෂ කාරක සභා රැස්වීමක් ජනාධිපති ලේකම් කාර්යාලයේදී පැවැත්වීමට ද සංවිධානය කර තිබේ.

කමිටුව විසින් ජනාධිපතිවරයාගෙන් ප්‍රකාශයක් ලබාගැනීමට යන්නේ එහි අවසාන සාක්ෂිකරු ලෙසයි.

ජනාධිපතිවරයාගේ ප්‍රකාශයෙන් පසු කමිටු වාර්තාව සකස් කිරීමට නියමිත අතර අවසන් වාර්තාව මෙම මස අවසානයේදී පාර්ලිමේන්තුවට ඉදිරිපත් කරනු ඇතැයිද වාර්තා වෙයි.

කෙසේ නමුත් ජනාධිපතිවරයා මීට කලින් සඳහන් කරන ලද්දේ තමන් මෙම කමිටුව සමග පෙනී නොසිටින බවයි.

60 views

15 Comments to “මුල් ස්ථාවරය අතහරී.. පාස්කු බෝම්බ කමිටුවට උත්තර දෙන්න ජනපති එකග වේ….”

  1. asthawara says:

    meyata kohomath sthwarayak naha neda.

Main News