මෙරටට ආවේණික නොවන සහ පරිසර සංරක්ෂණයට අදාළ නොවන වන වගා ඉවත් කරන්නැයි ජනපතිගෙන් උපදෙස්..

May 15, 2020 at 2:02 am | lanka C news
මෙරටට ආවේණික නොවන සහ පරිසර සංරක්ෂණයට අදාළ නොවන වන වගා ඉවත් කරන්නැයි ජනපතිගෙන් උපදෙස්..

රජයේ දැවැන්ත ආර්ථික ඉලක්ක සපුරා ගැනීමට අදාළ ප්‍රතිපත්ති රට හමුවේ තබා ඇති බැවින් ඒවා හඹා යෑමේදී තාර්කික නොවන නීති රීති බාධාවක් කරගත යුතු නැතැයි ජනාධිපති ගෝඨාභය රාජපක්ෂ මැතිතුමා කියා සිටී.

අමාත්‍යාංශ ලේකම්වරුන් සහ වැවිලි සහ කර්මාන්ත අංශයට අයත් ආයතන ප්‍රධානීන් සමග (14) පස්වරුවේ ජනාධිපති කාර්යාලයේ පැවැති විශේෂ සාකච්ඡාවකදී ජනාධිපතිතුමා මේ බව පැවසීය.

වැවිලි හා කර්මාන්ත ක්ෂේත්‍රයට අදාළව දීර්ඝ කාලයක් පැවති ගැටළු නිරාකරණය සඳහා සාකච්ඡාව කැඳවා තිබිණි.

රජයේ සහ අනුබද්ධ ආයතනවල පවතින ගැටළු නීති මාර්ගයට නොගොස් සාකච්ඡා මාර්ගයෙන් විසඳා ගත යුතු බව ජනාධිපතිතුමා අවධාරණය කළේය. රාජ්‍ය දැව සංස්ථාව සහ රාජ්‍ය වැවිලි සමාගම අතර දීර්ඝ කාලයක් පැවති නීතිමය ගැටළු පිළිබඳව දීර්ඝ වශයෙන් සාකච්ඡා කෙරිණ.

“රටට ආවේණික නොවන සහ පරිසර සංරක්ෂණයට අදාළ නොවන වන වගා ඉවත් කොට රටට ගැලපෙන වගා හඳුන්වාදීමේ වැදගත්කම ද ජනාධිපතිතුමා පෙන්වා දුන්නේය. මහා භාණ්ඩාගාරයට බරක් නොවන ආකාරයට රාජ්‍ය ආයතන පවත්වා ගත යුතුය. ඒ සඳහා සැලසුම් ඉදිරිපත් කිරීමේදී දීර්ඝ කාලයක් ගත යුතු නැත. ඒ ඒ ආයතන අතර අවබෝධයෙන් හා රාජ්‍ය ප්‍රතිපත්ති හඳුනාගෙන කටයුතු කිරීමෙන් බොහෝ ගැටළු විසඳා ගත හැකිය. රජය නිවැරදි ප්‍රතිපත්තිමය තීරණයක් ගත් විට සියලුම රාජ්‍ය ආයතන එම ප්‍රතිපත්ති අනුව වැඩ කළ යුතුය. හරි දේ කිරීමට කිසිවිටෙක බාධාවක් තිබිය නොහැක. නිවැරදි දේ කිරීමට නොහැකි රාජ්‍ය නිලධාරියා රටට බරකි. රාජ්‍ය නිලධාරියාගේ වගකීම ප්‍රශ්න විසඳීම මිස පැහැර හැරීම නොවන බව” ද ජනාධිපතිතුමා අවධාරණය කළේය.

වසර ගණනාවක් තිස්සේ එතනෝල් ආනයනය නිසා රටේ ආර්ථිකයට විශාල හානියක් වූ බැවින් එය නතර කිරීමට පියවර ගත් බව පෙන්වා දුන් ජනාධිපති රාජපක්ෂ මැතිතුමා පෞද්ගලික ව්‍යාපාරිකයන්ගේ බලපෑම්වලට යටත් වී එම තීරණය වෙනස් නොකරන බව ද කීය.

අනුබද්ධ ආයතන අතර පවතින ගැටළු නිසි පරිදි සාකච්ඡාවට නොගැනීමෙන් නඩු මගට යෑමට රජයේ ආයතනවලට සිදුව ඇති බවද මෙහිදී හෙළි විය. ඉඩම් ප්‍රතිසංස්කරණ කොමිෂන් සභාව නඩු 800ක් පමණ ගොනු කර ඇති අතර ඉන් 300 ක් පමණ වැවිලි සමාගම් සමග බවද හෙළි විය.

අමාත්‍ය රෙමේෂ් පතිරණ මහතා සහ ජනාධිපති ලේකම් පී.බී. ජයසුන්දර මහතා ද සාකච්ඡාවට එක්ව සිටියහ.

– ජනාධිපති මාධ්‍ය අංශය

157 views

3 Comments to “මෙරටට ආවේණික නොවන සහ පරිසර සංරක්ෂණයට අදාළ නොවන වන වගා ඉවත් කරන්නැයි ජනපතිගෙන් උපදෙස්..”

  1. aru says:

    Get rid of tropical oil palm plantations in the country and grow coconut instead. Producing the edible oil wreaks havoc on the environment, leading to deforestation, habitat degradation, and loss of animal habitat.

  2. Elmo Perera says:

    The one million home gardens program organized by the Mahaweli, Agriculture, Irrigation, and Rural Development Ministry and the Samurdhi Development Department of the Social Security Ministry will be implemented from tomorrow.

    BUT THE BUREAUCRATS ARE NOT WORKING. NOTA SINGLE PLANT AT RMA, KIRIMADALA MW,& COL 5 SALES OUTLET OPP: PUB LIBRARY.NO UREA, MURIATE OF POTASH AT RMA CENTRE BUT OPPOSITE PVT SHOP HAS PLANTS, FERTILIZER PLENTY.ALSO AT COLOMBO GARDEN CENTRE HAVELOCK RD. RESPECTFULLY SUGGEST TO H/O THIS TASK TO THE ARMY AND PVT SECTOR AND CLOSE THE NOE PERFORMING PUBLIC SECTORS. THEY ARE AN OBSTACLE FOR HE TO ARCHIVE THE DEVELOPMENTS GOAL

  3. siril says:

    හරිම හොඳ දෙයක් එතනෝල් ආනයනය තහනම් කරපු එක. සිංහලජාතිකයෙක් වගේ පෙන්න නම කොට කරගත්තු ,ද්‍රවිඩ ජාතික රවී කරුණානායක යහපාලන ආණ්ඩුවේ මුදල් ඇමති වෙලා ඉන්න කාලේ එතනෝල් ආනයන බද්දෙන් නිදහස් කරා , මොකද දන්නවද මිනිහගේ කොම්පැනියේ තමයි එතනෝල් වැඩියෙන්ම ආනයනය කරන්නේ . මිනිහ මුදල ඇමති වෙලා ඉන්න කොට බජට් එක හැදුවේ මිනිහටයි මිනිහගේ ඇ ම්බැ ට්ටයන්ටයි වාසි වෙන්න, රටේ ආර්ථිකය ගැන හිතලා නෙවෙයි.
    එතනෝල් කියන්නේ රටට අවශ්‍ය නැතිම දෙයක්.

Main News