මෙවර අයවැය ‘ගල් අරක්කු’ අයවැයක්.. ජනතාව හාල්, අල, ලූණු, පරිප්පු කන බව අමතක කරලා..

March 6, 2019 at 3:50 pm | lanka C news
මෙවර අයවැය ‘ගල් අරක්කු’ අයවැයක්.. ජනතාව හාල්, අල, ලූණු, පරිප්පු කන බව අමතක කරලා..

පාරිභෝගික අයිතීන් සුරැකීමේ ජාතික ව්‍යාපාරය විසින් නිකුත් කර ඇති මාධ්‍ය නිවේදනයක් මෙහි දැක්වෙයි.

ජනතාව හාල්, අල, ලූණු, පරිප්පු පරිභෝජනය කරන බව අමතක කල 2019 අයවැය ගල් අරක්කු අයවැයක්!

ජනතාවට සහන රැසක් ලබා දෙන බවට මාස ගණනක් තිස්සේ සිට පාරම්බෑ අය වැය පාර්ලිමේන්තුවට ඊයේ දිනයේ ඉදිරිපත් කර අතර එම අයවැය මගින් ජනතාව වර්තමානයේ මුහුණ දෙන ගැටලු සදහා විසදුම් බලා දී නැත. අත්‍යාවශ්‍ය භාණ්ඩ මිල ගණන් පිළිබදව කිසිදු සදහනක් නොමැති මෙම අය වැයෙන් මුදල් ඇමතිවරයා සහන ලබා දී ඇත්තේ ගල් අරක්කු පරිභෝජනය කරනු ලබන පාරිභෝගිකයින්ට පමණි. ඒ අනුව අපට මුදල් ඇමතිවරයාගෙන් ඇසිය යුත්තේ මේ රටේ ජනතාවට තිබෙන එකම ගැටලුව ගල් අරක්කු මිල වැඩිවීම පමණක්ද යන්නයි.

දිනපතා අධිවේගී මාර්ගය භාවිතා කරනු ලබන විශාල පිරිසක් සිටින අතර අධිවේගී මාර්ග ගාස්තු වැඩි කිරීම මගින් සාමාන්‍ය ජනතාවට අධිවේගී මාර්ග භාවිතා කිරීම නවතා දැමීයට සිදුව ඇත. දුප්පතාගේ වාහනය වන ත්‍රීරෝද රථ මිල හා කුඩා කාර් රථ සදහා පනවනු ලද බදු මුදල් කිසිසේත්ම අනුමත කල නොහැක.

පරිසරය සුරකීම සම්බන්ධයෙන් වන යෝජනාව පමණක් අර්ථාන්විත වන අතර අනෙක් සියලු යෝජනා පාරිභෝගිකයාට එතරම් වැදගත් වන බවක් පෙනෙන්නට නැත.

මුදුණ කඩදාසි සදහා වන බදු මුදල් අඩු කොට  පුවත්පත් මිල ගණන් අඩු කරාවියැයි පාරිභෝගිකයා බලා පොරොත්තු විය. එහෙත් එසේ සිදුවූයේ නැත. අන්තර්ජාල ගාස්තු හා දුරකතන ගාස්තුද එසේමය.

කෙසේ වෙතත් අප මුදල් ඇමතිවරයාගෙන් ඉල්ලා සිටින්නේ අත්‍යවශ්‍ය දුව්‍ය මිල අඩු කිරීමට අවශ්‍ය ක්‍යාමාර්ග වහාම ගන්නා ලෙසය.

රංජිත් විතානගේ
සභාපති
පාරිභෝගික අයිතීන් සුරකීමේ ජාතික ව්‍යාපාරය

19,115 Viewers

6 Comments to “මෙවර අයවැය ‘ගල් අරක්කු’ අයවැයක්.. ජනතාව හාල්, අල, ලූණු, පරිප්පු කන බව අමතක කරලා..”

  1. Love nature says:

    රටේ අපරාධ වැඩිවීමට හේතුව අරක්කු’බීම බව හෙළිවේ

  2. Love nature says:

    ලෝකයේ අති බහුතරය සැර අඩු මත්පැන්වලට යොමුවී සිටියදී මෙරට බහුතරය සැර වැඩි මත්පැන්වලට යොමු වෙමින් සිටිති. ලෝකයේ අරක්කු පරිභෝජනය 31% වෙද්දී මෙරට 85%කි.

  3. Love nature says:

    මත්පැන් බොහොමයක තිබෙන රසායනික ද්‍රව්‍යයක් වන්නේ එතනෝල් නැතහොත් ඊතයිල් මද්‍යසාරයයි. මෙයින් ස්නායුවලට බරපතළ හානි සිදු විය හැකියි. ඇත්තෙන්ම මත්වීම කියන්නේ යම් ආකාරයක විෂවීමක්. ඊතයිල් මද්‍යසාරය වැඩි ප්‍රමාණයක් ශරීරගත වුවහොත් සිහි මූර්ඡා වීමටත්, මරණයට පවා පත්වීමටත් ඉඩ තිබෙනවා. උදාහරණයකට ජපානයේ සිටින ශිෂ්‍යයන් විනෝදයට කරන්නේ මත්පැන් එක හුස්මට ගිල දැමීමයි. මෙම පුරුද්ද නිසා සෑම වසරකම ශිෂ්‍යයන් බොහෝදෙනෙක් මරණයට පත් වෙනවා. ඊතයිල් මද්‍යසාරය ශරීරගත වූ පසු එහි සැර ගතිය අඩු වන්නේ යම් කාලයක් ගත වුණායින් පසුවයි. එක විගස මත්පැන් පානය කළොත් ශරීරයට එය දරාගත නොහැකි වෙයි. එවිට ශරීරයේ ඇති ඊතයිල් මද්‍යසාරය ක්‍රම ක්‍රමයෙන් වැඩි වී මොළයේ ක්‍රියාකාරිත්වයට බාධා සිදු වෙන්න පටන්ගනියි. එසේ වන්නේ කෙලෙසද?

    කතා කිරීම, පෙනීම, සිහි කල්පනාව ඇතුව දේවල් කිරීම, කල්පනා කිරීම සහ හැසිරීම යන සියල්ල සිදු වන්නේ මොළයේ ස්නායු නැතහොත් ප්‍රධාන සෛලවල සිදු වන පුදුමාකාර රසායනික ප්‍රතික්‍රියා දාමයක් නිසයි. මේ රසායනික ප්‍රතික්‍රියා මාර්ගයෙන් මොළයට අවශ්‍ය සංඥා ලැබෙනවා. ඊතයිල් මද්‍යසාරය ශරීරයේ තිබෙනවා නම් එම රසායනික ද්‍රව්‍යවල සංයුතිය වෙනස් වෙනවා. එවිට මොළයට නිවැරදි සංඥා ලැබෙන්නේ නැහැ. එමනිසා මෙම නොපෙනෙන ක්‍රියාවලිය කෙනෙකුගේ ක්‍රියාකලාපයෙන් දිස් වෙනවා. මත් වූ විට ඔහුගේ හෝ ඇගේ කතා විලාසය වෙනස් වෙනවා; පෙනීම දුර්වල වෙනවා. එවැනි කෙනෙක් ගමන් කරන්නෙත් වැනි වැනියි. එමෙන්ම නුසුදුසු ලෙස හැසිරෙන්නත් පටන්ගන්නවා.

  4. Love nature says:

    මත්පැන් සුළු ප්‍රමාණයක් වුවත් රිය පැදවීමේ හැකියාවට බාධාවක් විය හැකියි.

  5. Open mind says:

    ජනතාව සුඛිත මුදිත වූයේ මේ සංවිධානය නිසා.පවු නේද ?

Main News