මේ ආණ්ඩුව පෙරලීම හීනයක්.. ජනතාව ආණ්ඩුවට දැඩි කැමැත්තෙන් ඉන්නේ…

April 30, 2021 at 2:23 am | lanka C news
මේ ආණ්ඩුව පෙරලීම හීනයක්.. ජනතාව ආණ්ඩුවට දැඩි කැමැත්තෙන් ඉන්නේ…

විපක්ෂයට  හීන බලන්න අයිතියක් තිබෙනවා . හැබැයි හීනෙන් දොඩවන එක තමයි ප්‍රශ්ණය . ජනතාව තුල මේ රජය ගැන තිබෙන විශ්වාසය හා මේ රජයට සහයෝගය ලබා දීමට ජනතාව තුල තිබෙන දැඩි කැමැත්ත නිසා වත්මන් රජය පෙරළීම යනු ලක්ෂ්මන් කිරිඇල්ල සජිත් ප්‍රේමදාස සහ අනුර දිසානායකගේ සිත් වල තිබෙන කිසිදා ඉටු කර ගැනීමට නොහැකි  සිහිනයක් බව ආණ්ඩුපක්ෂයේ ප්‍රධාන සංවිධායක මහාමාර්ග අමාත්‍ය  ජොන්ස්ටන් ප්‍රනාන්දු පවසයි.

කුරුණෑගල දිස්ත්‍රික්කයේ ශ්‍රී ලංකා පොදු ජන පෙරමුණේ පළාත් පාලන නියෝජිතයන් සමඟ පැවති සාකච්ඡාවකින් අනතුරුව මාධ්‍ය අමතමින් අමාත්‍ය ප්‍රනාන්දු මහතා මේ බව ප්‍රකාශ කරන ලදි .

මෙහිදී වැඩිදුරටත් අදහස් දැක්වූ අමාත්‍ය ජොන්ස්ටන් ප්‍රනාන්දු…

මෑත කාලයේ දී පැවැත්වූ සෑම මැතිවරණ වලදීම සජිත් – අනුර යන ද්විත්මයටම අත්වූයේ අන්ත පරාජයක් . මුලින්ම ප්‍රාදේශීය සභා මැතිවරණයේ පරාජයෙන් පස්සේ ජනාධිපතිවරණයෙන ජයග්‍රහණය කරනවා කියලා සිහින මැව්වා .ඊට පස්සේ ජනාධිපතිවරණයේ දී අත්වූ පරාජයෙන් පස්සේ උදම් අනමින් සිහින මැව්වා මහමැතිවරණය ජයග්‍රහණය කරනවා කියලා . ඒ සිහිනයත් අනිත් මවපු සිහින වගේම බොදවුනා .  දැන් ආපහු ලක්ෂ්මන් කිරිඇල්ල මහත්තයා දවල් හීන දකිනවා මේ ආණ්ඩුව පෙරළා දමන්න.  උඩ බලන් සිහින දකිනවා ඇරෙන්න වෙන දෙයක් මේ විපක්ෂය දැන් කරන්න නැහැ. ඒ නිසා මඩ ගහන්නයි බොරු බේගල් සමාජ ගත කරන්නයි තමයි උත්සහ කරන්නේ.මෑත කාලයේ ඔවුන් ප්‍රචාරය කර ඇති බොරු දෙස බලන්න. පළමුවෙන්ම ඔවුන් තමන්ගේ  දේශපාලන වාසියට  මේ කොවිඩ් වසංගතය හරවා ගැනීමට උත්සය කලා . මිනිස්සු කොවිඩ් වලින් මිය යනකන් බලන් හිටියෙ.නමුත් අපේ රජය කොවිඩ් වසංගතයට  ඉතාමත් සාර්ථක ලෙස මුහුණ දුන්නා. ඒනිසා රජය පෙරලා දැමීමේ විපක්ෂයේ සිහිනය බිද වැටුනා .

ඊලගට  ඔවුන් රටේ  ආර්ථිකය බිඳවැටෙනවා කියලා  කෑගැසුවා නමුත් අපි ආර්ථිකය මනා ලෙස කලමනාකරණය කලා.  මානව හිමිකම් කවුන්සලයේ  ඡන්දය ගන්නා විට  අපට එරෙහි යෝජනා සම්මත වුවහොත් මේ රට මුහුණ දෙන අන්තරායන් ගැන කතා කර කර රටට විපතක් වෙනකම් බලන් හිටියා.  එවැනි කිසිවක් සිදු වුනේ නැහැ. ඉන්පසුව ඔවුන් පාරිසරික විනාශයක් ගැන විලාප තිබ්බා. සමාජ මාධ්‍ය වල බොරු වැපිරුවා.නමුත් එවැනි දෙයක් නොමැති බව අපි ඔප්පු කළා . ලංකාගම මාර්ග සංවර්ධනයේ දී සිංහරාජයේ එක ගසක් කපන්නේ නැතිව මාර්ගය සංවර්ධනය කරලා අපි පෙන්නුවා .විපක්ශයට මම කිව්වාම යමු ලංකාගමට කියලා එක්කෙනෙක් ආවේ නෑ.

ඉන් පසුව ඔවුන් පාස්කු ඉරිදා විමර්ශනවලින් ප්‍රයෝජන ගැනීමට උත්සාහ කළා. පාස්කු ප්‍රහාරයේ වින්දිතයින් වෙනුවෙන් කතා කරනවා වෙනුවට විපක්ෂ පාස්කු ප්‍රහාරය සිදු කිරීමට අනුබල දීමේ චෝදනාව මත අත්අඩංගුවට ගත් අය වෙනුවෙන් අද විපක්ෂය හඩා වැලපෙනවා . වින්දිතයන්ට සාධාරණයක් ඉටු කරනවා වෙනුවට දේශපාලඥයින් අත්අඩංගුවට ගන්නවා කියලා හඩා වැටෙනවා . ත්‍රස්ත ප්‍රහාර සිදුවූයේ ඔවුන්ගේ යහපාලනයේ තිබුණු වැරදි නිසා බව විපක්ෂට දැන් අමතකයි. ඔවුන් කාදිනල් මැල්කම් රංජිත්  හිමිපාණන්ව දේශපාලනයට ගාවා ගැනීමට  උත්සාහ කළා එම උත්සහය අසාර්ථක වීමෙන් පසු දැන් ඔවුන් කාදිනල් හිමිපාණන්ට මඩ ගහනවා.

දැන් විපක්ෂය කතා කරන්නේ ආණ්ඩුව පෙරළා දැමීමේ ඔවුන්ගේ නවතම සිහිනය ගැනයි. මම ඔවුන්ට අභියෝග කරනවා ඔවුන්ගේ ඡන්ද කොට්ඨාශයට ගොස් මිනිසුන් සමඟ කතා කරන්න කියලා . එතකොට ඔවුන්ට තේරෙයි මිනිස්සු ඉන්නේ ඔවුන් එක්ක ද අපිත් එක්ක ද කියලා . එතකොට ඔවුන්ට ඔවුන්ගේ සිහිනය ගැන තේරුම් ගත හැකියි. විපක්ෂය යනු බෙලහීන බලවේගයක් බව මේ රටේ ප්‍රගතිශීලි ජනතාව දන්නවා .  කළ නොහැකි දේ ගැන සිහින දකිනවා මිස විපක්ෂයට වෙන කිසිවක් කළ නොහැකියි. සිහින දැකීම අයිතියක් හැබැයි සිහිනෙන දොඩවන එක තමයි හාස්‍යට කාරණය.  බිම් මට්ටමින් ජනතා හදවත් වලින් විපක්ෂය අතුගෑවී අවසන්.

මාධ්‍ය ඒකකය
මහාමාර්ග අමාත්‍යාංශය

21,744 views

35 Comments to “මේ ආණ්ඩුව පෙරලීම හීනයක්.. ජනතාව ආණ්ඩුවට දැඩි කැමැත්තෙන් ඉන්නේ…”

  1. ගමේ මනුස්සයා says:

    ඕං ඕකයි ජනතාව ගැන හිතන් ඉන්න විදිය

  2. bolilima says:

    ඡන්දෙ තියන්නකෝ මහත්තයෝ

  3. පචයා says:

    මමත් චන්දෙ දුන්නෙ ාම්කට තමයි, ඒවගේම ඉසරහට සජිත්ටනම් දෙන්නෙම නැහැ. හැබැයි මේකට වඩා හොඳ පක්ෂයක් ඇතිවුනොත් ඒකට මම දෙනවා. ඇමති තුමා එලියට බැහැල ටිකක් ඇස් ඇරල බලන්න

Main News