මේ ටීම් එකට ඔ්වර 50ක් ඉන්නවත් බෑ.. චන්දිමාල් සිටිය යුතුමයි.. සභාපති මාලිංගට ක්‍රිකට් ඉගැන්වීම විහිළුවක්..- 96 ලෝක සූර නායකයා අද කණ්ඩායම පතුරු අරී..

April 19, 2019 at 1:20 pm | lanka C news
මේ ටීම් එකට ඔ්වර 50ක් ඉන්නවත් බෑ.. චන්දිමාල් සිටිය යුතුමයි.. සභාපති මාලිංගට ක්‍රිකට් ඉගැන්වීම විහිළුවක්..- 96 ලෝක සූර නායකයා අද කණ්ඩායම පතුරු අරී..

චන්දිමාල් වැනි ජ්‍යෙෂ්ඨ ක්‍රීඩකයකු ලෝක කුසලාන තරගාවලියේ ශ්‍රී ලංකා සංචිතයට ඇතුළත් නොවීම විශාල පාඩුවක් බව හිටපු ටෙස්ට් ක්‍රිකට් නායක අමාත්‍ය අර්ජුන රණතුංග මහතා පවසයි. ඔහු අවධාරණය කළේ ලෝක කුසලාන තරගාවලිය එංගලන්තයේ පැවැත්වෙන බැවින් එය පැති කිහිපයකින් ශ්‍රී ලංකාවට ඍණාත්මක බලපෑම් එල්ල කරනු ඇති බවයි. එවැනි තත්ත්වයක් තුළ පන්දුවාර පනහ ක්‍රීඩා කළ හැකි ක්‍රීඩකයකු ලෙසට දිනේෂ් චන්දිමාල් වැනි ක්‍රීඩකයකු සංචිතයේ සිටීම වැදගත් බවද අර්ජුන රණතුංග මහතා කියා සිටියේය.

ඒ ඔහු අද (19) උදෑසන ගමේ පන්සල ගමට සවියක් ප්‍රජා සත්කාරක වැඩසටහනට එක් වෙමිනි. මව්රට සංවිධානය ඉදිරිපත් කළ එම ප්‍රජා සත්කාරක වැඩසටහන කඩවත දළුපිටිය ශාක්‍ය සිංහාරාමයේදී පැවැත්විණ.

එහිදී මාධ්‍යවේදීන් නැඟූ ප්‍රශ්නවලට වැඩිදුරටත් පිළිතුරු දෙමින් අමාත්‍ය අර්ජුන රණතුංග මහතා පැවසුවේ ක්‍රීඩකයින්ට නිදහසේ ක්‍රීඩා කිරීමට ඇවැසි වටපිටාව ඉක්මනින්ම ඇති කළ යුතු බවයි.

“පළමු වැනිව අපි මේ වෙලාවේ සංචිතය ගැන කතා කරනවාට වඩා තෝරා ගත් ළමයින්ට විශාල ශක්තියක් ලබා දිය යුතු වනවා. රටට ගෞරවයක් ගෙන එන්න ඔවුන්ට ශක්තිය සහ වාසනාව ලැබේවා කියා අපි ප්‍රාර්ථනා කළ යුතු වනවා. නමුත් දෙවැනුව ගැඹුරින් බලන විට මේ සංචිතය ගැන මට නම් සෑහීමකට පත් වෙන්න බැහැ. අපි ලෝක කුසලාන තරගාවලියකට යැවිය යුත්තේ ශක්තිමත් කණ්ඩායමක්. එහි ජ්‍යේෂ්ඨ ක්‍රීඩකයින්ද සිටිය යුතු වනවා. ඒ අතින් බැලූ විට මෙවර කණ්ඩායමට ඇතැම් ජ්‍යෙෂ්ඨ ක්‍රීඩකයින් කිහිප දෙනකු ඇතුළත් නොමැති වීම ලොකු අඩුපාඩුවක්. විශේෂයෙන්ම දිනේෂ් චන්දිමාල්. චන්දිමාල් වැනි ක්‍රීඩකයෙක් කණ්ඩායමේ සිටිය යුතු ක්‍රීඩකයෙක්. කණ්ඩායමට ඕවර් පනහ ගහන්න පුළුවන් ක්‍රීඩකයින් සිටිය යුතු වනවා. නමුත් අද එවැනි ක්‍රීඩකයින් අපේ කණ්ඩායමේ ඉන්නවද කියලා සැකයක් තියෙනවා. ඒ නිසා අපි එක එක්කෙනාගේ පෞද්ගලික රුචි අරුචිකම් මත කණ්ඩායමක් තේරිය යුතු නැහැ. එහෙම නොකළානම් මීට වඩා හොඳ කණ්ඩායමක් අපිට තෝරා ගන්න තිබුණා….”යිද අමාත්‍ය අර්ජුන රණතුංග මහතා පැවසීය.

වැඩිදුරටත් ඔහුගෙන් මාධ්‍යවේදීන් විමසා සිටියේ ලසිත් මාලිංගට එරෙහිව ක්‍රිකට් සභාපතිවරයා කළ වාග් ප්‍රහාරය කොතරම් දුරට කණ්ඩායමේ මානසිකත්වයට බලපානු ඇතිද යන්නයි.

“සූදුකාරයොයි, ක්‍රිකට් ගහපු නැති මිනිස්සුයි, ඔය ක්‍රීඩා සමාජවලට ටිකක් ක්‍රීඩා කරපු මිනිස්සුයි තමයි අද ක්‍රිකට් දුවන්න හදන්නේ. ඔවුන් හදනවා ක්‍රීඩයින්ට ක්‍රිකට් උගන්වන්න. විශේෂයෙන්ම පසුගිය දිනක ක්‍රිකට් සභාපතිවරයා මාධ්‍ය හරහා ලසිත් මාලිංගට ක්‍රිකට් උගන්වන්න හැදුවා. ක්‍රිකට් සභාපතිවරයාට තියෙන්නේ ක්‍රිකට් පරිපාලනය කරන්න. ක්‍රිකට් ක්‍රීඩාව කරන්න නෙමෙයි. ක්‍රීඩාවට අත ගහන්න නෙමෙයි. අද සූදූකාරයෝ තමන්ගේ ක්‍රියාදාමය වෙන මිනිස්සු දාලා කරවනවා. මේක අවාසනාවන්ත තත්ත්වයක්….”යි ඊට ප්‍රතිචාර දක්වමින් අමාත්‍ය අර්ජුන රණතුංග මහතා පැවසීය. දැන් රටක් හැටියට සියලු දෙනා එක්ව කණ්ඩායමට සුබ පැතිය යුතු යැයිද ඔහු අවධාරණය කළේය.

“දැන් කණ්ඩායම තෝරලා ඉවරයි. දිනේෂ් චන්දිමාල් වැනි ක්‍රීඩකයෙක් නැවත කණ්ඩායමට එක් කිරීම බොහෝම අපහසුයි. ඒ සඳහා තියෙන්නේ සීමිත අවස්ථාවක්. ඒ නිසා දැන් තෝරා ගත් සංචිතය ලෝක කුසලානය සඳහා සූදානම් කිරීම වැදගත් වෙනවා. ලෝක කුසලාන තරගාවලිය කියන්නේ විශාල තරගාවලියක්. අවසන් පූර්ව තරගයකට එන්න තරග පහක් හයක් දිනන්න ඕන. එංගලන්තේ තියෙන්නේ. ඍණාත්මක තත්ත්වයන් වැඩියි. ඒ නිසා කණ්ඩායමේ සෑම ක්‍රීඩකයෙක්ම ක්‍රිකට් ගැන විතරක් හිතලා ඉදිරියට කටයුතු කරන්න ඕන. මනස එක අරමුණක තියා ගෙන ක්‍රීඩා කරන්න ඕන. එහෙම වුණොත් අපිට සෑහෙන දුරකට යන්න පුළුවන්….”

– තමීර මංජු

60,482 Viewers

8 Comments to “මේ ටීම් එකට ඔ්වර 50ක් ඉන්නවත් බෑ.. චන්දිමාල් සිටිය යුතුමයි.. සභාපති මාලිංගට ක්‍රිකට් ඉගැන්වීම විහිළුවක්..- 96 ලෝක සූර නායකයා අද කණ්ඩායම පතුරු අරී..”

  1. Prabhoo says:

    Chandimal has lost his talents, and he can be depended upon just like DickW. Dimuth did really well as a test captain in South Africa which is a tremendous achievement. I see a lot of logic in the team selection and politicians irrespective of their past deeds shouldn’t make such irresponsible comments, as you can’t nominate 50 players for the world cup. This is our best team, and they must think and play positive cricket.

    • Prashan perera says:

      Sport minister Harin and dimuth from same school well as Mathews and Thisara. Catholic Mafia . Gebrial plan

    • Kumar says:

      Asantha de mel once showed us what he is capable of involvimg hedging scandle. He might be a good fast bowling coach. But his world cup selection is pathetic. he is a proven mutt by all means. Only time will tell.

  2. Chandrawathi says:

    This is just sour grapes.The only subject he is now good at criticism.The journalists love to prompt him to get some headline catching news.Arjuna does not realise what a fool he has become!

  3. Kule says:

    Kathaawa eththa, namuth Chandimal wedak nee…

  4. Nandasoma says:

    ලෝක කුසලානෙට සෙල්ලම් කරන්න හොඳ පළපුරුදු කණ්ඩායමක් සිටිය යුතුයි…..!

    හැමදාම කණ්ඩායම මාරු කරල, ලෝක කුසලානෙට ගහන්න පුලුවන් කියල හිතන, මෝඩ පරිපාලනයක් හිටිය පාලක මන්‍ණ්ඩලය මේ ටික තේරුම් ගන්න බැරි වීම කණගාටුවක්…..!!

    කණ්ඩායමට තෝර ගත්තට පස්සෙ, ක්‍රීඩකයන්ට හොඳ මානසික ස්ථාවරතවයකින් ක්‍රීඩා කිරීමේ වාතාවරණයක් තිබිය යුතුයි…..!!!

    එක තරඟයක් දෙකක් අසාර්ථක උනොත් කැපෙයි කියල බයේ සෙල්ලම් කරන්න බැහැ….!!!!!

  5. Sri lankan says:

    Chandimal fail welawe eliye hitapu nisa ona rest eka lebuna.. mata mathaka vidiyata mahela ekka hodata england wala play kala..

  6. Anonymous says:

    99 ලෝක කුසලානය තිබුණෙත් එංගලන්තයේ. එතකොට ඔබතුමාගේ නායකත්වය යටතේ 96 ලෝක කුසලානය දිනපු කණ්ඩායමේ ගුරුසිංහ හැර අනික් පරිණත ක්‍රීඩකයෝ ගොඩක් හිටියා. ඒත් මූලික වටයෙන්ම ඉවත්වෙලා ගෙදර එන්න වුණා. එතකොට මොකද වුණේ? එතකොට තිබුණු සෘණාත්මක තත්ත්වය මොකද්ද?

Main News