මේ රට හරි ලස්සන මල්වත්තක්…සිංහල මෙන්ම දෙමළ සංස්කෘතිකයද රැක ගත යුතුයි…

August 7, 2017 at 8:40 am | lanka C news
මේ රට හරි ලස්සන මල්වත්තක්…සිංහල මෙන්ම දෙමළ සංස්කෘතිකයද රැක ගත යුතුයි…

13 වන දෙමළ ජ්‍යාත්‍යන්තර සම්මේලනය අද දින උතුරු පළාත් ආණ්ඩුකාර රෙජිනෝල්ඩ් කුරේ මහතාගේ සහභාගිත්වයෙන් යාපනය විශ්වවිද්‍යාලයේ කෛලාසපති ශාලාවේදී පැවැත්විණි.

මෙය සෑම වසර 3කට වරක් පවත්වනු ලබන අතර මෙවර ශ්‍රී ලකාවේ පළමු වරට යාපනයේදී පැවැත්විය.

ජාතික සංහිදියා වැඩ පිළිවෙල අරමුණු කරගෙන පැවැත්වෙන මෙම සම්මේලනය දින දෙකක් පුරා පැවැත්වේ.

එහිදී අදහස් දැක්වූ රෙජිනෝල්ඩ් කුරේ මහතා,

‘සිංහල සංස්කෘතියේ ගතිලක්ෂණ මෙන්ම ද්‍රවිඩ සංස්කෘතික ගති ලක්ෂණද   ආරක්ෂා කරවීම සදහා  පැවැත්වෙන මෙම සම්මේලනය සම්බන්දව සියලු නායකයින්ට  මගේ හද පිරි ස්තුතිය.වර්තමානයේ නවීන තාක්ෂනය දියුණුවත් සමග සංස්කෘතිය රැකගැනීම අපහසුවී තිබෙනවා.

ඒවා ආරක්ෂා කරගැනීමට මෙවැනි වැඩසටහන් සංවිධානය කිරීම පිලිබදව මම ස්තුතිවන්ත වෙනවා.

මේ රට හරි ලස්සන මල්වත්තක්.මේ මල් වත්තේ එක එක ජාතියේ මල් තිබෙනවා.එක එක සුවද තියෙනවා.ඒ නිසා තමයි මේ මල්වත්ත හරි ලස්සනට තියෙන්නේ.

ඒවගේම මේ ලෝකේ එක එක සංස්කෘතීන් තියෙනවා.ඒවා හරි ලස්සනයි. මේ කෙටි කාලය තුල උතුරු පළාත විශාල දියුණුවකට ලක් වී තිබෙනවා.

මම ඉල්ලීමක් කරනවා මේ සම්මේලනයට සම්බන්ද ඔබ කොයිරටේ හිටියත් තමන්ගේ සංස්කෘතිය රැකගන්න,ආරක්ෂා කරගන්න කියලා’

– වජිර කොඩිතුවක්කු

93 views
Main News