මෝදිගේ සර්වලෝක පූට්ටුවට ලංකාවත්..?

February 21, 2021 at 12:02 am | lanka C news
මෝදිගේ සර්වලෝක පූට්ටුවට ලංකාවත්..?

ඉන්දියාවේ පාලක පක්ෂය වන භාරතීය ජනතා පක්ෂය ගෝලීය පක්ෂයක් බවට පත්කිරීමේ දැවැන්ත වැඩපිළිවෙළක් මේ වන විට ආරම්භ කර ඇත. ඒ අනුව නේපාලය ඇතුළු කලාපයේ සෙසු රටවලද BJP ශාඛා පිහිටුවීම කෙරෙහි අවධානය යොමුව තිබේ.

ශ්‍රී ලංකාව සම්බන්ධයෙන්ද ඔවුන් මේ උපක්‍රමශීලී මෙහෙයුම දියත් කිරීමට නියමිත බව ත්‍රිපුර ප්‍රාන්තයේ ප්‍රධාන අමාත්‍ය බිප්ලාබ් ඩෙබ්ගේ ප්‍රකාශයක් මගින් අනාවරණය වී ඇත. දැන් මේ සම්බන්ධයෙන් කලාපය තුළ මහත් ආන්දෝලනයක් ඇතිව හමාරය.

ත්‍රිපුර ප්‍රාන්තයේ ප්‍රධාන අමාත්‍ය බිප්ලාබ් ඩෙබ් කියා ඇත්තේ ඉන්දීය ස්වදේශීය කටයුතු අමාත්‍ය අමිත් ෂා ශ්‍රී ලංකාවේ සහ නේපාලයේ “භාරතීය ජනතා පක්ෂ” ආණ්ඩු පිහිටුවීමට අවශ්‍ය සැලසුම් සකස් කර ඇතැයි පැවසූ බවකි. පසුගිය දිනක “රබීන්ද්‍රර සතබාර්ෂිකි භවන්” හිදී පැවති භාරතීය ජනතා පක්ෂයේ රුස්වීමකදී අමාත්‍ය අමිත් ෂා මහතා මේ බව ප්‍රකාශ කළ බව ත්‍රිපුර ප්‍රාන්තයේ මහ ඇමැතිවරයා ප්‍රකාශ කර ඇත.

මේ වන විට භාරතීය ජනතා පක්ෂය ඉන්දියාවේ බොහෝ ප්‍රාන්තවල ආණ්ඩු පිහිටුවා හමාරය. භාරතීය ජනතා පක්ෂය සමස්ත ඉන්දියාවේ සියලුම ප්‍රාන්ත ජය ගැනීමෙන් අනතුරුව අසල්වැසි රටවල භාරතීය ජනතා පක්ෂය ස්ථාපිත කිරීම සහ භාරතීය පක්ෂ ආණ්ඩු පිහිටුවීමට මැදිහත්වීමට නියමිත බව ඇඟවෙන ප්‍රකාශයක් මෙහිදී ඉදිරිපත්ව තිබේ.

“අපි රජයේ තානායමක සාකච්ඡාවක නිරත වී සිටින අතරතුර භාරතීය ජනතා පක්ෂයේ වයඹ පළාත් ලේකම් අජේ ජම්වාල් පවසා සිටියේ භාරතීය ජනතා පක්ෂය ඉන්දියාවේ බොහෝ ප්‍රාන්තවල ආණ්ඩු පිහිටුවා හමාර බවයි.

එයට පිළිතුරු වශයෙන් ස්වදේශීය කටයුතු අමාත්‍ය අමිත් ෂා නේපාලය සහ ශ්‍රී ලංකාව දැනට ඉතිරි වී ඇති බවත් අපට ශ්‍රී ලංකාවට සහ නේපාලය කෙරෙහි අවධානය යොමු කර එම දෙරටෙහි අපේ ආණ්ඩු ස්ථාපිත කිරීමට කටයුතු කිරීමට සිදුවන බවත් පවසා සිටියා.” යැයි ත්‍රිපුර ප්‍රාන්තයේ ප්‍රධාන අමාත්‍ය බිප්ලාබ් ඩෙබ් මහතා පැවසූ බව වාර්තා කර සිටීන්නේ ඉන්දීය මාධ්‍යයන්මය.

භාරතීය ජනතා පක්ෂය සමස්ත ලෝකයේම වැඩිම සාමාජිකයන් සංඛ්‍යාවක් සිටින පක්ෂය බවට පත්කිරීමට අමිත් ෂා ගේ නායකත්වය යටතේ හැකිවූ බව ත්‍රිපුර ප්‍රාන්තයේ මහ ඇමැතිවරයා වැඩිදුරටත් පවසා ඇත.

නමුත් මේ ආන්දෝලනාත්මක ප්‍රකාශයට දැන් ඒ රට තුළින්ම විරෝධය පැන නැගී තිබේ. මේ කතාව හෙළා දකින එරට විරුද්ධ පක්ෂ රුසක ක්‍රියාකාරීන් කියා ඇත්තේ ඉන්දීය ස්වදේශ කටයුතු අමත්‍ය අමිත් ෂා ගේ ප්‍රකාශය අධිරාජ්‍යවාදී ප්‍රකාශයක් වන බවය. ඉන්දියාව වසර ගණන් සිය ඉන්දීය ස්වදේශිකයාගේ ජීවිත පූජා කරමින් සටන් වැදුණේ අධිරාජ්‍යවාදයට එරෙහිව බව ඔවුහු පෙන්වා දෙති. ඒ අනුව එවන් ඉතිහාසයක් හිමි ඉන්දියාවට නේපාල රාජ්‍යයේ සහ ශ්‍රී ලංකාවේ ස්වෛරීභාවය පළුදු වන ලෙස එම රටවල අභ්‍යන්තර කටයුතු සඳහා ඇඟිලි ගැසීම් කළ නොහැකි බව ඔවුහු අවධාරණය කර සිටිති. ප්‍රධාන අමාත්‍ය බිප්ලාබ් ඩෙබ් මහතා මාධ්‍යයට කළ මේ ප්‍රකාශය සම්බන්ධයෙන් භාරතීය ජනතා පක්ෂයේ ඉහළ නායකත්වයෙන් වහාම පැහැදිලි කිරීමක් අවශ්‍ය බවටද ඉල්ලීමක් ඉදිරිපත්ව තිබේ.

සුගත් පී. කුලතුංගආරච්චි
– deshaya

64,871 views

12 Comments to “මෝදිගේ සර්වලෝක පූට්ටුවට ලංකාවත්..?”

  1. Boris says:

    A liar of international third class!

  2. 🙏😂🙏😂🙏😂🙏😂 says:

    සැම ආගමටම ගරු කරත් නායක මෝඳී
    ප්‍රාන්ත වෙන්වුනත් කණදීල අසයි ගරු දී
    භාරතීය ජනතා පක්‍ෂ ලොවම රැව් පිලිදී
    ආ දිනට ලොව හොල්ලයි ගූගල්ම පණදී

  3. 😅😅😅😅😅😅 says:

    ගෝලීය පක්‍ෂයක් කරනට මෙතුමා
    ඇයි දඟලනු කියමින් ලොව පැතුමා
    ඇමරිකා උප තනතුර ඉන්ඳියන් තමා
    සුද්ද රටෙත් මුදල් ඇමති හින්ඳි තමා

  4. "" තම්බ-පන්නී "" says:

    රාජිතව සොයනව මේ පූට්ටුවට උපදේශක ලෙස
    චතුර මුඛ පූට්ටුව නිමාකර එයි කතික ධූර ලෙස
    ජය ගන්නවා සිකුරුයි භාරතීය ජනතාවක් ලෙස
    දෙන්නම අභිමාන් ගරුපුද බැබලේ සිටුවරු ලෙස

  5. Buwa says:

    Paramanu bombayen umathu unu indiayawa, hitler bhumikawa rangadekwimata serasena hadai.

    • BJP says:

      ඇත්තම කතාව සර්වලෝක පූට්ටුව BJP නොව පොහොට්ටුව හෙවත් ‘පූට්ටුවයි’.රටේ නියම ලෝකොත්තරයෝ සෙට් එකක් එකතු වෙලා අටවගත්ත පොහොට්ටුවට හරියටම ගැලපෙන්නේ “සර්වලෝක පූට්ටුව” කියන නම තමා.

  6. Sirimal says:

    කොට්ටෝරුවට වුන දේ තමයි වෙන්නේ ලංකාවට හොම්බ දැම්මොත්

  7. අල්ලා says:

    🤚ඉන්ෂල්ල…

  8. බූරු පුතාණෝ සජියා says:

    මෝදියාට වයස අවුරුදු 70. බ්‍රතාන්‍යයේ මාග්‍රට් තැචර් වගේ ඉන්දියාවේ මෝඩි දිගටම අගමැති වෙලා ඉඳල වාර්තාවක් තියයි.

  9. ගමේ මිනිහා says:

    ආසියාව තමන්ගේ ආර්ථික යටත්විජිතයක් කරගන්න ඉන්දියාව නරිමෝල් උපායමාර්ග ගහනවා, ඒත් අන්තිමට චීනය දිනනවා, ඒ නිසා ලංකාව යන්තං වැනසෙන්නේ නැතුව බේරෙනවා.

  10. 😁 says:

    ඉන්දියානු ආක්‍රමණය… තව බලපල්ලා උන්ගෙ චිත්‍රපටි, කාපල්ලා උන්ගෙ කෑම, ඇඳපල්ලා උන්ගෙ ඇඳුම්,, බීපල්ලා උන්ගෙ බෙහෙත්, එලවපල්ලා උන්ගෙ ලදරං වාහන…
    තූඃ නොදකිං ලංකාවේ ඉඳගෙන ඉංදියාවට කහින බලු හැත්ත…

Main News