මෝල් වැටලීම අසාර්ථකයි.. ගෙනා තොගය රටටම දිනකට මදි.. මෝල් හිමියන්ට දින 10කින් මුදල් දෙන්න රජය පොරොන්දු වේ..

September 9, 2021 at 10:00 am | lanka C news
මෝල් වැටලීම අසාර්ථකයි.. ගෙනා තොගය රටටම දිනකට මදි.. මෝල් හිමියන්ට දින 10කින් මුදල් දෙන්න රජය පොරොන්දු වේ..

පොළොන්නරුව දිස්ත්‍රික්කයේ මහා පරිමාණ වී මෝල් හිමියන්ගේ ගබඩාවල සහල් ලබාගැනීම සඳහා ඊයේ (08 වැනිදා) ක්‍රියාත්මක කළ මෙහෙයුමේදී සහල් කිලෝග්‍රෑම් ලක්ෂ 10ක් පමණක් අත්‍යවශ්‍ය සේවා කොමසාරිස් ජනරාල්වරයාට ලබා දීමට වී මෝල් හිමියෝ එකඟ වී ඇත.

ජනාධිපතිවරයාගේ උපදෙස් මත අත්‍යවශ්‍ය සේවා කොමසාරිස් ජෙනරාල් මේජර් ජෙනරාල් සෙනරත් නිවුන්හැල්ල හා පාරිභෝගික කටයුතු පිළිබඳ අධිකාරියේ සභාපති විශ්‍රාමික මේජර් ජෙනරාල් ශාන්ත දිසානායක ඇතුළු විමර්ශන නිලධාරීන් පොලිසිය, ස.තො.ස. හා ආහාර කොමසාරිස් දෙපාර්තමේන්තු නිලධාරීන් සහ පොළොන්නරුව දිස්ත්‍රික් ලේකම් කාර්යාලයේ නිලධාරීන් එක්ව මහා පරිමාණ වී මෝල් හිමියන්ගේ සහල් ලබාගැනීම ඊයේ (08 වැනිදා) පෙරවරුවේ ආරම්භ කරන ලදී.

ලබා ගන්නා සහල් ස​.තො.ස. වෙත රැගෙන ඒම සඳහා ස.තො.ස. ආයතනය සතු ලොරි 70ක්ද රැගෙන ගිය නමුත් ලොරි 39කට ප්‍රමාණවත් සහල් පමණක් ලැබුණු බව අනාවරණය වේ.

නිපුන සහල් කර්මාන්ත ශාලාවෙන් ලොරි හයකට, අරලිය සහල් කර්මාන්ත ශාලාවෙන් ලොරි විස්සකට, නිව් රත්න සහල් කර්මාන්ත ශාලාවෙන් ලොරි දහයකට සහ සූරිය සහල් කර්මාන්ත ශාලාවෙන් ලොරි තුනකට ප්‍රමාණවත් සහල් ලැබී තිබේ. සම්බා, කීරි සම්බා සහ නාඩු සහල් තොග මෙලෙස ලැබී ඇත. ලබා ගත් සහල් ස.තො.ස. මගින් අලෙවි කර දින දහයක් ඇතුළත මුදල් ගෙවන බවට අත්‍යවශ්‍ය සේවා කොමසාරිස් ජනරාල් කාර්යාලය වී මෝල් හිමියන්ට පොරොන්දු වී ඇත. සහල් පාලන මිලට වඩා රුපියල් 3-5ත් අතර අඩු මුදලකට ලබාගෙන ඇත. අරලිය සහල් කර්මාන්ත ශාලාවේදී එහි හිමිකරු ඩඩ්ලි සිරිසේන ප්‍රකාශ කර ඇත්​තේ වී සඳහා ඉහළ මිලක් ගෙවීම හේතුවෙන් සහල් අඩු මිලකට ලබාදිය නොහැකි බවයි. තමන් මුහුණ දී ඇති අර්බුදය පිළිබඳව ඔහු කරුණු පැහැදිලි කර රටේ නීතියට ගරු කරමින් සහල් ලබාදෙන බව ප්‍රකාශ කර ඇත.

නිව් රත්න සහල් මෝලෙන් සහල් ලබාගැනීමට යාමේදී මහා සංඝරත්නය එම ස්ථානයට වැඩම කර බාධා එල්ල කර තිබේ. ‘‘දේශීය ආයතනවලට කරදර නොකරන ලෙසත් සහල් බලහත්කාරයෙන් ලබා නොගන්නා ලෙසත් මහා සංඝතරන්ය ඉල්ලා සිටියහ. මෙම ස්ථානයට විමර්ශන නිලධාරීන් පැමිණෙන විට නිව් රත්න සහල් ලොරි අටක සහල් පුරවා තිබූ අතර එක් සේවකයකු එම ලොරිවල තිරිංග ගලවා ඉවත් කිරීමට සූදානම් වුවද පොලිසිය එය ව්‍යර්ථ කළේය. කෙසේ වෙතත් විවිධ බාධා මධ්‍යයේ ලොරි දහයකට ප්‍රමාණවත් සහල් ලබාදීමට නිව් රත්න සහල් කර්මාන්ත ශාලා හිමිකරු එකඟ වී ඇත.

සහල් ලබාගැනීමට පෙර අත්‍යවශ්‍ය සේවා කොමාසාරිස් ජනරාල් කාර්යාලය මහා පරිමාණ වී මෝල්වල ඇති සහල් හා වී තොග පිළිබඳ වාර්තාවක් පොළොන්රුව දිස්ත්‍රික් ලේකම් කාර්යාලයෙන් ලබාගෙන තිබේ. එම වාර්තාවට අනුව මහා පරිමාණ වී මෝල් හතරක වී කිලෝග්‍රෑම් මිලියන 136ක් ඇති බව අනාවරණය වී තිබේ.

– aruna

59,867 views

34 Comments to “මෝල් වැටලීම අසාර්ථකයි.. ගෙනා තොගය රටටම දිනකට මදි.. මෝල් හිමියන්ට දින 10කින් මුදල් දෙන්න රජය පොරොන්දු වේ..”

  1. ඊබ්‍රහිම් සහෝදරයා says:

    මේ කූට ජාවරම් කාරයන් රජයට මට්ටු කරන්න බැරි නම් ජනතාව මේ වී මෝල් කොල්ල කන දිනය වැඩි ඈතක නොවන බව පැහැදිළියි

  2. කදුරැවෙල වෙල්විදානේ says:

    මෙි පැන්ෂන් ගිය හමුදා ජනරාල්ලට මෙිව තේරෙන්නෙ නෑ. වී වගාකරන්නෙ ගොවීන්. උන්ට කලට, වෙලාවට බිත්තර වී, පොහොර, කෘෂි රසායන ලැබෙන්නෙ නෑ. වී අළෙවි මණ්ඩලය උන්ගෙ වී මිළදී ගන්නෙ නෑ. රජය සහතික මිළ පනවනව පමණයි. පුද්ගලික අංශය තමයි ගොවීන්ගෙ වී මිළට ගන්නෙ, ගබඩා කරන්නෙ, කොටන්නෙ, වෙළඳ පොලට දාන්නෙ. රජයට මෙි වැඩෙි කරන්න බෑ. රජයේ නිළධාරීන් බහුතරයක් පටිට හොරැ. 1970 -77 යුගයට ආයෙත් නොගිහිං පුද්ගලික අංශයට අවස්ථාව දීපල්ලා. තව, තව හාල් මෝල් අරින්න පුද්ගලික අංශය දිරිමත් කරපල්ලා. තරඟයක් ඇති කරපල්ලා. නිකංම මිළ බහියි. දැන් ඔය අල්ලපු හාල් එක මාසයකටවත් මදි. ඊට පස්සෙ කන්නෙ මොන ලබිබද? මෙිව මාධ්‍ය සංදර්ශන පමණයි. ජනතාවට සෙතක් නෑ. කොහොම හරි සිංහල හාල් ව්‍යාපාරිකයො නටිටංම කරල දාපල්ල. පොහොටිටු කාරයින්ට යන්න වෙන්නෙ පුපෙං. මෙි ආණ්ඩුව කන්නෙ වියත්මගේ එවුනුයි පෙන්ෂන් ගිය හමුදාකාරයොයි.

  3. ගෞම් ඊයාරාජ් says:

    ගොං බෛයනේ වරෙව් හන්දියක් ගානේ කිරිබත් කන්න ; කෙහෙද ඉතින් මේ මෝඩ හම්පඩ උම්මාද බෛයන්ට කියන දෙයක් තෙරෙන්නෑනේ . තාමත් මුන් අමූ මීහරක් වගේ මේ සංදර්ශන වලට අහුවෙන්වනේ , කොහෙද ඉතින් මීහරක් ජාන තියෙන එවුන්ට දෙයක් පැහැදිලි කරනවට වඩා ලෙසී , කේප්ප වස්සන්ට අවකලනය කියලා දෙනවා..😂😂😂

  4. It’s darama ……..සැපද ……….🤣🤣🤣

Main News