යහපාලන කැබිනට් ඇමැතිවරයෙක් මාකදුරේ මධුෂ් සමග රහස් හමුවක..

January 6, 2020 at 3:50 pm | lanka C news
යහපාලන කැබිනට් ඇමැතිවරයෙක් මාකදුරේ මධුෂ් සමග රහස් හමුවක..

පාතාල නායක මාකඳුරේ මධුෂ් පසුගිය රජයේ ආන්දෝලනාත්මක චරිතයක් වූ කැබිනට් ඇමැතිවරයකු සමග ඩුබායි හෝටලයකදී කළ රහස් හමුවක් ගැන අපරාධ පරීක්ෂණ දෙපාර්තමේන්තුව හෙළිකර ගෙන තිබේ.

මාකඳුරේ මධුෂ්ගේ දෙවැනි බිරිඳ වන දිලිනි ඉෂාරා පසුගිය සිකුරාදා (3 වැනිදා) අපරාධ පරීක්ෂණ දෙපාර්තමේන්තුවට කැඳවා කළ ප්‍රශ්න කිරීම්වලදී ඇය මේ බව අනාවරණය කර ඇතැයි ඉහළ පෙළේ ආරංචි මාර්ග සඳහන් කළේය.

මාකඳුරේ මධුෂ් ඩුබායිහිදී අත්අඩංගුවට ගැනීමට පෙර රජයේ කැබිනට් ඇමැතිවරයාව ඩුබායි හෝටලයට කැඳවා හමු වූ බව දිලිනි ඉෂාරාගෙන් ප්‍රශ්න කිරීමේදී අනාවරණය කර ඇත.

ඉකුත් වසරේ පෙබරවාරි 5 වැනිදා ඩුබායි තරු හෝටලයකදී දිලිනි ඉෂාරාට හා මධුෂ්ට දාව උපන් දියණියගේ උපන් දින සාදයක් පවත්වන අතරතුරේ අබුඩාබි පොලිසිය මගින් මධුෂ් ඇතුළු කණ්ඩායම අත්අඩංගුවට ගත්තේය.

මාකඳුරේ මධුෂ් නිදහස් කර ගැනීමට විශාල සටනක් කළ මෙම කාන්තාව පසුගිය දෙසැම්බර් 29 දා ඩුබායි සිට මෙරටට එමින් සිටියදී කටුනායක ගුවන් තොටුපොළේදී අපරාධ පරීක්ෂණ දෙපාර්තමේන්තුව මගින් රඳවාගෙන ප්‍රශ්න කර මුදාහැර තිබිණි.

යළිත් දෙවැනි වරට ඇය රහස් පොලිසිය හමුවට සිකුරාදා (3 වැනිදා) කැඳවා ප්‍රකාශ සටහන් කරගෙන ඇත. පෙරේදා (4 වැනිදා) ඇයට මාකඳුරේ මධුෂ් බැලීමට අවසර දී ඇති අතර මාකඳුරේ මධුෂ්ගේ දරුවාත් රැගෙන විත් ඇත.

දිලිනි ඉෂාරා යනු වැලිකඩ කැරැල්ලේදී මරුමුවට පත් වූ පාතාල නායක කළු තුෂාරගේ විවාහක බිරිඳය.

– aruna

45,095 Viewers

5 Comments to “යහපාලන කැබිනට් ඇමැතිවරයෙක් මාකදුරේ මධුෂ් සමග රහස් හමුවක..”

  1. Saibal says:

    Google Ba-loon !!

  2. Sun says:

    These were the people suck the money and ruined the country dealing with the money of drug loads. Any clue to trace these fellows. In the parliament they doing these type of business. Can you believe these type of stories in the real life. Where are they heading these crooks with the drug loads.

  3. රටවැසි says:

    කොච්චර ආඩම්බරයක් ද , මේ වගේ ඇමති වරු ඉන්න රටක රටවැසියෙක් වීම .

  4. Kgs basnayake says:

    Google balloon da

  5. kkuruwita says:

    නමක් කියපල්ලකො බං. නැත්තං අපිට ගුගල් බැලූන්, යකඩ මිනිහා, කරුංකා ලොක්කා, රිෂාඩ්, හකීම්, මලික්, ගොන්ජ, වික්කමසිංහ, සජී තව කී දෙනෙක් ගැන හිතන්නනද ?