යාපනයේ උණුසුම් තත්වයක්… වෙඩිත් පත්තු වේ..

February 8, 2022 at 5:30 pm | lanka C news
යාපනයේ උණුසුම් තත්වයක්… වෙඩිත් පත්තු වේ..

යාපනය කොඩිකාමම් පොලිස් වසමේ වරණී ප්‍රදේශයේදී නීතිවිරෝධී මත්පැන් ජාවාරම් කරුවන් පිරිසක් අත්අඩංගුවට ගැනීමට යාමේදී ඇති වූ උණුසුම් තත්වයකදී පොලිස් විශේෂකාර්ය බලකා නිලධාරියෙකුගේ පිස්තෝලයක් ක්‍රියාත්මක වීමෙන් එක් අයෙකු තුවාල ලැබූ අතර පුද්ගලයින් 5 දෙනෙකු අත්අඩංගුවට ගෙන ඇතැයි පොලීසිය පැවීය.

යාපනය පොලිස් විශේෂකාර්ය බලකා කඳවුරට ලැබුනු තොරතුරකට අනුව එහි නිලධාරීන් පිරිසක් විසින් වරනී ප්‍රදේශයේ නිවසක් වටලා ඇති අතර එහිදී නීතිවිරෝධී මත්පැන් ජාවාරමේ නිරත අයෙකු අත්අඩංගුවට ගැනීමට යාමේදී එහි සිටි තවත් කිහිප දෙනෙකු විසින් පොලිස් විශේෂකාර්ය බලකා නිලධාරීන්ගේ රාජකාරියට බාධා කිරීමෙන් උණුසුම් තත්වයක් ඇතිව තිබේ.

පසුව එක් සැකකරුවෙකු විසින් පොලිස් විශේෂකාර්ය බලකා නිලධාරීයෙකුගේ පිස්තෝලයක් උදුරාගැනීමට උත්සහ ගත් අවස්ථාවේදී එය වැලක්වීමට ගත් උත්සහයකදී පිස්තෝලය පුපුරා යාමෙන් සැකකරුගේ අතට සුලු තුවාල ලබා චාවකච්චේරි රෝහලට ඇතුලත් කරනු ලැබීය.

අනතුරුව එම ස්ථානයේ සිට රාජකාරියට බාධා කොට කලහකාරී ලෙස හැසිරුනු පුද්ගලයින් 5 දෙනෙකු කොඩිකාමම් පොලීසිය විසින් අත්අඩංගුවට ගෙන චාවකච්චේරි අධිකරණයට ඉදිරිපත් කිරීමට පියවර ගෙන ඇත.

– වන්නි රොමේෂ් මධුෂංඛ

66,646 views

2 Comments to “යාපනයේ උණුසුම් තත්වයක්… වෙඩිත් පත්තු වේ..”

  1. Kevin Nash says:

    ???????????? Hari Aki

  2. හිකනලා says:

    ඒකාලයේ හිටං හුටං රනිල් පුතානෝ එකතු වෙලා යාපනයේ මිනිසුන් හට බොරු පොරොන්දු දීමේ ප්‍රතිඵලයක් තමා මේ. පුතානෝ පසුගිය චන්දයේදී යාපනයේ චන්ද ඔක්කොම අරගත්තේ ඔවුන්ට යාපනය බාරදෙන පොරොන්දු උඩ නිසා මිනිසුන් හමුදාවන් දෙන උපදෙස් පිලිගන්නේ නැහැ.

Main News