යාපන සරසවියේ කිලිනොච්චි මණ්ඩපය වසා දමයි..

July 14, 2020 at 11:20 am | lanka C news
යාපන සරසවියේ කිලිනොච්චි මණ්ඩපය වසා දමයි..

යාපනය විශ්ව විද්‍යාලයේ කිලිනොච්චිය මණ්ඩපයේ තාක්ෂණික විද්‍යා ඵීඨයේ තුන්වන වසරේ ඉගෙනුම ලබන ශිෂාවකගේ සහෝදරයෙකුට කොරෝණා වියරසය ආසාදනය වීමත් සමග එම පීඨය ඊයේ (13) සවස සිට සියලු අධ්‍යාපනික කටයුතු නවතා දැමීමට පාලනාධිකාරිය විසින් පියවර ගෙන ඇත.

අදාල සිසුවියගේ සහෝදරයා කන්දකාඩු නිරෝධායන මධ්‍යස්ථානයේ ආරක්ෂක අංශ සාමාජිකයෙකු වශයෙන් සේවයේ නිරත වන අතරතුරදී කොරෝණා වයිරසය ආසාදනය වී ඇති බවට අනාවරණය වීමෙන් පසුව අදාල ශිෂ්‍යාව විසින් විශ්වවිද්‍යාල පරිපාලනයට මේ බව දැනුම් දී ඇත.

අනතුරුව කිලිනොච්චිය මණ්ඩපයේ තාක්ෂණික විද්‍යා පීඨයේ පැවත්වීමට තිබූ සියලු විභාග කටයුතු ඇතුලු අධ්‍යාපනික කටයුතු නැවත දැනුම් දෙන තුරු නවතා දමා අදාල ශිෂ්‍යාව පිළිබඳව කිලිනොච්චිය සෞඛ්‍ය නිලදාරීන්ට දැනුම් දී එම ශිෂ්‍යාවද පී.සී.ආර්.පරික්ෂණයක් සඳහා යොමු කිරීමට කිලිනොච්චිය මණ්ඩපයේ පාලනාධිකාරිය පියවර ගෙන ඇත.

– වන්නි රොමේෂ් මධුෂංඛ

251 views
Main News