යුදහමුදාව සහ ජාවාරම් කරුවන් ගැටෙයි.. හමුදා වෙඩි ප්‍රහාරයකින් අයෙකු මරුට… කිලිනොච්චිය උණුසුම්..

June 21, 2020 at 9:20 am | lanka C news
යුදහමුදාව සහ ජාවාරම් කරුවන් ගැටෙයි.. හමුදා වෙඩි ප්‍රහාරයකින් අයෙකු මරුට… කිලිනොච්චිය උණුසුම්..

කිලිනොච්චිය මුහමාලෙයි ප්‍රදේශයේදී වැලි ජාවාරම් කරුවන් පිරිසක් අත්අඩංගුවට ගැනීමට යාමේදී ඊයේ (20) දින ඇති වූ ගැටුමකිදී යුද හමුදාවේ වෙඩි තැබීමකිදී එක් අයෙකු මිය ගොස් ඇති බවට පලෙයි පොලීසිය පවසයි.

මුහමාලෙයි වැලි ජාවාරම් කරුවන් පිරිසක් පිළිබඳව තොරතුරක් ලැබී අදාල ප්‍රදේශයේ යුද හමුදා සාමාජිකයින් පිරිසක් විසින් වැටලීම සිදු කොට ඇති අතර එහිදී වැලි ජාවාරම් කරුවන් හා යුද හමුදා සාමාජිකයින් අතර උණුසුම් තත්වයක් හටගෙන ඇත.

පළමුව වැලි ජවාරම් කරුවන් පිරිසක් විසින් යුදහමුදා සාමාජිකයින් යටකර වාහන වලින් පලා යාමට උත්සහ දරා ඇති අතර තවත් ජාවාරම් කරුවන් පිරිසක් විසින් පැමිණි යුදහමුදා සාමාජිකයින්ට පහර දී ගිනි අවි පැහැරගැනීමට උත්සහ දරා ඇති අතර එම අවස්ථාවේදී ආරක්ෂාව වෙනුවෙන් යුදහමුදා සෙබගෙකුගේ ගිනිඅවිය පත්තුවීමෙන් එක් අයෙකුට බරපතල තුවාල වී ඇත.

බරපතල තත්වයේ සිටි තුවාල කරු පලෙයි රෝහලට රැගෙන ගොස් ඇති අතර රොහලේදී තුවාල ලැබූ පුද්ගලයා මිය ගොස් ඇති බවට පලෙයි පොලීසිය පැවසීය.

වෙඩි වැදීමෙන් මිය ගොස් ඇත්තේ පලෙයි ප්‍රදේශයේ පදිංචි 24 හැවිරිදි ටී.රාමලිංගම් නැමති තරුණයෙක් වන අතර ඔහුගේ මහෙස්ත්‍රාත් මරණ පරික්ෂණ කටයුතු අද (21) දින සිදු කිරීමට නියමිත බවටද පලෙයි පොලීසිය පැවසීය.

තරුණයාගේ මිය යාමත් සමග ප්‍රදේශවාසීණ් විසින් වෙඩිතැබීමට එරෙහිව ඊයේ (20) සවස පලෙයි රෝහලට පැමිණ උණුසුම් අයුරින් විරෝධය පෑමට ගත් උත්සහයේදී පලෙයි පොලීසිය විසින් තත්වය පාලනය කිරීමටද පියවර ගනු ලැබූ අතර අදාල වෙඩි තැබීමේ සිද්දිය සම්බන්ධයෙන් වැඩිදුර පරික්ෂණ සිදු කරන බවට පලෙයි පොලීසිය වැඩි දුරටත් පැවසීය.

– වන්නි රොමේෂ් මධුෂංඛ

46,915 Viewers

16 Comments to “යුදහමුදාව සහ ජාවාරම් කරුවන් ගැටෙයි.. හමුදා වෙඩි ප්‍රහාරයකින් අයෙකු මරුට… කිලිනොච්චිය උණුසුම්..”

  1. Hiro says:

    යකෝ මුන් හරියට රටේ පාලකයෝ වගෙනේ එන එන එකාට ගේම දුන්නනම් මුන් ඔය විදිහට එන්නෙ නැහැ.

  2. අගෝස්තු 06 වෙනකම් ඉවසපං. ඊට පස්සේ බලමු මේ බලු රැගුම් නටන්න පුලුවන්ද කියලා. කොහොමත් ඔය කාළකන්නි පොහොට්ටුවට ඡන්දෙ දෙන්නෙ නැහැ. එක නිසා හැම එකාගේම සෙට් එක මික් නොකියන්න වාසෙත්තමි කරලා දාන්න තියෙන්නේ.

Main News