රජයට එරෙහිව පොලිසිය කුමන්ත්‍රණයක…

May 5, 2018 at 3:50 pm | lanka C news
රජයට එරෙහිව පොලිසිය කුමන්ත්‍රණයක…

සමස්ථ ලංකා යතුරුපැදිකරුවන්ගේ සංගමය විසින් නිකුත් කරන ලද මාධ්‍ය නිවේදනයක් මෙහි දැක්වෙයි.

වාහන වෙනස් කිරීම්වලට එරෙහිව නීතිය ක්‍රියාත්මක කිරීම පොලිසිය විසින් රජයට එරෙහිව කරන කුමන්ත්‍රණයක්, මූලික අයිතිවාසිකම් හා මානව හිමිකම් කඩ කිරීමක්…

2009 අංක 8 දරණ මෝටර් රථ සංශෝධන පනතේ අනුව 2අ (1) (ඌ) හා 19අ (1) වගන්ති අනුව මෝටර් රථ කොමසාරිස්වරයාගේ අනුමැතියෙන් තොරව වාහනයක් වෙනස් කිරීම රු. 50,000-300,000 (2අ, දැන දැන ධාවනය කිරීම) හා රු. 300,000-500,000 (19අ, වෙනස් කමක් සිදු කිරීම) අතර දඩ මුදලක් ගෙවිය යුතු වරදකි.

ඒ අනුව වහනයක් වෙනස් කිරීම මෝටර් රථ පනතෙන් තහනම් කර නොමැති අතර එසේ වෙනස් කිරීම් සිදු කිරීමට අවසරයක් ලබාදීම මෝටර් රථ කොමසාරිස්වරයාගේ පැහැදිලි වගකීමක් වන නමුත් එසේ කිරීමේ ක්‍රමවේදයන් හා සීමා ගැන විමසා අප සංගමය විසින් 2018.02.22 දින 2016 අංක 12 දරණ තොරතුරු දැන ගැනීමේ පනත යටතේ මෝටර් රථ කොමසාරිස් දෙපාර්තමේන්තුවෙන් තොරතුරු ඉල්ලීමක් කර ඇත. ඊට පිළිතුරු දීමට නොහැකිව දැන් දින 60 ක් ඉක්මවන අතර අප සංගමය කරන ලද සොයා බැලීමේ දී මෝටර් රථ පනතේ රෙගුලාසි ප්‍රකාරව යතුරුපැදි, කාර්, වැන්, ත්‍රීවිල් යන මෝටර් රථ වර්ගවල වෙනස් කිරීම් කිරීමට කොමසාරිස්වරයා අවසර ලබා දුන් ව්‍යාපාර ද කිසිවක් රට තුල මෙතෙක් තිබී නොමැති බව වාර්තා වේ (බස් හා ලොරි සඳහා පමණක් ඇති බව වාර්තා වේ). ඒ හේතුවෙන් උක්ත වාහන වර්ග (යතුරුපැදි, කාර්, වෑන්, ත්‍රීවිල්) එලෙස වෙනස්කම් සඳහා අවසර ලබාදීමේ හා  අනුමත කිරීමේ ක්‍රමවේදයක් ද මෝටර් රථ දෙපාර්තමේන්තුවේ මෙතෙක් තිබී නොමැත.

මෝටර් රථ පනතේ 19 (2) (ආ) වගන්තිය ප්‍රකාරව වාහන සයිලන්සර් සඳහා ශබ්ද සීමාවන් ද අමාත්‍යවරයා විසින් ප්‍රකාශයට පත් නොකර ඇති පසුබිමක් තුල “අධික ශබ්ද සහිත සයිලන්සර් සවිකර රිය ධාවනය” යන චෝදනාව කිරීමට ශ්‍රී ලංකා පොලිසියට කිසිදු අයිතියක් ද නොමැත.

ඇතැම් වෙනස් කම් සිදුවන්නේ මාර්ග අනතුරු අවම කරගැනීමට ය, යතුරුපැදිකරුවන්ගේ ආරක්ෂාවට ය, ප්‍රමිතියකට නොසෑදු වාහන හා යතුරුපැදිවල දුර්වලතා නිවැරදි කරගැනීමට ය, නිෂ්පාදකයා විසින් ලබා දෙන අමතර කොටස් වෙළෙඳපොළේ නොමැති වීම නිසාය. වෙනස් කිරීම් සඳහා අනුමැතියක් ගැනීමේ ප්‍රසිද්ධ ක්‍රමවේදයක් මෝටර් රථ දෙපාර්තමේන්තුවේ කොමසාරිස්වරයා සතු නොමැති පසුබිමක මෝටර් රථ කොමසාරිස්වරයාගේ පූර්ව ලිඛිත අවසරයක් නොමැතිව වාහන වෙනස් කිරීමට විරුද්ධව යතුරුපැදිකරුවන්ට, කාර් රියදුරන්, වැන්, ත්‍රීරෝද රථ රියදුරන්ට එරෙහිව ශ්‍රී ලංකා පොලිසිය නඩු පවරා රු. 50,000-500,000 අතර දඩ මුදල් අය කිරීම මිලියන 6 ක් ඉක්මවන වාහන හිමියන්ගේ පැහැදිලි මූලික අයිතිවාසිකම් හා මානව හිමිකම් කඩ කිරීමකි.

අප සංගමයේ විරෝධය ද නොතකා මෙලෙස අත්තනෝමතික ලෙස පොලිසිය විසින් නීතිය ක්‍රියාත්මක කිරීම හරහා යතුරුපැදිකරුවන් වැනි දුප්පත් මිනිසුන් සිරගත කිරීමේ අරමුණින් මෙතරම් විශාල දඩ මුදල් අය කිරීම තුළින් විශාල මහජන පීඩාවක් හා එතුලින් යහපාලන රජයට එරෙහිව විශාල මහජන විරෝධයක් ශ්‍රී ලංකා පොලිසියේ පොලිස්පතිවරයාගේ ඍජු දැනුම ඇතිව ශ්‍රී ලංකා පොලිසිය විසින් දැන දැනම නිර්මාණය කර තිබේ. මෙය දේශපාලන උවමනා මත පොලිසියේ ඇතමෙකු විසින් යහපාලන රජයට එරෙහිව කරමින් යන පැහැදිලි කුමන්ත්‍රණයක් ලෙස අපි දකිමු.

ඇතැම් යතුරුපැදිකරුවන්ට මෙම අධික දඩ මුදල් ගෙවා ගැනීමට නොහැකව අතිගරු ජනාධිපතිවරයාගෙන් ආධාර ඉල්ලිමේ තත්ත්වයට මෙම ගැටලුව දුර දිග ගොස් ඇති බව වගකිවයුතුව මාධ්‍ය වෙත අපි ප්‍රකාශ කරමු. මෙම ගැටලුව පිළිබඳව රජය දැනුවත් කර ඇති අතර ඊට නිසි විසඳුමක් දීමට රජය අපොහොසත් වුවහොත් මේ පිළිබඳව සමාජයේ අසාධාරණයට එරෙහිව ස්වෙච්ඡාවෙන් ඉදිරිපත් වන නීතිඥවරුන්ගේ සහයෝගය ඇතිව අප සංගමයේ කමිටු සාමාජිකයන් විසින් මූලික අයිතිවාසිකම් පෙත්සමක් ශෙ‍්‍රෂ්ඨාධිකරණයේ ගොනු කිරීමට ද කටයුතු කරන බව දැනුම් දීමට අපි කැමැත්තෙමු.

චිරන්ත අමරසිංහ
සභාපති

146 views

6 Comments to “රජයට එරෙහිව පොලිසිය කුමන්ත්‍රණයක…”

  1. රත්නසේන says:

    පොලිසියේ බරපතල අඩුපාඩු තිබෙන බව ඉතා පැහැදිලිය – පොලිස් ලොක්කා පොලිසියට භාවනා කරන්න ඉගැන්වුවාට වාඩාත් වෘත්තිය ම්ටටමේ පොලිස් සේවාවක් ඇති කීරිමට නොසිතයි. ඔවුන්ට ඒ සඳහා වෘත්තිය දැනුමක් හෝ තාක්ෂනික ඥානයක් හෝ විෂයානු බද්ධ අත්දැකීම් නැත.
    අද වන විට මහ පාර යනු අධික ශබ්දයෙන් පරිසරය විනාශ කරන ස්ථානයකි. ඇතැම් විට අධික ශබ්දයක් ඇති “මොඩිෆයි” කරන ලද මෝටර් සයිකල් සහ කාර්වල මේ තත්වය දැකිය හැක. බස් රථවල හෝන් නිසා ශබ්ද දුෂණය වන අතර ඒවායේ අධික ශබ්දයෙන් වාදනයවන සංගිතය පපුවට යකඩයකින් ගහනවා වැනිය. මිනිස්සුන්ට මේවා විඳ දරගන්නවා හැර අන් දෙයක් කිරිමට නොහැක. රථ වාහන වල ගුනාත්මක බව පාලනය කිරීම ඉතාම අවශ්‍යය එය නිතීයෙන් පමණක් කළ නොහැක. මිනිසුන් තුල ද කිසියම් උගත්කමක් සහ තමන් ගේ අඩුපාඩු නිසා අන්අයට සුදු විය හැකි දුෂ්කරතා පිලිබඳ සංවේදි බවක් තිබිය යුතුයි.

    • Sunil Withanachchi says:

      I really agreed with your comment ‘any modification’ should be no harm to the environment rules & regulations must be raised on this..

  2. නිර්මාල් says:

    “මෝටර් රථ පනතේ 19 (2) (ආ) වගන්තිය ප්‍රකාරව වාහන සයිලන්සර් සඳහා ශබ්ද සීමාවන් ද අමාත්‍යවරයා විසින් ප්‍රකාශයට පත් නොකර ඇති පසුබිමක් තුල “අධික ශබ්ද සහිත සයිලන්සර් සවිකර රිය ධාවනය” යන චෝදනාව කිරීමට ශ්‍රී ලංකා පොලිසියට කිසිදු අයිතියක් ද නොමැත”. මෙසේ කර නැති නම් එය ඉක්මනින් කළ යුතුයි. සමස්ථ ලංකා යතුරුපැදිකරුවන්ගේ සංගමය හොඳ දෙවල් ඉල්ලා සිටින අතර නරක දේ ද ආරක්ෂා කර ගැනීමට උත්සාහ කරනු බව පෙනේ. අධික ශබ්දයක් පිට කරන සියලුම වාහන තහනම් කළ යුතුයි. ඒ ගැන කිසිදු විවාදයක් අවශ්‍ය නැත.

    • Chirantha says:

      ඒසේ කල විට මුලින්ම තහනම් වන්නේ ලංකා ඇසෝක් ලේලන්ඩ් බස්‍ රථ සහා.. ඩීසල් ත්‍රීරෝද රථ ය. නීතිය නිසි ආකාරයෙන් ක්‍රියාත්මක වීමට අපගේ කිසිදු විරෝධයක් නැත. ශබ්ද සීමාවන්ට යටත්ව සයිලන්සර්වල ශබ්දය නිකුත් කර හැකිනම් අපට එය ප්‍රමානවත් ය. නමුත් එසේ සීමාවන් නොමැතිව නිකරුණේ හිතුමතයට චෝදනා කරමින් දඩ ගැසීම පිලිගත නොහැක.

  3. යු එන් පී චාං says:

    හොඳ වැඩේ හොර බයිසිකල් කාරයන්ට… අපිට නම් කිසි ප්‍රශ්නයක් නැහැ….. අපි නීති විරොධී දේවල් නොකරන නිසා,… හොරුන්ට කෙලපන් හොඳ පොලිසිය වගේ

    • Shuja Rafi says:

      උඹ මට නීති ගරුකව BMW K1600 බයිසිකලයක් ගේන්න උදවු කරපංකෝ, මැරෙන්නේ නැතුව නුවර ඉඳන් කොළඹට බයිසිකලේ යන්න ඕන ඒකයි. නීති කඩන්නේ නැතුව cruise control දාගෙන බයිසිකලයක් පදින්න ආසයි.

Main News