රජයේ අවසර උවමනා නෑ.. 26 වැනිදා මහවිරු සමරුව කරනවාමයි.. – දෙමල සන්ධානය
November 21, 2016 at 8:40 am | lanka C news
මේ මස 26 වැනිදාට යෙදී ඇති මහවිරු දිනය සැමරීම දෙමළ ජනතාවගේ අයිතියක් නිසා එය සැමරීමකට රජයේ අවසරය උවමනා නැති බවත් බවත් මහ විරු දිනය ස්ථිරවම සමරන බවත් දෙමළ සන්ධානයේ උතුරු පළාත් සභා මන්ත‍්‍රී එම්.කේ. සිවාජිලිංගම් යාපනයේදී පැවති මාධ්‍ය හමුවක් අමතමින් කියා සිටියේය.
ජනතා විමුක්ති පෙරමුණට තමන්ගේ මියගිව සාමාජිකයන් සිහිකර ඉල්මහ සැමරුම සිදුකරන ආකාරයෙන්ම යුද්ධයෙන් මියගිය කොටි සාමාජිකයින් සිහිකිරීමට ඔවුන්ගේ ඥාතීන්ට අයිතියක් ඇතැයිද ඔහු කියා සිටී.
පොලීසිය හා ආරක්ෂක අංශ මෙම සැමරුව වැළැක්වීමට කොතරම් උත්සාහ කලද ඒ සියල්ල පරදවමින් මහවිරු දිනය සමරන බවද ඔහු අවධාරණය කලේය.
මහවිරු දිනය යෙදී ඇති නොවැම්බර් 26 වැනිදා කොටි සංවිධානයේ නායක වේළුපිල්ලේ ප‍්‍රභාකරන්ගේ උපන් දිනයද වෙයි.
29 views
