රජයේ රෝහල්වල මුදල් ගෙවා විශේෂඥ වෛද්‍ය සේවා, ශල්‍යකර්ම, පරික්ෂණ ඇරඹේ..

March 8, 2017 at 4:40 pm | lanka C news
රජයේ රෝහල්වල මුදල් ගෙවා විශේෂඥ වෛද්‍ය සේවා, ශල්‍යකර්ම, පරික්ෂණ ඇරඹේ..

කොළඹ ජාතික රෝහල සදහා ඩිජිටල් තාක්ෂණයෙන් යුත් නව MRI යන්ත්‍රයක් පරිත්‍යාග කිරීමෙි උත්සවය සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ ප්‍රධානත්වයෙන් ජාතික රෝහලේ බණ්ඩාරනායක වාට්ටු සංකීර්ණයේ දී පැවැත්විනි.

එම යන්ත්‍රයේ වටිනාකම රුපියල් මිලියන 300 කි.

මෙහිදී අදහස් දැක්වූ සෞඛ්‍ය අමාත්‍යවරයා,

“ශ්‍රී ලංකා ජාතික රෝහල සංවර්ධනය කිරීමට කටයුතු කරනවා. වික්ටෝරියා ගොඩනැගිල්ල, බණ්ඩාරනායක වාට්ටු සංකීර්ණය, හෙද නේවාසිකාගාරය සහ ඛාන්ස් පෙදෙස වෛද්‍ය නේවාසිකාගාරය නවීකරණය කිරීමට කැබිනට් අනුමැතිය ලබා ගත්තා. අද දින ලබාදෙන මෙම ඩිජිටල් තාක්ෂණයෙන් යුත් MRI යන්ත්‍රය සිංගප්පූරු තාක්ෂණය ජාතික රෝහලට ගෙනඒමක් ලෙස මම හදුන්වා දෙනවා. 2016 වසරේ දී ඊ-හෙල්ත් ව්‍යාපෘතිය රෝහල් 40 ක ආරම්භ කළා. 2017 වසරේ දී රෝහල් 200 ක ක්‍රීයාත්මක කිරීමට බලාපොරොත්තු වෙනවා.

අපේ රටේ රාජ්‍ය රෝහල් පද්ධතිය තුල උපකරණ භාවිතා කරන්නේ පැය 08 ක් පමණයි. එම උපකරණවල වලංගු කාලය වසර 03 යි. නමුත් පෞද්ගලික අංශය පැය 24 පුරා ශල්‍ය උපකරණවලින් සේවා පහසුකම් ලබාදෙනවා. නවීන උපකරණ රාජ්‍ය අංශයටත් ලබාදෙන්නේ වෘත්තීය සමිති ඒකාබද්ධ වී වර්ජන කරන්න නොවෙයි. දෙවරක් සිතා බලා වර්ජන දියත් කරන්න. මීට පෙර මෙවැනි තාක්ෂණික උපකරණ ලංකාවෙි රෝහල්වල තිබුනේ නැහැ. පස්වරු 04 න් පසු රෝහල්වල උපකරණ භාවිත කිරීමෙි සැළසුමක් සකස් කර තිඛෙනවා. වෛද්‍යවරු පෞද්ගලික වෛද්‍ය සේවා වල ක්‍රියාත්මක වන්නේ ද සවස 04 න් පසුවයි. විශේෂඥ වෛද්‍ය සේවාවන් සවස 04 න් පසු ශල්‍යාගාර පහසුකම් සහිත රෝහල්වල ආරම්භ කළ යුතුයි. රජයේ රෝහල්වල එම වැඩපිළීවෙල ආරම්භ කිරීමෙි දී ඉතා අඩු මුදලකට සේවය ලබා දිය යුතුයි. එමගින් සෞඛ්‍ය ක්ෂේත්‍රය ආදායමක් ලබනවා. සෞඛ්‍ය වැය ශිර්ෂය අවම කර ගත හැකියි. මෙම වැඩපිළිවෙල ආරම්භ කිරීමෙි දී සෞඛ්‍ය සේවාව පෞද්ගලීකරණය කරන බවට චෝදනා එල්ල වෙන්න පුළුවන්. නමුත් වෘත්තීය සමිති දුපත් මානසිකත්වයෙන් තුරන් වී අනාගතය දෙස ලබා වෘත්තීය සටන් මෙහෙය විය යුතුයි. රජයේ රෝහල්වල ඇති ශල්‍ය උපකරණ වාර්ෂිකව අලුත්වැඩියා කිරීමට පමණක් රුපියල් මිලියන 987 ක් වැය වෙනවා. සෑම රෝහලකම පෞද්ගලික අංශයක් ආරම්භ කර රෝගී සත්කාරක සේවා කරන ලෙසට ඉල්ලීම් ඉදිරිපත් වී තිඛෙනවා. මෙය පෞද්ගලීකරණය කිරිමක් නොවෙයි. රජයේ සියළු දේ ලබා දිය යුතු බව කියන වාමාංශිකයෝ සිටින්නේ ලංකාවෙි විතරයි.”

මාධ්‍ය ඒකකය
සෞඛ්‍ය අමාත්‍යංශය

0 views
Main News