රජු හා නිලමේවරුන් සමගිව සිටීමේ වාසිය කිරිඇල්ල කියයි..

October 16, 2016 at 5:30 pm | lanka C news
රජු හා නිලමේවරුන් සමගිව සිටීමේ වාසිය කිරිඇල්ල කියයි..

රටේ දියුණුවට , රටේ ආරක්ෂාවට ප‍්‍රධාන පක්ෂ වල සමඟිය අත්‍යවශ්‍ය යයි උසස් අධ්‍යාපන හා මහාමාර්ග අමාත්‍ය ලක්ෂ්මන් කිරිඇල්ල මහතා පවසයි.

ඔහු මෙසේ කියා සිටියේ වලපනේ නිල්දණ්ඩාහින්නේ දී මාර්ගයක වැඩ ආරම්භ කිරීමේ උත්සව සභාවක් අමතමිනි. එහිදී ඇමතිවරයා මෙසේද පැවසීය.

‘අපේ ඉතිහාසය දෙස බලන්න . අපේ මහනුවර රජතුමාට උඩරට රාජධානිය අහිමි වුනේ අසමගිය නිසයි. 1810 බි‍්‍රතාන්‍ය හමුදා මහනුවර නගරය ආක‍්‍රමණය කලා . එදා රජතුමා සමඟ සියළුම නිළමේවරුන් සිටියා . ශ‍්‍රී වික‍්‍රමරාජසිංහ රජතුමාට හැකි වුනා ඉංග‍්‍රීසි හමුදාව පළවා හරින්න. 1810 ඉංග‍්‍රීසි හමුදාව පළවා හරින්න හැකිවුනේ එදා තිබුණ සමඟිය නිසයි. නමුත් වසර 5ක් යනවිට මොකද වුනේ. 1815 වන විට රජතුමා සහ නිළමේවරුන් අතර ඇතිවූ අසමඟිය නිසා බි‍්‍රතාන්‍ය හමුදා කිසිදු යුද්ධයක් නැතිව මහනුවරට පැමිණියා . මෙය තමයි හොඳම නිදසුන . රටේ දියුණුවට , රටේ ආරක්ෂාවට ප‍්‍රධාන පක්ෂ වල සමඟිය අත්‍යවශ්‍යයි’

අමාත්‍යවරයා මේ අදහස් පලකලේ උසස් අධ්‍යාපන හා මහමාර්ග අමාත්‍යාංශයේ මෙහෙයවීමෙන් දීප ව්‍යාප්තව ක‍්‍රියාත්මක කෙරෙන මාර්ග සති වැඩසටහනේ සිව්වන අදියර නුවරඑළිය දිස්ත‍්‍රික්කයේ  වලපනේ ප‍්‍රාදේශීය ලේකම් කොට්ඨාශයේ නිල්දණ්ඩාහින්න ශ‍්‍රී සුමංගල ජාතික පාසැලේ දී 2016-10-15 ( ඊයේ * දින ආරම්භ කරමිනි. අමාත්‍යාංශයේ විෂය පථයට පමණක් සීමා නොවෙමින් මාර්ග සංවර්ධනයෙන් පමණක් නොනැවතී, අදාල ප‍්‍රදේශවල අවශ්‍යතාවය පරිදි අදාල ආයතන, නිලධාරීන්, අමාත්‍යාංශ සම්බන්ධීකරණය කරගනිමින්, ප‍්‍රදේශයේ ප‍්‍රාදේශීය දේශපාලන නායකයින් සමඟින් එක්ව මෙම වැඩසටහන ක‍්‍රියාත්මක කිරීම ගරු අමාත්‍යවරයාගේ සංකල්පයයි.

නුවරඑළිය දිස්ත‍්‍රික්කයේ  වලපනේ ප‍්‍රාදේශීය ලේකම් කොට්ඨාශය කේන්ද්‍ර කොට ගනිමින් ක‍්‍රියාත්මක වන මෙම වැඩසටහනේ පලමු දිනය මාර්ග දිනයයි. මේ යටතේ රු.මිලියන 1679 ක වියදමින් ප‍්‍රදේශයේ ග‍්‍රාමීය මාර්ග පද්ධතිය විධිමත්ව සංවර්ධනය කිරීම අමාත්‍යවරයාගේ උපදෙස් මත අද දින ආරම්භ කෙරිණි. මෙම ව්‍යාපෘතිය යටතේ මාර්ග නඩත්තුව , නව මාර්ග ඉදිකිරීම , ඒකාබද්ධ ග‍්‍රාමීය මාර්ග වැඩි දියුණුව , ගල් අතුරා තාර දැමීම , මාර්ග වල කොන්ක‍්‍රීටි ඇතිරීම , අන්තර් සම්බන්ධිත කුට්ටි ගල් යෙ¥ මාර්ග ඉදිකිරීම ඇතුළු අංශ රැුසකින් මාර්ග සංවර්ධන වැඩපිළිවෙල ක‍්‍රියාත්මක කෙරේ.

මීට අමතරව අදින් ඇරඹෙන මාර්ග සති දීප ව්‍යාප්ත වැඩසටහන යටතේ වලපනේ ප‍්‍රාදේශීය ලේකම් කොට්ඨාශය කේන්ද්‍ර කොට ගනිමින්  ඩිජිටල් තාක්ෂණය පිළිබඳව දැනුවත් කිරීම , ඝණ අපද්‍රව්‍ය කළමණාකරණය පිළිබඳව දැනුවත් කිරීම , පොල් වගාව සම්බන්ධයෙන් දැනුවත් කිරීම , ඉඩම් හිමියන් සඳහා බලපත‍්‍ර ලබා දීම , නිවාස ආධාර ලෙස සිමෙන්ති බෙදා දීම , බෝවන හා බෝනොවන රෝග පිළිබඳව ජනතාව දැනුවත් කිරීම , ගෙවතු වගාව සහ පොෙහොර භාවිතය පිළිබඳව ජනතාව දැනුවත් කිරීම , කෘෂි උපකරණ කට්ටල බෙදා දීම , උසස් පෙළ ළමුන් සඳහා වෘත්තීය මාර්ගෝපදේශණය අතුළු ක්ෂේත‍්‍ර රැුසක් ආවරණය වන පරිදි රාජ්‍ය නිළධාරීන් සම්බන්ධ කරගනිමින් වැඩසටහන් රැුසක් ක‍්‍රියාත්මක කෙරේ.

මාර්ග සති – ගැමි පුබුදුව ජාතික සංවර්ධන වැඩසටහන යටතේ නව රජයේ සංවර්ධන සැලසුම් දිවයින පුරා ක‍්‍රියාත්මක කෙරෙන රජයේ ප‍්‍රමුඛ සංවර්ධන වැඩසටහනක් වේ. රජයේ සංවර්ධන දැක්ම යටතේ අවධානය යොමුවිය යුතු සියලූ අංශ ආවරණය වන පරිදි ජනතා සේවය සැලසීම මෙම වැඩසටහන යටතේ සිදු කෙරේ.

– රජිත සමරසූරිය

33 views
Main News